الثلاثاء، فبراير 03، 2015

شعرك مايمسك اللفه وعلى طول يخرب؟ الحل عندي | #قورجس_تيبس


السلام عليكم ورحمه الله وبركاته ♡ 
 
رجعت لكم ببوست جديد من سلسله #قورجس_تيبس
فكره السلسله للي مو عارف هي بوستات قصيره لتجارب لي نفعت معاي وحبيتها .. ماحطيتها بالانستقرام لان ابي احفظها وماتضيع للمستقبل ..


انا شعري زمان اسويه ويفي ويطلع مرتب لليوم الثاني ، اول تدوينه لي كانت عن الشعر الويفي قبل سنتين ونص هههه ، من كثر مو مبسوطه اني ضبطت الويفي قلت لازم اشاركم فيه

بس طريقتي تغيرت اكيد مع الوقت وماصرت استخدم الرغوه لان مايعطي لفات طبيعيه وبنفس الوقت شعري ابد مايثبت يعني اسويه واطلع للمناسبه الا اللفات متفككه ومتبهذله ، فحصلت الحل!

انا شعري من النوع الناعم بس مموج وفيه نفشه فضروري استشوره قبل .. اذا انتي من نفس نوع شعري احرصي لما تستشورينه لاتفردينه حييل مجرد تنعيم بسيط ، واستخدمي سبراي واقي من الحراره قبل انا اخذ من صيدليه بوتس ومره ممتاز .. قسمي شعرك اقسام لما تستخدمين الفير .. لاتكون الخصله كبيره ولاصغيره حيل .. واهم نصيحه استخدمي سبراي شعر قبل ماتسوين ويفي .. يعني لما تقسمين الخصله وتبين تلفينها بخي عليها من السبراي المثبت ولفيها ع طول بس لاتكثرين سبراي .. بعد اللفه امسكي الشعره بيدك وبخي شي بسسيط من السبراي عليها وبعدين فكيها ..


بكذا اضمن لك شعر ويفي مرتب لثاني يوم ان شاءلله :)

بالنسبه لجهازي الي استخدمه هو جوسي ابيير او خوسيه ابيير الي هو .. اخذته قبل ٣ سنين وحاليا ينباع باغلب المولات بالرياض .. المقاس الي عندي وسط ممتاز جدا للويفي والكيرلي انصح فيه اكييد .. اما السبراي ماركه اندولا اخذته من نزيه ميزته تثبيت قوي بس مايخلي الشعر ميبس او خشبي حابته جدا :)

ان شاءالله البوست يكون مفيد واشوفكم ببوستات ثانيه
قورجس ♡ 

هناك 11 تعليقًا :

  1. شيماء حبيبتي مشكوره انه شعري نفسج و الويفي ما يضبط معاي
    شنو اسم السبري الواقي من الحراره اللي من بوتس؟

    ردحذف
  2. السلسلة مررره جميلة 👌😍😍

    ردحذف
  3. نفس طبيعة شعري ونفس الطريقه اللي استخدمها وفعلا شعري زي ماهو اليوم كله

    ردحذف
  4. شعري مستحيل يمسك الويف ="( حده بس كم ساعه و بعدين احسه يسيح و يفتل ههههههه
    مع اني احب الويفي وايد <3 <3 بجرب طريقتج
    تسلمين على النصيحة

    ردحذف
  5. جميل ، السبراي الي من بوست ايش اسمه .
    نشوفك إن شاء الله ببوست ثاني قورجستا ههه ❤️

    ردحذف


  6. بوست خفيف ومفيد
    عندي مقاس ٢٥ وبجرررب طريقتك لان الرغوة تيبس بالشعر
    يعطيك العافيه

    ردحذف
  7. بجرب السبراي ، ... شكراً لك عالإفاده ماقصرتي حبيبتي ❤️❤️❤️❤️❤️💋

    ردحذف
  8. طبيعه شعري زيك بالضبط و كنت زيك استخدم الرغوه بس يطلع شكله مو مره.
    و جربت احط فقط سبراي بعد ماالفها يثبت فترة و يطيح .
    ان شاء الله اليوم اجرب طريقتك سبراي قبل و بعد

    وشكرا شيوم

    ردحذف
  9. البوست 😍😍😍.. لان الكيرلز عندي لو شنو اسوي ينفكون ومظهر الموس فيهمما احبه .. يسلموو

    ردحذف
  10. فير جوسي ايبر جمييييل مقاس 25 ♥♥

    ردحذف

التعليقات الجميله ♥♥

Blogging tips