الثلاثاء، فبراير 17، 2015

رحله ماسكرا مع قورجس | شنو هي وليش وصلت لي ؟ + هديه لكم ♥


السلام عليكم وَ رحمه الله وَ بركاته 
بوست جديد لفكره جديده من نوعها جدددا متحمسه لها وان شاء الله تتحمسون معاي

اول شي شوفو الفيديو القصير الي سويته :




الماسكرا كانت زايرتني من شخص مجهول وهذا الحلو فيها
بدون تعليب فقط علبه سااااااده ومعاها بس كتيب مافيه معلومات اصلا هههههه والمطلوب مني اجربها واكتب انطباعي عنها

الجميل بالموضوع ان اسم الماركه مو معروف لي فماراح يأثر على قراري ان شاء الله. 


اول شي لاحظته ان الفرشاه بلاستيك وشعراتها قصيييره

  
كميه البرودكت الي تطلعه لي الماسكرا ممتازه ، يعني بعض الماسكرات اذا فتحتيها تحصلين عليها البرودكت وتصير ثقييله وتضطرين تشيلين الزايد ، بالنسبه للماسكرا هذي لفتت نظري انها ماتاخذ ماده او مستحضر بشكل كبير ..


جربتها لاول مره وقت ماكتبت لكم هذا البوست لان ابي انطباعي يكون حقيقي تماما
واكتب الي حاسه فيه بدون نسيان او مبالغه ..


اول انطباع لي :
حسيت عيوني مصحصحه ومفتوحه للاخر ، صح مرات في ماسكرا لما تحطينها تخلي رموشك هابطه وشكلك يجيب النوم ؟
احساسي هنا العكس تماااماااا ، سواد الماسكرا جمميل وطلعت لي رموش ماكنت ادري انها عندي هههه ، اتكلم عن الطول اما الكثافه ماحسيت كثفت لي رموشي ، بعض الماسكرات تطول الرموش بس تحتاج "اداه عكف الرموش" فياخذ مني وقت اما بالمساكرا هذي عطتني عكف للرموش بشكل جميل بدووون مبالغه ، الحين صارلي تمااماا ٦ ساعات حاطه الماسكرا ورموشي ماهبطت ولازالت معكوفه. 


الفرشاه مثل ماقلت بلاستيك ومسكتها حلوه مو قصيره فتوصل لكل الرموش وماحس حصلت صعوبه باستخدامها
لو تلاحظون الصور الراس نفسه فيه خفسه مو متساوي فاظن هذا السر الي خلا رموشي معكوفه "كم مره قلت معكوفه اليوم؟"

الي يميزها انها تعكف الرموش وتطولها وتجلس فترره وهي نفس الشي ، ماذكر شخصيا مرت علي ماسكرا كذا 


هل من الممكن اشتريها ؟ يسس ممكن اشتريها لكن تمنيت تكثف الرموش بعد بس اتوقع لو استخدمها مع ماسكرا ثانيه تكثف بتعطيني نتيجه حلوه! لازم اجربها واحكم ، بالنسبه الي حببني فيها اني استخدمها بدون عاكفه الرموش وتصمد معاي فماياخذ مني وقت ولا جهد واختصرت الخطوات ، بشكل عاام الماسكرا جمميله وتنفع للي يحبون يطولون الرموش والي عيونهم صغيره لان شعرات الماسكرا قصيره فراح تاخذ كل رمشه معاها ، وتنفع بعد للي رموشهم مستقيمه او سيدا مثلي تعكفهم لفوق.


طيب الحين شنو ماركه الماسكرا ؟ ابيكم انتم تجاوبون وتستخدمون هاشتاق #RLME بالانستقرام ، الماسكرا مانزلت بالسوق وقريبا راح نعرف شنو ماركتها ، الي تجاوب صح بالهاشتاق راح يكون لها فرصه الفوز بالماسكرا قبل ماتنزل بالسوق يعني بيكون لها السبق باستخدامها قبل لاياخذونها الناس ، شي مميز صح p: وراح تكون في هديه اضافيه معاها راح نعرف شنو هي بالايام الجايه بس اوعدكم هديه مغريه جدا ، شروط المشاركه :

تكتبون بالهاشتاق #RLME شنو ماركه الماسكرا ؟ وتسوون لي تاق ونفس الوقت تحطون هاشتاق #ماسكراـقورجس لان الاختيار بيكون عشوائي من الهاشتاق ، بالنسبه للصوره الي راح تستخدمونها اخذو من البوست اي صوره تعجبكم واذا اخترتو الفيديو الي سويته بيكون اجمل واجمل بس ماكنت بصعبها عليكم ، وتنتهي المسابقه بشهر مارس بس ماحددت التاريخ للان ، مثل ماقلت الهديه مغريه جدا بالاضافه للماسكرا اهم شي لاتنسون الشروط.


ان شاء الله تكونون حبيتو البوست وباذن الله بنعرف بالايام الجايه الماسكرا شنو ماركتها بالضبط وبكتب عنها ريفيو احسن بعد كم استخدام ، اشوفكم ببوستات ثانيه.

قورجس 

هناك 6 تعليقات :

  1. أعرف اسمها من المدونات الأجنبية لكن لن أفسد المسابقة على الناس ^^"
    من تخمينات الناس عندهم في البداية يوجد لها شبيه في السوق بسعر أرخص

    ردحذف
  2. تم وان شاء الله تخميني صح ومعن عارفه الحظ ماراح افوز بس نجرب

    ردحذف
  3. أزال المؤلف هذا التعليق.

    ردحذف
  4. حلوة كتجربة ومن اول ما شفت الصورة توقعت انها تعكف الرموش لانها مقوسة شوي .. تمنيت تكتبين تجربتك في ازالتها للن احيانا تكون الماسكارا وااو من كل النواحي وفي الازالة 😣.. ماقصرتي وبوست حلو والفيديو سوبر وااااو

    ردحذف
  5. بنفت دايماً مبدعة ♥♥

    ردحذف
  6. السلام عليكم جورجس ممكن اسالك اش اسم البرنامج اللي تشتغلين عليه الفيديو واسم هالنوع من المقاطع اذا ممكن

    ردحذف

التعليقات الجميله ♥♥

Blogging tips