الثلاثاء، نوفمبر 11، 2014

بلوفر واحد بثلاث تنسيقات شتويه | ♥ sweater weather




السلام عليكم وَ رحمه الله وَ بركاته 
بوست اليوم مختلف عن كل مره ، تنسيقات من دولابي
السبب اني مانزل هالنوع من البوستات هو التصوير والتصوير والتصوووير
احس ماعطي القطع حقها ، بس لو عجبكم البوست ممكن اجيب منيكان بإذن الله بس حمسوني p:


،

الشتاء قرب والقطعه الاساسيه بكل دولاب بنت هي السويتر او البلوفر او الستره بالعربي p:
فقررت اختار قطعه وحده ب٣ تنسيقات تعطيكم الهام بالتنسيقات
ملاحظه (الشوزات كلها نظيفه قبل لا احطها ع اللبس)

التنسيق الاول : كاجوال ممتع!


التنسيق هذا حلو لطلعات الصباح والجامعه او طلعه لصحباتك وغيره
البلوفر وسيع مره ويغطي لنص الفخذ تقريبا فمناسب معاه لقينز ضيق بلون الرمادي
- نصيحه للجميلات وخاصه الملينات شوي ، الليقنز ماينلبس مع بلوزه قصيره وضيقه المظهر ابدا مو مناسب :( -




نسقت مع القطع شال كبيييير وملون يكسر اللون الباهت بالبلوفر 


 ومعاه كاب ابيض كيوت جدا p: يسمونه بالانقلش beanie | بيني 


وبالاخير الشوز فيه قليتر بلون النحاسي
-حبيت هاللوك ملون وفيه حياه مو معناته شتاء لازم كل الالوان غامقه وكئيبه-

تفاصيل اللوك:
- البلوفر : زارا -تو اشتريته بتحصلونه-
- الليقنز : زارا
- السكارف : زارا
- الكاب : زارا
- الشوز : برمود

التنسيق الثاني : اناقه مريحه


التنسيق الثاني باستخدام فستان قصير!
انا قبل اذا شريت شي البسه مثل مو معتاد مافكرت ابتكر له طريقه جديده ، بس دايما لما تعودين عينك ع اشياء جديده وناس مختصه بالمجال هذا راح توسعين مداركك وتبدعين اكثر وتطلعين من "الكومفرت زون" او منطقتك المريحه

،

الفستان قصته وسيعه من تحت ، فمع البلوفر صاير كأنه تنور بس بنفس الوقت جدددا مريح "ماحب البس تنانير لان ماحسها مريحه" 


نسقت معاه ستيتمنت نيكلس او عقد عشان يعطيه اناقه ، ونسقت معاه بعد سكارف ينربط ع الشعر مثل كذا 



شنطه كروس ، لان نبي راحه مع اناقه واخر شي


بوت! اي نعم بوت ويسمونه farmer boot يعني بوت المزارعين
دايما اشوف هالنوع باللوك بوك وبلبس الاجانب وماتخيلت لو لحظه البسه لان اميل للهيلز اكثر شي
بس قلت نجرب ليش لا!
وجداا حبيته وجدددا مريح ومقرره اشتري بوتات كثيره هالشتاء ان شاء الله
البوت هذا ينكفس او ينقلب من فوق وحسيت شكله احلى ..

نصيحه تجرأو باللبس لان ماتدرون بيعجبكم او لا الا اذا جربتو.
واذا حابين تلبسونه للمساء تقدرون تغيرون الشنطه والبوت بكعب وتحطون حزام بالخصر يلم اللبس ويعطي طله حلوه 

تفاصيل اللبس:
البلوفر : زارا
الفستان : فور ايفر ٢١
العقد : اتش اند ام
الشنطه : مايكل كورس
السكارف: كارولينا هيريرا
البوت : فور ايفر ٢١

التنسيق الثالث : كلاسي انثوي

ملاحظين كل تنسيق له شخصيه غير ؟
اخر تنسيق هو الاقرب لي لان فيه هيلز p: بس كلهم احبهم صراحه ولكل مكان لبس مناسب

بالتنسيق هذا دخلت القميص ، لان المعتاد تلبسين بلوفر مع جينز وخلاص ، بس جربو معاه قميص ولو كان ملون او مخطط بيطلع جمميل بس للاسف ماعندي حاليا شي مناسب .


الي متابعني من زمان اكيد مر عليكم هذا العقد! جدددا احبه ويمثلني بمرحله ما p:
لونه كحلي فحلو عطا للبس لون جديد بعد ، ونسقت جينز بويفريند ويمشي معاه جينز سكيني لانه وسيييع
بس لو بويفريند لااازم هيلز لان يعطي شكل قصير فوق وسيع وتحت وسيع!

شكل القصه قريبه من هذا:



الشنطه لونها بالواقع نفس الصوره الي تحت ،،


واخر شي هيلز طبعا!
تفاصيل اللبس:
البلوفر: زارا
البنطلون: فور ايفر ٢١ (راح يفتح قريب بالحياه مول!!)
العقد: زارا
الشوز: لوبتان
الشنطه: برادا


حبيت انوه بالاخير ان البلوفر له فتحات من جنب كبيييره! انا ماعرفت الا لما رجعت البيت فتأكدو p:
وبس هذي تنسيقات اليوم ، ان شاء الله يكون افادكم البوست وتعمدت اكتب شوي مصطلحات بالانقلش
عشان تساعدكم لو قريتوها بمكان ثاني تعرفون المقصد ..

شنو اكثر تنسيق حبيتوه ؟
اشوفكم ببوستات ثانيه! 














هناك 26 تعليقًا :

  1. حبييييت التنسيقات شيوم وضروري تشتري مانيكان او طريقه تبين اللبس اكثر ❤

    ردحذف
  2. ماشاءالله انيقة
    كل التنسيقات جميلة وتخدم لمناسبات مختلفة
    و حبيت االون البلوفر مرا تريندي و يفتح النفس للشتاء ^^
    يعطيك العافية يارب

    ردحذف
  3. جبيت اخر تنسيق الاقرب لي 💓💓💓thank you

    ردحذف
  4. عجبتني التنسيقات
    تحمست معاك بالسناب
    يعطيك العافيه حبيبتي

    ردحذف
  5. عجبني التنسيق الاول والثاني 😍 قريب من شخصيتي وخصوصا بالشتا هههه اما الاخير كثير بنشوفه بس يناسب كثييير من البنات و برضو حلو ، بعطيك العافيه ❤️❤️

    ردحذف
    الردود
    1. يااااي ياقورجس مررا روعه اسم الله عليك $ حبيتهم كثير صراحه بس اكثر شي *الكلاسي* بس حسيت الهيلز الاسود شوي جريء مع اللبس :$ لو كان لون فاتح ... وكان الهيلز مفتوح من قدام مثل هيلزات سان لوران كان يطلع فري فري بيرفكت :$ بس برضو وما نقصت اناقت اللبس :* ولااازم لااازم المانيكان ياشيما حرام نظلم التنسيقات :*

      حذف
  6. حلو وانا اهتم بالملابس الي نقدر نستخدمها بكزا طريقه وبزاات الفساتين لما تحطلها جاكيت مع سكارف او نلبس فوقها بلوزه

    ردحذف
  7. مره جمييييل ❤, توكلي على الله واشتري منيكان ً❤

    ردحذف
  8. في شي نسيت اقولو :p لبنات الجامعه في فكره جديده لللبس تجنن بما انو دايمن نشوف فساتين قطنيه مو فستان فستان اممم زي الي عند محل كاب ينفع معاها قمص وتربطي من تحت ليطلع شكلك مرا حلو وشي جديد وبتجسيد براحه

    ردحذف
  9. حمستيني اروح اتسوق للشتاء ذوق ماشاءالله عليج

    ردحذف
  10. شيوم البوست مررة روعة وجميل وذوق كمان عكس أناقتك بكل معنى الكلمةمررة حبيته ياليت تعملي بوستات أكثر عن التنسيقات والديكور والطبخ كمان داخلين على شتا وحركات دلعينا نحن نحبك ونثق في ذوقك وعودتينا دايماً انك تكون متجددة ومميزة ولا تنسي تشتري مانيكان ها قدرت احمسك ياحبي لك

    ردحذف
  11. مرا روعه بالذات التنسيق الثاني اعجبني جدا
    ونبي بصراحه مواضيع زي كذا تفيدنا مره

    شكرا قورجس

    ردحذف
  12. كل شي حلو افضل شي فاشن ياليت تكثرين لنا تدوينه عنه بلعكس تصويرك جمييل
    حبيت كل تنسيقاتك 😍😍😍😍

    ردحذف
  13. ❤❤super chic I 'm in love with look one

    ردحذف
  14. رووووعه مره حبيت التنسيقات ياليت تسوين تنسيقات للكروشات مثلي

    ردحذف
  15. حبيت اخر تنسيق ﻻن الستايل يناسبني بس كل التنسيقات جميله

    ردحذف
  16. حلوة مره لكن يالييييت تشتري مانيكان حرام ما يبين ذوقك الحلو ❤

    ردحذف
  17. ماشاء الله التصوير بطل !! مرة احب هالنوع من البوستات ..يعطيك العافية ..

    ردحذف
  18. حبيت التنسيقات و لون البلوفر مره جميييل .
    يعطيك العافية ❤️❤️❤️

    ردحذف
  19. مررره عجبني التنسيق الاول و الثالث حبيتهم مررره ♥️♥️♥️ اما الثاني مو باين مرره وتسلمي شيوم على البوست

    ردحذف
  20. كعادتك ماشاء الله انيقة ومرتبة وذوق
    عجبني لون السويتر ( من الاواني المفضلة )

    مررا حبيت التدوينة هادي وياليت تشتري مينكان افضل لانو التنسيق التاني مو مررا باين 😊

    ردحذف
  21. يعطيكي الف عافية , مشاءالله \وقك جميل والبوست مفيد جدا حبيت التنسيقات ب\ات اول واحد واخر واحد

    ردحذف
  22. يعطيكي العافيه

    ردحذف
  23. اول تنسيق حبيتو كيوووت ♥♥

    ردحذف

التعليقات الجميله ♥♥

Blogging tips