الثلاثاء، يناير 27، 2015

تنسيقي لعبايه مناسبات | جوله بموقع بوم بوم كوتور ♥





السلام عليكم وَ رحمه الله وَ بركاته .. 
من قراراتي للسنه هذي اجرب اشياء جديده وماتمثلني! من ناحيه اللبس والستايل .. انا دايما البس بالسيف سايد ماخاطر او اجرب شي جديد بس السنه الي فاتت جربت اشياء كثييره ماتوقعت البسها وعجبتني! اقدر اقول ستايلي تطور ماتغيير ..  فحبيت اكمل تجاربي السنه هذي واتجرأ باختياراتي وكانت تجربه ناجحه الحمدالله.




تواصلو معاي موقع بوم بوم كوتور لتجربه موقعهم ، موقع بوم بوم كوتور هو موقع اماراتي مختص بالفاشون ومقرهم بدبي ، المفهوم حقهم متميز عن الباقي ، اغلب الكولكشنات عندهم جريئه من ناحيه الالوان والشكل وعندهم مصممين خاصين فيهم ، هدفهم كسر الحواجز بالاناقه والحيويه ويوصلون للعالميه ، الي لاحظته بالموقع استخدامهم لازياء لها طابع خليجي او عربي مدموج بخطوط الموضه العالميه ، الموقع جديد فالكولكشنات الي عندهم محدوده بس وعدوني بانها راح تتطور وتزيد.

الموقع فيه عربي وانقلش ، سهل التصفح وواضح ..
اقسامهم :



حبيت انهم مخصصين قسم للقفطان \ جلابيه \ دراعه p: والعبايات، نادرا اشوف هالشي بمواقعنا العربيه فلفته حلوه!
اول شي يلفت النظر الالوان بالموقع كلها الوان قويه وبارزه اما بشكل الموقع او بالكولكشنات ، يعني البنت الي تحب الكلاسيك نفسي والالوان المحايده ماراح يعجبها ، بس مثل ماقلت ابي اكسر حاجز التردد وقررت اشتري شي خارج "comfort zone" حقي هههههه ، فاخترت عبايه من عندهم :






اول شي لفتني بالعبايه انها تشبهه الكيب جاكيت الي دارجه موضته بالشتاء :


العبايه للمناسبات طبعا ، اقصد بالمناسبات زيارات وعزايم وزواجات ومعارض نسائيه ، بالكويت وبعض دول الخليج ماينزلون العبايه دايما كشختهم بالعبايه ، فاحس هذا اختيار مناسب وعلى الموضه،


العبايه يوم وصلتني اجمل من الصور صراحه ، توقعت الورد الي ع الكتف بيصير اوفر بس طلع حلو ومو بارز برا ، حبيت الخياطه ونظافه الشغل! وحبيت ان اطراف العبايه مخمل يعني لمسه شتويه بس مو اوفر "اكره العبايات المخمل كامله!!" المقاس مرتب "لان بالموقع حاطين فري سايز"


الورد ع الكتف بس ومن ورا مو نازل كثير مثل مو موضح بالصوره 



فيه حبات شوارفسكي موزعه بس قليله وهذا احسن شي لان ماحب البرقه واللمعه الزايده ههههه .. ومن الاشياء الي جدددد حابتها بالعبايه انها لف! 


اغلب عباياتي لف صايره ماحب الي تسكر من قدام ، احس اللف تعطي فخامه وطله ، "اقصد باللف الي مثل البشت تمسك" ، حبيت اللوقو الي حاطينه ع العبايه *احب التفاصيل* لاحظت العبايه مامعاها شيله او ملفع استغربت ، بس ماحسيت شي مهم لان لو ع نفسي بختار شيله شيفون ساده 


نسقت للعبايه :


شنطه وشوز مقاربين للون ، العبايه فيها شغل كثير فحبيت اختار الوان محايده للاكسسوارات عشان مايصير الشكل اوفر ، ونسقت الوان قريبه من بعض لان حسيت شكلها ارتب ، ومع العبايه بشكل عام احب هالالوان والمحايده والسودا ، الملون ماحبذه كثيير الا اذا كانت العبايه بسيطه.


الشوز الي كذا جدا جدا انيق ومريح لان بلاتفورم مرتفع من قدام فلاتخافون من طوله ههههه ، انصح فيه وخاصه هاللون يمشي مع اشياء كثييره ، اخذته من مانقو وتحصلونه باغلب المحلات.


الاكسسوار حبيته ناعم لان مثل ماقلت العبايه فيها شغل فكنوع من التوازن خففت اكسسوار ، الساعه مع الاساور بيد وحده احب البسها والخواتم تجي باطراف الاصبع ، كملت الطله مع مناكير احمر وروج احمر ، بالنسبه للبس تحت العبايه احب البس ليقنز اسود او جلد ، ماحبذ الجينز للمناسبات او البناطيل الملونه ، ممكن فستان طويل ناعم بس ماسك ع الجسم ومايكون اطول من العبايه طبعا.

اذا المناسبه زواج انصح بتغيير الشنطه لكلتش صغير ، وممكن تغيرون الاكسسوار لشي افخم ، احس الستايل واللبس بحر كبيير وكل يوم ينزل شي جديد وغريب ، حلو نجرب ونغيير ونطلع عن الي متعودين عليه والناس متعوده تشوفنا فيه عشان مانجلس بدائره التكرار والملل ، ماتدرون يمكن يعجبكم شي ماكنتو تشوفون نفسكم فيه ، بالاخير هو لبس ويتغيير مو شي ثابت ، فخليك جريئه بس باناقه اكيد ، بالاخير حبيت تجربتي مع الموقع الطلب وصل لي بسرعه بدون تعقيدات وكان ببوكس مرتب ، موقع بوم بوم عطوني خصم لمتابعاتي ، كود : gxppc الخصم بيكون ٢٠٪ وينتهي ١٤ فبراير.


ان شاء الله يعجبكم البوست واشوفكم ببوستات ثانيه 

قورجس 


هناك 14 تعليقًا :

  1. البوست مررره جميل اعجيني كثير من جد دخلتي ببالي اني اجرب اشياء جديده
    خصوصا العبايه ابدا مو جريئه فيها ؛ و دايم تجربتك مع المواقع حلوه شكراً لك ..

    ردحذف
    الردود
    1. اهلااا بانوار الجميله ♥
      الله يسعدك وانا بعد مستانسه اني اجرب اشياء جديده ♥♥♥
      نورتيني ♥

      حذف
  2. حبيت التنسيق مره رايق ومافيه زحمة الوان 💗💗👌
    انيقه

    ردحذف
  3. حبببييييييت :$ تتهني ولون الشوز والشنطه شي شي

    ردحذف
  4. ماحبيتها

    ردحذف
  5. ماشاء الله .. ملبوس العافية 🌺🌺 .. حبيت العباية والتنسيق .. شكراً بحجم السماء حبيبتي ❤️❤️

    ردحذف
  6. حبيت العباية فخمة ماشاء الله تتهني فيها

    ردحذف
  7. ذوقك جميل وحبيت كل التفاصيل اللي زدتيها ، تتهني فيها يارب ♡

    ردحذف
  8. حبييييييييييت الاختيار مرة ماشاءالله وعجبني الجرئه في الاختيار
    روعة ماشاءالله
    وعلى فكرة اول مرة ارد عليك
    متابعتك من بعيد من زمااان ومن محبينك ليا حسابي بانستقرام وليا ماركتي ولله الحمد في شغلي رسامة ... بس أوقات افضي نفسي خصيصا لك عشان أتمتع معاك الله يحرسك ويحميك ...
    بس نسيتي ماقلتي لنا بكم سعر العباية والشوز والشنطة

    ردحذف
  9. قورجس العبايه اللف جدا جميله لكن بما اني ام جديده احس توهق وصعبه ومو عمليه بوجود طفلي لما اشيله وكذا كيف قدرتي تكيفينها مع بنوتك ابدا ماعرفت اطلع فيها يصير شكلي مبهذل وحالتي حاله 😂 ف بطلت عباياتي اللف ورجعت للمسكره 😞

    ردحذف
  10. حبيت التنسيق 😍😍ايليغنت حيييييييل
    والعباية حلوة تتهنين فيها 😘

    ردحذف

التعليقات الجميله ♥♥

Blogging tips