الخميس، يناير 22، 2015

سلسله #قورجس_تيبس | نصيحه ممكن تغيير شكل الفاونديشن حقك للابد!


السلام عليكم ورحمه الله وبركاته. 

بسوي سلسله قصيره اسمه قورجس تيبس #GorgeousTips ، يعني نصائح قورجس 😬❤️ بتكون اشياء صغيره فادتني وحبيت اشاركم فيها   
، فكره البوستات بتكون قصيره وخفيفه ، ماحطيتها بالانستقرام لان ابيها تكون مرجع لكم هنا وماتضيع ♡ 



فاونديشن دولتشي اند قابانا اشهر من نار على علم وكثار جربوه وناسبهم والبعض ماناسبهم مثلي .. يطلع علي كانه خطوط او ماسك فوق الوجه :/ ماحبييته وحاولت بشتو الطرق ادمجه ونفس الشي احسه طبقه ع الوجه فصرت اخلطه مع فاونديشنات ثانيه عشان اخلصه بس .. المهم كنت اتابع ميك اب ارتيست ع اليوتيوب اسمه قووس ميك اب ارتيست .. نصح بتجربه الفاونديشن وخلطه مع نقطه زيت ، حسيت الفكره مجنونه لان بشرتي تميل للدهنيه بس قررت اجربها مع فاونديشن طايح بكبدي 😂 وطلع شي خياال !!

،

الفكره تخلطين نقطططه بس من زيت اللوز *هو نصح بزيت اللوز بس ممكن تجربون باي زيت خفييف عندكم* اهم شي لاتكثرون زيت! واخلطيه مع الفاونديشن بيدك واستخدميه .. انا توقعت وجهي بيدهن بس ابدا مادهن .. الفاونديشن الي استخدمته مطفي اتوقع لو فاونديشن سائل مره ممكن مايفيد! بس جربو مو خسرانين شي .. النتيجه الي حصلت عليها flawless!! .. فاونديشن صار اسهل بالدمج وماصار طبقه ع الوجه حسيت كانه بشرتي بس احسن ، صار اخف كتغطيه فحطيت طبقه ثانيه .. حطيته بدون باودر ابي اجرب وطلع جميل! ماتوقعت صراحه ببنبسط ع النتيجه :)

الزيت مثل زيت اللوز مايسد المسام .. الي يسد المسام المكياج فلازم تهتمون بنظافه البشره .. الفاونديشن مطفي حتى بعد الزيت .. ومافي لمعه بالوجه ابد .. مثل ماقلت ماجربته الا مع هالزيت بالذات بس ممكن تجربونه مع زيت الزيتون او زيت السمسم او زيت الجوجبا .. ماراح تعرفون النتيجه الا اذا جربتو وان شاءالله تفيدكم ♡ 

حبيتو السلسه؟ اذا حبيتوها بتكون مستمره ان شاءالله فعطوني خبر :)
اشوفكم ببوستات اجمل ..
قورجس ♡ 

هناك 20 تعليقًا :

  1. من جد فكرة مجنونة ، بس دام نصح فيها ماكيير يعني خبرة .. لي تجربة بإذن الله قريب .. بس زيوت شركة ناو تعتبر خفيفة ، يعني زيت الزيتون ثقيل احسّه بيحوس الدنيا ! اكيد حبينااااا السلسلة ، استمرّي قورجس ..

    ردحذف
  2. حبيت الفكرة.. وحبيت السلسلة .. بالنتظار الباقي 😍😍

    ردحذف
  3. أووووه جاآ بوقته صراحه عندي فاوندييشن بس مرمي م استخدممه ابي اتخلص منه بس احس اتحسف ارميه ..
    بجرب واشوف ..

    السلسله مراآ حلووه فكرتهاآ .. لاني كثيير استفيد منك ..

    ردحذف
  4. اتابع نفس الشخص قووس واعملت نصيحته جدا رائعة غيرة طريقتي للفونديشن ..

    انا ايتخدمت زيت الارقان مع BOBBI BROWN BB CREAM جدا حبيت النتيجة .. انصح الجميع باستخدامها

    ردحذف
  5. مرره حبيت يعطيك العافيه

    ردحذف
  6. حبيت السلسلة و لاتطولي في البوست الجاي🙊💕💕 <<<اتحمست😝

    ردحذف
  7. حبيت الفكرة كثير وعندي فاونديشن كذا الكل يمدحه وانا ماناسبني باجرب طريقتك باذن الله

    اتمنى تستمرين بهالسلسلة شيوم لان فكرتها جميلة يعطيك العافية

    ردحذف
  8. حبيت السلسه عزيزتي استمري

    ردحذف
  9. حبيت فكرة السلسلة بس مين الميكب ارتيست ده ممكن تعطيني تهجئة الاسم

    ردحذف
  10. حبيت فكرة النصائح ؛؛ استمري قورجستا
    و الله عندي كم فاونديشن طايحين بكبدي باذن الله بجربها و أخبرك :)

    ردحذف
  11. جاري التجريب شكراااااااا

    ردحذف
  12. مرا حبيت فكرة السلسلة ، اكيد استمري ربي يوفقكك 💜

    ردحذف
  13. على كثر مااني مهتمه بالميك اب وبكل معلومه جديده فيه الا اني اول مره اسمع هالفكره
    جدا حبيت الفكره

    بوست رائع

    ردحذف
  14. السلسله حبيتها قوه ، والفكره ماتطري على البال ♡

    ردحذف
  15. فعلاً قورجس انا من زمان سمعت وحده تمدح زيت انجلوت نقطه مع الفونديشن يثبت جربته كم مره بس بعدين بطلت ماذكر عطاني نتيجه مره مبهره بس قلت اساعد بالمعلومه 😐

    ردحذف
  16. هو ركز انه الفاونديشن يكون فيه نسبة السيليكون على مااعتقد حتى تزبط الفكرة وتحصلي الدوي لوك.. حبيتها الفكرة ودايما متابعة ليك واحب مدونتك:)

    ردحذف
  17. فكرة ماتخطر على البال .. وانا اقرأ اقول ويي بشرتي مختلطة شلون بتتحمل الزيت .. من تجربتج واضح انه حلوو وانا اثق فيج 😘❤️

    ردحذف
  18. هي قالت فقط نقطه ان شاء الله م تظر جاري التجربه

    ردحذف
  19. يب حلوة السلسة ومفيدة ♥♥
    بس بجد الفكرة مجنوووونة ما بتخطر في بالي لو ايش هههههههه

    ردحذف

التعليقات الجميله ♥♥

Blogging tips