السبت، أغسطس 23، 2014

حفله منتجات | خلصتها او نسيتها ..

،


السلام عليكم وَ رحمه الله وَ بركاته ♥ ..
حفله منتجات لان احس اكثر منتجات بتكلم عنها بتاريخ مدونتي :|
ع مدار السنه الي فاتت تقريبا صرت اجمع منتجات ببوكس اما تكون منتهيه صلاحيتها او مخلصه منها عشان اسوي عنها ريفيو ، فإن شاء الله يفيدكم



كريمات اليد :


هذي مو كل كريمات اليد بس هذي الي احتفظت فيهم وبتكلم عنهم من الاسوء للافضل بالترتيب

٥. الي لونه بينك ماركه باث اند بودي وركس BLUE SPA هو لوشن لليد بالبارافان ، ماحبيته مره صراحه ، ترطيبه حليو بس حسيت اليد ماتمتصه بسهوله ولا رطب يدي بشكل احبه.

٤. الي لونه بني من باث اند بودي وركس بعد مرطب اليد بريحه الفانيلا ، ترطيبه متوسط ينفع تشترين منه كميه وتحطين بكل شنطه واحد لان سعره بالتخفيضات مره رخيص ، وريحته جممميله وفي انواع منه ، ينفع للزيارات بسبب الريحه بس كعنايه مو مره انصح فيه.

٣. مرطب نيتروجينا ، هو مرطب ترطيبه جميل وسرعه امتصاصه عاليه وسعره روعه بعد مقارنه بترطيبه من نفس المجموعه 
في مرطب ثاني مركز مرره لو تستخدمونهم مع بعض بتطلع يديكم حرير! "مع الاستمرار اكيد"

٢. مرطب سوب اند قلوري كان من افضل المرطبات بالنسبه لي حتى جربت غيره ، ريحته خياليه من الي احبها بس المشكله اذا جلس فتره احس ريحته تتغير! حتى قبل كنت مشتريه كذا حبه احتياط ماستخدمتهم لما جيت بستخدم لقيته خربان فانتبهو.

١. مرطب لوكستيان الشهير ، ترطيبه جممميل لانه بزبده الشيا ينعم اليد هذا شي اكيد ، المشكله سعره غالي بس مقارنه بالكل حسيت هذا الافضل كترطيب ، ريحته مو مره صراحه بس كعنايه احبه.

بشكل عام عندي كريمات احسها افضل كترطيب ، بس بصراحه مايهم السعر ولا الماركه اذا حسيتي يدك ترطبت وصارت نديه اعتمدي الكريم حتى لو كان فازلين! اهم اهم شي الاستمراريه والترطيب اكثر مره باليوم مع تقشير من فتره للثانيه وبتتوحد اليد.


كريمات الأرجل


حاولت ارتبهم بس صراحه كلهم فاشلين! ماعدا نيتروجينا ترطيبه لابأس ..
من اليمين مرطب شول ، مع ان مكتوب ترطيب عميق بس ماحس رطب ابد
بعده مرطب نيتروجينا لابأس فيه بس عندي منتجات اصنفها افضل منه
بعده مرطب همالايا اسخف مرطب مر علي حتى حاولت اخلصه وماقدرت ريحته سيئه جدا جدا وترطيبه اسوء!!
اخر واحد من باث اند بودي وركس ماحبيته وحتى خرب بعد كم استخدام ، اكره المنتجات الي كذا ادفع فلوس ويخرب! ومتأكده انه قديم بالمخزن بالمحل او من سوء تخزين لان مستحيل منتجات تخرب بالسرعه هذي!!

بالنسبه لترطيب الارجل ، اذا في جلد ميت ماينفع الترطيب لازم تنظفين رجلك اول ثم ترطبين عشان يتغلغل الترطيب لداخل ، ذكروني اكتب طريقتي بترطيب الارجل ببوست منفصل افضل.

لوشنات الجسم


هذي كلهم لوشن يعني مو كريمات اخف من الكريم ، اللوشن دايم امتصاصه اسهل ، بحطهم بالترتيب من الاسوء للافضل :

٤. مرطب باث اند بودي وركس ، واضح اني اخذت مجموعه وابتلشت لووول ، ماقول ترطيب سيئ مررره بس ماحسيته لذاك يعني من المرطبات الي مستحيل ارجع اخذها ، احلى شي فيه احساس النعناع لما يلسعك مع ان هو بالطحالب مو النعناع!

٣. لوشن زبده الكيكاو ، مع انه معشوق الجماهير بس عجزت اتقبله عشان الريحه وماقدرت اخلصه ، واحس الريحه مهمه اذا الكريم راح يتوزع ع جسم كاااامل مو يد او رجل الي ممكن نغض النظر عنها ، الترطيب حلو صراحه بس تأكدو من الريحه اذا تجوز لكم او لا.

٢. لوشن دوف ، ترطيبه كويس ومكتوب عليه خلاصه زبده الشيا يعني مو شيا خام ، بس ترطيبه جميل مقارنه بالسعر فجربوه.

١. افضل الموجود وليس افضل ماستخدمت والي هو لوشن فازلين للتفتيح ، احس انشهر هالكريم عشان يفتح الاماكن الداكنه ع قولتهم بس ماعليكم منهم كله بيع كلام ، اي استمرار ع الترطيب واهتمام بيفتح الجسم ، جربته مره بيد ودوف باليد الثاني وتفوق ع دوف من ناحيه الترطيب بعد ساعه تقريبا.

كريمات الجسم


مثل ماقلت الكريم اثقل من اللوشن فامتصاصه اصعب بكثير ، فحلو تحطينه قبل النوم او مو مستعجله على امتصاص الكريم ، كريم سيفورا اسمه head to toe يعني من الراس لاصبع الرجل ، هالكريم بتاع كلو تستخدمينه لاي شي الشعر او الوجه او الجسم ، بصراحه ماحبيته ، كنت اخذه للسفرات السريعه الي ماودي اكثر منتجات ، ترطيبه نص نص وريحته مزعجه وفوق هذا احسه يخلي طبقه فوق الجلد مثل السليكون :| مادري الي عندي مضروب او هو فعلا كذا ، ع العموم ماراح ارجع اشتريه.

كريم باث اند بودي وركس ، يمكن هذا اهون واحد من المجموعه مع اني ماخلصته لان ترطيبه ثقيل ويدبق بس ينعم ، بشكل عام ماراح ارجع اخذ اي واحد من منتجات هالمجموعه لان سعرها مرتفع وفي بدائل افضل.

واقي الشمس


اليمين من نيتروجينا ، ماشريته جاني هديه مع منتج وياليته ماجاني p: ماناسبني ابد ، يخلي البشره دهنيه وطلعلي حبوب!
الي جنبه فيشي ، هالماركه احبها\اكرهها ، للان ماحددت موقفي معاها بس بالنسبه للواقي هذا اكرهه ، اذكر اخذته لان عندي سفره ولاقريت عنه شي ، المشكله خلا طبقه بيضا ع بشرتي ويدهن بعد ساعه تقريبا ، مانصح فيه ابد!

كريمات الوجه


اليمين ، كريم الجلايكولكس الي انشهر فجأه ، انا دايما اقول مافي كريم معجزه بس كثار خلو هالكريم المعجزه الي يغير البشره من الى ،، صح مانكر انه يحسن البشره بس بشكل خفيف ، واي اهتمام مع روتين متكامل يحسن البشره ، انا استخدمت ثلاث علب منه ع فكره ، هو حلو وحسن بشرتي بس عطوه اكبر من حجمه :$ وكتبت عنه بوست قبل وكان عاجبني وللان ماغيرت كلامي بس الي اقصده الناس خلوه يسوي المعجزات وهو يحسن البشره لمرحله معينه وبس! وترا كل بشره استجابتها تختلف عن الثانيه فالتجربه خير برهان. 
الرابط:
http://igorgeousta.blogspot.com/2013/06/blog-post_22.html

الي جنبه كريم فيشي ، فاشل حتى ماقدرت اخلصه طلع حبوب ودهن وجهي بششكل!! مدري شفيها منتجات فيشي اتوقع بشرتي ماتقبلتها ابد.

اخر شي كريم كلينك من مجموعه كلينك ٣ ستبس ، ترطيبه خفيف للبشره وامتصاصه سريع ينفع قبل الميك اب.

كريمات التفتيح من لوكستيان


تعرفون المسكات الغبيه الي تعصبين وتحطين حرتك بالشوبينق!
هذا الي صار معاي p: اخذت هالكريم "يمين" والمقشر "يسار" من لوكستيان بمبلغ وقدره ، هم للتفتيح وتوحيد لون البشره
المشكله اخذته بوقت سفر ونسيته وانتهت صلاحيته وانا ماستخدمتهم الا شووي :"(

صلاحيتهم بس ٦ شهور!! هذا الشي الي رفع ضغطي ماتوقعت ابد .. بس مع تجربتي المحدوده حبييييتهم ، كانو يعطون اشراقه لبشرتي ونعومه جمميله ، ممكن ارجع اخذهم بس مو حاليا اذا خلصت الي عندي اول "توبه" 


كريمات العين


هذا الكريم من بوبي براون ، جمميل جمميل يكفي فخامه التعليب بس ** رطب تحت عيني بشكل ممتاز ، خفف الهالات بس ماخفاها تماما ، ينفع للي عندها هالات من التعب ، المشكله انتهت صلاحيته قبل لا اخلصه لاني نسيته :"(

تاريخ الصلاحيه بس ٦ شهور ، دايما دايما انتبهو لتاريخ الصلاحيه ، بالغالب الكريمات تجلس ١٨ شهر بس مهما كان دايما شوفو المنتج عشان مايضركم بدال لاينفعكم.

هذي منتجات اليوم يارب فادتكم وفي غيرهم دبل هههههه


مدري لو بكتب عنهم بعد ، بس لو فادكم هالبوست قولولي عشان اكمل الباقي ،،
اشوفكم ع خير :*

هناك 17 تعليقًا :

  1. انا مره انتبهت ع التاريخ و جلست استخدم اشيائي يوميا قبل لا تموت ههههههه شايفه بالبوكس ماسكات نزيه ياليت تسوين ريفو عنها 💕💕

    ردحذف
  2. واقي شمس نيتروجينا استخدمه لي اربع سنوات مناسبني جدا لأن بشرتي جاافة
    بس ببدله بواقي ثاني لأني مقررة اقاطع منتجات اسرائيل كلها من ضمنها نيتروجينا ومحتارة أي واقي اشتري
    وشكرا لك حبيبتنا.. مدونتك جدا رائعة أتمنى لك التوفيق ♥ ♥ ♥

    ردحذف
  3. أزال المؤلف هذا التعليق.

    ردحذف
  4. قورجس انتي عالم من الجمال عالم من الخيال
    بل انتي كوكب باكمله من الذوق والفن والأخلاق
    ربي يسعدك ي اجمل انثئ

    ردحذف
  5. البوست مررره جميل وفادني شيوم 😍❤️

    ردحذف
  6. يعطيك العافيه بوست جمميل ومفيد كملي كملي
    اغلب المنتجات منتشره ومشهوره فا اغلب البنات عندهم نفس المنتجات ويحبو يقرو عنها ويعرفو اكثر
    وشكرا جميلتي =)

    ردحذف
  7. حبيت البوست جميل و مفيد و ياليت تكملين
    بالنسبه لمرطب فيتشي اتوقع انه طلع لك حبوب لانه مخصص للبشرات الجافه و يحتوي على زبدة الشيا

    ردحذف
  8. حبيت البوست كملي شيوم 🌹🌹

    ردحذف
  9. حبيت البوست كملي شيوم 🌹🌹

    ردحذف
  10. أنا كثير تعجبني منتجات بودي شوب خصوصا زبدة الجسم وكثير تهمني الريحة وهم يتميزون بالشي هذا .. وفيه للرجول كمان مره حلوه ..
    بالنسبة لكريم الكاكاو من فازلين سبحان الله نفس شعوري ابدا ما أعجني مدري كيف لما تحطينه على الجسم وريحته اليمة :(

    حلو البوست الله يعطيك العافية ♥ .. وبوسة لديومي ♥♥

    ردحذف
  11. بنسبه لي اقلل من المشتريات عشان ما انسها كل ما حسيت اني كثرت اوقف لين يخلص ثم ابدا اشتري ..

    ردحذف
  12. بوست جميل ومفيد الوقيات حقت البشرة احسها حوسة بالنسبة ليا لمن ذكرتي انو طلعتلك حبوب خوفت لانو بشرتي حاليا فيها حبوب وماني عارفة من ايش وقفت كل شي استعملو واشتريت فاونديشن وبرايمر خاص للبشرة الحساسه ع اساس اعالجها وكذا واستعمل اشياء ماتخرب بشرتي بس مررره شي شنيع والتحسن بطيء بس الحمدلله فيه تحسن :( وبالنسبة للوشن حق فازلين انا مرة حطيت اللي يوحد لون البشرة واللي بزبدة الككاو مع بعض الصراحة الريحة مرررره عجبتني لمن دمجتهم الاثنين سوا والتحسن في جسمي سار ملحوظ من اهلي واقاربي وانا ماجا ف بالي تحسن او شي بس حبيت الريحة فقررت استعملهم سوا لمدة بسيطة والله اعلم اذا فعلا اتحسنت بشرة جسمي منو او من الاهتمام عموما مادري بس لانو من سنين وانا استعمل منتجات فازلين ودوبو بان التحسن ف مناطق كانت رافعه ضغطتي جدا جدا ف ممكن فعلا يكون السبب :)

    ردحذف
  13. استفدت منك الله يسعدك ومدونتك جدا جميله💎💓💓.

    ردحذف
  14. بوست جميل ننتظر الجزء الثاني xD

    ردحذف
  15. استنري يالغلا. استفدت كثيررر💗💗

    ردحذف
  16. مررا انبسط على البوستات اللي كذا .. كثري من بوستات العنايه احتاجها اكثر ..
    وربي يخليك و يسعدك

    ردحذف
  17. حلوة البوستات اللي كدا تفيد اكثر ♥♥

    ردحذف

التعليقات الجميله ♥♥

Blogging tips