الخميس، نوفمبر 27، 2014

عروض البلاك فرايدي ، اختيارتي ومواقع كثيره | black friday deals ♥




السلام عليكم وَ رحمه الله وَ بركاته 

تكلمت قبل بالانستقرام عن البلاك فرايدي والخصومات الي فيه
فطلبو بنات مواقع ممكن يستفيدون منها فهذا البوست لهم :)

اول شي البلاك فرايدي :
هو اخر جمعه في نوفمبر وهي فرصه للناس تشتري هدايا حق الكريسماس
فالمحلات تحط والمواقع تحط خصومات توصل ل٥٠٪

في بنات قالولي العروضات بس بالمحلات ، لا هالشي مو صحيح حتى المواقع تسوي
بس مادري اذا خصوماتهم نفس المحلات او لا .. السايبر مونداي خاص بالمواقع اكثر الي ماعندهم محلات مثل الامازون اما الي عندهم محلات الخصومات بالمحل والموقع بنفس اليوم ..


وفي السايبر موندي الي هو يوم الاثنين الي يكون بعد الجمعه
يعني البلاك فرايدي يكون بكره بتاريخ
٢٨ نوفمبر

والسايبر مونداي الاثنين الي بعد الجمعه ع طول الموافق
٢ ديسمبر

انا ادايما اسمع عن العروضات بس هذي اول تجربه لي وصارلي قريب الثلاث ايام ابحث بالمواقع عن افضل العروض..
من خلال بحثي اكتشفت افضل العروض تكون ع الاجهزه ، الشنط والميك اب والملابس ماحسيت مره ..

يعني الي وده ينتظر التخفيضات الافضل ينتظر تخفيضات راس السنه او شهر يناير ، خاصه موقع فكتوريا سيكرت تنزل الاسعار للنص او اكثر .. 

بحطلكم العروض الي حابتها :

موقع مونيكا فيندر الي اشتهر بالاساور عنده خصومات ٥٠٪ ، شكرا لبنى السلطان الي دلتني عليه :*
http://www.monicavinader.com/us/

موقع كارترز عنده ٥٠٪ ، امس شريت لديم لبس للبيت مرررره حبيت اسعاره ، المحل هذا موحود عندنا بس غالي مقارنه بجودته!
https://www.carters.com/home?id=carters

موقع ساكس فيفث افنيو
http://www.saksfifthavenue.com

يشحن للسعوديه دايركت ، عندهم خصومات فوق ال٦٠٪ بحطلكم الاشياء الي عجبتني :

شنطه دولتشي اند قابانا الميني ، كانت  5،226 ريال وصارت ب 3،135
مره حبيت سعرها بس مشكلتها اللون ٬"( من داخل تايقر ومعطيها اناقه شوي .. هنا الرابط


 شنطه دولتشي اند قابانا بلون الكابتشينو هذي اكبر من الي فوق سعرها قبل ب 8051.24 والحين ب 4830.74 ريال



شنطه ظهر من الكسندر وانق حلوه الي ستايلهم كاجوال سعرها قبل الخصم :
4822.67 وبعد الخصم 2893.60 ريال
هنا الرابط

شنطه ظهر من فيليب ليم حلوه لبنات الجامعه احسها مميزه سعرها قبل الخصم
4842.85 ريال وبعد الخصم 2905.71 ريال ،، وفي لون اسود من نفس الماركه سعرها بالف ريال وشي


شنطه فيليب ليم المشهوره جدا وعند كل بنت ههههه كانت ب 2804.82 ريال وصارت بالف و٦٨٠ بس مو كل الالوان


شنطه لوف مسكينو صارت ب 776 ريال سعرها حلو بس اللون جريئ :\
هنا الرابط

 شنطه لوف مسكينو بس لون ثاني ماحصلت صورته ب٨٣٣ ريال بعد الخصم
هنا الرابط

في ماركات ثانيه بين الغالي والرخيص شوفوهم بالرابط.

.


http://shop.nordstrom.com/c/beauty-deals
موقع نوردستورم الغني عن التعريف ويوصل مباشره للسعوديه ، الي عجبني عروضات الميك اب والكريمات اما الشنط وغيره مو مرره ،، بس انتو القو نظره لازم تحصلون شي يعجبكم الاذواق مو وحده p:


عروضات الكليراسونيك الي هي اله تنظيف الوجه ، انصح فيها وبكتب عنها بوقت ثاني
الحلو حاطين خصم عليها مع اضافه منتجات مثل هنا ضايفين منتجات من كيلز كلها ب٧٢٠ ريال
هنا الرابط

كريمات لوكستيان لليد مجموعه ٤ حبات ب٤٠ ريال والحبه تنباع عندنا الظاهر ب٣٠ ريال او حولها ناسيه بس هذا العرض مره ممتاز
هنا الرابط

http://www.sephora.com/
موقع سيفورا مسوي عروضات بعد ، المشكله مرات يشحن ويقبل فيزتنا ومرات لا!! انا قبل سنه طلبت ورفضو بطاقتي بس مادري للان ع نفس النهج :|

http://www.amazon.com/
موقع امازون ، غني عن التعريف اكيد ، بس مدري ليه ماحبه ، يبيله تنبيييش لان مرره واسع وشامل كل شي ، افضل عروضاتهم ع الاجهزه الكهربائيه ، وانتو ابحثو عن الي تبون بالتحديد يمكن عليه عرض .. 

 http://www1.bloomingdales.com/
موقع بلومنق ديلز يشحن للسعوديه ، حبيت خصومات الشنط وتشكليتهم حلوه مثل مايكل كورس ومارك جيبكوب وتوري بورش 

http://www.theoutnet.com/
موقع ذا اوت نيت هو الاوت ليت حق نيت اي بورتير بس مو مسوين خصومات .. هو خصوماته منه وفيه فيمكن يعجبكم شي p:

http://www.myhabit.com/
ماي هابيت تابع لموقع امازون تخفيضاتهم حلوه بس مو على الماركات بس يسون عروض تقريبا بشكل مستمر فتابعوهم

http://tartecosmetics.com/
موقع تارت عندهم ٢٥٪ خصم

http://www.sigmabeauty.com/Holiday_Sets_s/271.htm
موقع سيقما بعد خصومات عندهم ٢٠٪

http://www.beauty.com/
موقع بيوتي ودرق ستور ، بس مشكلتهم ماحب خدمه العملاء عندهم وخاصه لما تضيع الشحنه!!
،

طيب شنو تشترين!

اول شي حطي لسته للاشياء الي محتاجتها ، عشان ماتضيعين ، ادخلي ع المواقع واختاري المنتجات وحطيها بالويش ليست او فيفوريت ، بس مو بسله الشراء ،، لان بس تبدأ الخصومات ع طول تحطينها بسله الشراء

اغلب المواقع اصلا بدت بالخصم بس اذا ماعجبك السعر مره انتظري للاثنين افضل وخاصه المواقع الي ماعندها محلات بتحط خصومات حلوه 

لما تشترين شي دوري نفسه بمواقع ثانيه وقارني بينهم ، اذا شفتي سعر حسيتيه لؤطه ع قولتهم لاتنتظرين لان اغلب الاشياء تخلص بسرعه ..

طيب الي ماعمرها طللبت من قبل وخايفه ، انصحك تطلبين ولاتفوتين متعه الشوبينق اون لاين ، بس اول مره بتكون صعبه بس بعدين عادي .. هذا بوست متكاااامل عن التسوق الالكتروني من مدونه سناء مررره حبييته وفادني بعد مع ان عندي خبره شوي :$
http://la-beautiful-details.blogspot.com/2014/11/shopping-online-from-z_7.html

يمكن العائق الوحيد اللغه لازم تعرفين تطقطين شووي انقلش :$ بس الله يخلي مترجم قوقل بيساعدك ..

هذا الي ببالي حاليا في مواقع بعد وخاصه الملابس بس ماقدرت اكتبهم كلهم فاذا عارفه اي موقع اكتبيه بالكومنتس ماعليك امر :$
وشكرا لصديقتي الصدوقه اروى ساعدتني بالمعلومات :*

شوبينق سعيد 


هناك 13 تعليقًا :

  1. لايفوتك خصم جوسي كوتور 50% بااستخدام هالكودJCBLACK باستثناء العطور والساعات وينتهي 30/11 💘

    ردحذف
  2. شكرا كثيرا ام ديم :c

    ردحذف
  3. شيوم عندك خلفية وين احصل شناط CH في اي موقع ؟
    تعبت ادور

    ردحذف
  4. يعطيك العافيه ي جميلة 😍
    هذا ٧٠٪ 6pm.com

    ردحذف
  5. مررا شكرا ، كنت ناوية اشتري اليوم بس بنتظر للاثنين ^ـ^

    ردحذف
  6. كيف مقاسات ترنقات جوسي؟ بطلب ومحتاره خايفه يطلع المقاس غلط!

    ردحذف
  7. حبيباتي اللي تعرف مواقع تبيع بجامات وترنقات حمل ياليت تساعدني 😘

    ردحذف
  8. مرحبا قورجس مره شكرا عالموضوع ودخلت المدونه الثانيه بس بالبحريني مو السعودي فا ما فهمت وش المطلوب زين
    حابه اعرف وش المطلوب مني والخانات وش اكتب فيها بالمختصر المفيد اذا انا بطلب من ساكس فيفث افينو وانا من مناطق المملكه مو العاصمه لان في خصومات ومستعجله ودي اطلب اذا امكنك مع كل حبي وشكري لك وعسى ربي يسخر لك كل خير ❤️🌹

    ردحذف
  9. مرحبا حبيبتي شيوم اولا اشكرك على مجهوداتك الدائمه اللي دايم استفيد منه والله يعطيك العافيه ويجزاك خير
    ثانيا انا دخلت المدونه اللي توضح كيفية الطلب بس بالبحريني فا مافهمت وش المطلوب زين وانا اول مره اطلب وحابه اطلب من موقع ساكس فيفث افينو بالتحديد وابي يوصل مباشره لسعوديه ولمنطقتي ماعندي حساب غير فيديكس اللي حاليا سمسا فا حابه اعرف وش المطلوب مني والخانات وش اكتب فيها وكم ياخذ مدة التوصيل يعني من تجربتك بالمختصر المفيد وكل الشكر لك

    ردحذف
  10. مشكوره شيوم حبيبتي افدتيني كثير وانا الله من متابعين مدونتك من زمان وصار شي اساسي لمن افتح الابتوب على طول قوقل قورجس حتى لو م اتفرج بس اهم شي صفحة قورجس موجوده عندي الله يوفقك بحياتك محبتك واختك نوفا

    ردحذف
  11. كان نفسي اطلب من جوسي واليوم سمعتك تتكلمين عن الخصم وجيت ركض ، الموضوع قريته من قبل ورجعت له ماشاء الله مبدعة دايم

    ردحذف

التعليقات الجميله ♥♥

Blogging tips