الأحد، أبريل 06، 2014

صور حفله إستقبال بنوتي "ديم" وَ تجهيزاتي بالتفاصيل ♥♥ ..

،



السلام عليكم وَ رحمه الله وَ بركاته ، رجعت لكم ببوست جديد مثل ماوعدتكم عن صور إستقبال ديوم .. الاستقبال كنت ناويه اسويه ببيت أهلي وهو ركن مرتب وثيم متكامل عن ديم مع التوزيعات وركن العصير وَ غيره وبأخر لحظه قررت أسويه بعد بالمستشفى الي بولد فيه "مستشفى سليمان الحبيب التخصصي" كتبت تجربتي عنه بالبوست الي قبل هذا ، بالنسبه للترتيبات ماكان ببالي ثيم معين بالبدايه صراحه وَ كنت أجمع أفكار من هنا وَ مرحله البحث كانت أصعب مرحله! اما التنفيذ ماأخذ اسبوع تقريبا وكان كل شي جاهز.


الثيم طلع مثل ماأبي الحمدالله ، كان ناقصه شي واحد ويصير بيرفكت الا وهي الخلفيه بس ماكان عندي وقت اضبطها واستصعبت الامر :$
الثيم المفترض يكون مستوحى من "لادوريه" وحورفت فيه لحد ماصار شي ثاني تمامااا هههههههه ، استقبالي بالمستشفى كان ٣ ايام ، يومين لأهلي ويوم لصديقاتي وبعدين أخذته لبيت أهلي ، الصور شي بيكون من الانستقرام وشي من الكام عشان اغطي أغلب الجوانب عشان كذا بعض الصور مو واضحه ، ويمكن اعدل ع البوست بعدين واضيف صور جديده لو حصلت فرصه ... نبدأ بالصور!



أول شي كان لوقو ديم هو المحور الأساسي بالعمليه هذي كلها ، وصارت براند هههههه كل كل شي حطيت فيه ديم ديم ديم :$ اللوقو تصميم زوجي وساعدني كثيير الله يعطيه العافيه ، سوينا أول شي اللوحه الكبيره عليها اللوقو وتحتها مكتوب:
"مثل الحلا طلت مع بهجه النور ، ديم خلتني اليوم ماما" 


وستاند الأحرف سويناه عند نجار بإسم ديم وعبيناه ورد صناعي عند زهره الربيع - انقهرت ماحصلت صور واضحه :( فأخذت من الانستقرام والصوره في بيت اهلي ولا بالمستشفى كنت حاطته ع الارض-


الثيم كان معتمد ع اللون الوردي والاخضر ، والمورد ،



مفرش السرير طلبته من محل بالكويت اسمه كفراتي واحب اشكرها على تعاملها المحترم وشغلها الأنيييق والراقي ، إخترت مفرش دانتيل فرنسي مع المخدات نفس الشي والكوشيات الصغيره او الخداديات مطرزه على الطرف مع كوشيه لونها بنفسجي فاتح على وردي مخمل نااعم ودانتيل ، مع الثرو او القطعه الي تنحط ع طرف السرير نفس الفنادق ، مع تغليف للزباله وانتو بكرامه والكلينكس ، وحبتين كلينكس صغير خدمه ، بالصور مو مبينه فخامه المفرش للأسف :|



الستاندات سواهم لي نجار ، حطيت عليهم علب الماي والعصير ، ستيكرات الماي نفس ثيم ديم 



العصير فازتين كبار وكنت اعبي الصغار منهم قبل لايجون الضيوف ، وكنت بربط مع كل علبه عصير مزازه او سترو بس مامداني الوقت :| كان في صوره لها وهي معباه مدري وين اختفت!!



الحلا جبت ماكرون من جوي وحطيته بستاند ، وتحسفت صراحه غير انه كلف محد أكله لأن الأغلب كان يجيب تشوكليت معاه فمحد ياخذ الماكرون p:



حطيت فازه مارشميلو وفازه حلاو صغير وفازه للتشوكليتات ، نظامنا احنا اي احد يزور يجيب معاه حلا وَ فطاير وَ تشوكليت فما حبيت أكثر أشياء ، وَ خليت هذي للأطفال الي بيزورونا ، بس لما زاروني صديقاتي طلبت لهم من محل كارمييه ومحل ماي سناك اكلهم لذيذ ويواجه 

بالنسبه لتشوكليت ديم سويته نفس الثيم طباعه حفر من محل بستاني وَ الطعم لذيذ الصراحه! وعبيتهم بصينيتين وأخذت الزايد معاي وكل ماخلص رجعت عبيت ، الصينيه أصلا مرايه بس حولتها لصينيه تقديم :$





والتوزيعه الثانيه ، كتيب حصن المسلم عليه اسم ديم ومن وراء دعاء ، سويته بالبيت ياتعبت تعب بس تستاهل ديوم ههههههه



طبعنا الاسم ع شريطه بعد !



اللوحه الخشبيه حطيتها مع فازه الورد جنب السرير ، ومكتوب عليه معنى اسم ديم الي هو "الغيمه الماطره" ماله صوره للاسف فأخذت من الانستقرام :(


ستاندات خشب او تغريسه يسمونها وزعتها على الحلاو والفازات ،،









طبعت لها ع مخده وعلى بطانيتها ،،





لبس ديوم كان عباره عن لبستين واحد ماركه كوكونز وواحد مفصلته ع اسمها طقم مع المفرش ، بدورله صوره يارب احصل لان اذكر طلبت يصورنها لي :(

بالنسبه للبسي ، سويت روبين لونهم ابيض ، واحد فستان مع رداء قصير مع ورد مادري شلون اشرحه ههههه وتوربان للشعر والثاني بنطلون وفوقه روب كله دانتيل ، اشكالهم فخمه وبنفس الوقت ناعمه وكثيير عجبتهم الحمدالله ،

لما رحت لأهلي نفس الشي ترتيب الطاوله فما صورتها ، الي اختلف توزيعات ديم حطيتها ببوكسات سويتها بعد بنفسي طلع شكلها أجمل لأن الي زاروني كثار فمو كل شوي نعطيهم التشوكليت بروح والكتيب بروح! الصوره من الانستقرام 



والشاي امي كانت تحطه بصينيه صغيرونه مع الفطاير وحبه كلينكس والسكر والطرف ورد طبيعي ، ماصورته بشكل مرتب للأسف ماكانت الكام معاي فهذي صوره من الانستقرام



السكر طلبته من وحده بالكويت ونسيييييت اصوره قبل لايتوزع شاطره ياأنا :$
سكر التراجي اسمه او الحلق p: يتعلق ع طرف الكاسه والثاني سكر ع شكل ليبتون فيه نكهات متنوعه "الزعتر\المراميه\النعناع وغيرهم"


حطيت فازتين ورد ع الكومدينه مسويتهم بنفسي ، مع ستاند مكتوب عليه عبارات ، وماحصلت صوره واضحه ههههه :(
من الانستقرام ببيت أهلي هالصوره ..


ختاميه مع صوره اميرتي الله يحفظها ويخليها يارب عمرها يوم هنا ..



وبس هذا تقريبا كل شي ، انبسطت إنو كله شغل يدي والنتيجه اثنى عليها الكثييير الحمدالله ، وبما انها اول مره أجهز ثيم متكامل بروحي فحسيت إنجاز أشكر نفسي عليه :$

نجي للجزئيه الي مدري وين اكتبها صراحه! كثااااااار كثااااار طلبو الثيم مني ، فأي وحده حابه تشتري الثيم وجاده بالموضوع تتواصل معاي ع الايميل ونفس الشي ينطبق ع المفرش ولبس الاستقبال لأن كذا بنت قالت تبي تشوفه وضيعت محادثتهم بالانستقرام :\
gorgeousta@gamil.com

ان شاء الله يكون عجبكم الموضوع ، والله يخلي ديم ويصلحها ويهديها وتخلي الصياح والدلع يارب اللهم امين :$

هناك 53 تعليقًا :

  1. نفسي اشوف شكل لبسك اللي فصلتيه ممكن تعطينا فكره عنه مره تحنست له

    ردحذف
  2. ماشالله تبارك الرحمن ابدعتي وسلمت يداك والله يعطيكي الف عافيه ويخليلك البنوتة الامورة وتشوفيها احسن الناس يارب💕😘متابعتك في الانستقرام بس عالصامت🙈 لكن برسلك عالدايركت... تحياتي يا جميلة

    ردحذف
  3. ماشاءالله لاقوة الابالله ،، جدا رااااائع التنسيق والتوزيع يفتح النفس ، بارك الله لك في الموهوب وشكرت الواهب ورزقك الله برها وبلغ اسدها ♡♡♡♡♡

    ردحذف
  4. 😍😍😍ماشاء الله .. يرزقك برها ي رب

    ردحذف
  5. ما شاء الله, كل شي جميل و مرتب.. حبيته

    ردحذف
  6. ماشاء الله كل شي جميل ورايق😍❤

    ردحذف
  7. ماشاء الله كل شي جميل ورايق😍❤

    ردحذف
  8. ماشاءالله عمل جميييل الله يخليها لك و يسعدكم ♡

    ردحذف
  9. جميل جدا .. الله يحفظها لك يارب

    ردحذف
  10. مرررره جميل ماشاء الله .. ربي يحفظها لك

    ردحذف
  11. ماشالله كل شي يجنن ومرتب وكيوت
    حمستيني اسوي استقبال :$

    حطيت كم فكره في بالي وان شالله انفذها لما يرزقني ربي بنونو
    ربي يخليلك ديم ويحفظها ^ــ^

    ردحذف
  12. الله يسعدك وين طبعتي اسم بنتك عالمخده والمفرش؟ الله يحفظها لك يارب

    ردحذف
  13. جميل ما شاءالله
    ذوقك راقي

    ردحذف
  14. ما شاء الله ربنا يخلى ويبارك :)

    ردحذف
  15. ماشاء الله تبارك الله ، ربي يقر عينكم فيها وينبتها نبات حسن ، الثيم والتقديم وكل شي واضح انه متعوووب عليه وعقبال ما تورينا صور حفل زفافها هههههههه

    ردحذف
  16. روعه ماشاء الله لا قوة الا بالله

    ردحذف
  17. ماشاء الله رووعه الترتيبات..
    الله يحفظلك ديم ويخليها

    ردحذف
  18. الحمدالله ع سلامتك
    بجد رووعه وكل شي مرتب ربي يسعدها ويهنيك

    ردحذف
  19. الحمدلله ع سلامتك وسلامة البيبي ♥ وكل حاجة بيرفكت ماشاءالله

    ردحذف
  20. حمد لله على سلامتك ومبروك ماجبتي تتربى بعزك وعز ابوها
    عجبتني الترتيبات ماشاء الله
    وخاصه الاستاند الذهبي جدا روعه
    والمفرش مرة انيق وهادي مرة

    الله يسعدك ويخلي لك ديم

    ردحذف
  21. الله يخليها لك و لا يحرمكم من بعض

    ردحذف
  22. ماشاءالله ربي يحفظها♡♥♡

    ردحذف
  23. ماشاء الله عليييك
    الله يخليك لديم
    ابدااااع

    ردحذف
  24. الحمدلله على سلامتكم..الله يسلم هاليدين شغل جميييل♡

    ردحذف
  25. ماشاء الله تبارك الرحمن
    ياليت تنزلين صورة لبسك ولبس ديوم

    ردحذف
  26. ماشاءالله تبارك الله شي جممميل ....وحبيت فكرة الشاي بس اللي مافهمته يعني كل وحده تقدمولها صينيه لوحدها ..هههههههه ان شاءالله انو فهمتك صح ..استنى ردك لأني مره حبيت الطريقه وابغى اسوى زيها ..وتشكرات ياعسل.

    ردحذف
  27. ماشاء الله تبارك الله ..احبك فيكم اهتمامكم بالضيافه واﻻستقبال وتجهيز المسبق وانتي ع وجه وﻻده وينتظرك نفاس ماشاء الله عليكم ياختى حلو تغيرين ع نفسك من اجواء مابعد الوﻻده ..احنا ماعندنا من العلوم ذي شئ اهنيكم من جد..وان شاء الله اذا ربي رزقنى راح اسوى شئ لنفسى حتى لو القليل

    ردحذف
  28. ماشاءالله جمال مو طبيعي الله يخليلك ديم ويرزقك برها .. سؤال بسيط الفريمات الي خليتيها صواني تقديم عجبتني مره من وين اخذتيهم الله يسعدك ويسعد ديوم 💗🌷

    ردحذف
  29. ماشاءالله جمال وروعه وتنسيق رايق .. الله يخليلك ديوم ويرزقك برها .. حبيبتي بسالك الفريمات المرايا الي خليتيها صواني شوكليت من وين اخذتيها ؟ عجبتني مره 💗_💗
    الله يسعدك😘

    ردحذف
  30. السلام عليكم ومبروك الله يخليها لك يارب
    بغيت اسالك عن حساب الي مسويه لك السكر اذا كان عندك رقم لها
    او اﻻنستقرام حقها
    وبغيت اسالك بعد عن الثيم حق اسم ديم كيف سويتيه وش نوع الورق الي طبعتيه عليه واكون شاكره لك مررره

    ردحذف
  31. congrats honey. God bless that little princess of yours! She's gorgeous mashalla like her mommy :). I'm a new reader and I'm so glad I had the chance to read lots of your posts and I'm glad to say that we have lots in common. I wish you the best of the best darling and keep up the good work. I'm looking forward to read more of your new updates and can't wait to meet you in person. xo

    ردحذف
  32. بنتك اسمها ديم وبنتنا اسمها ديما اتوفع نفس المعنى

    ردحذف
  33. ماشاء الله شغل مرتب الله يخليها لك ويبلغك فيها

    ردحذف
  34. الله ينبتهالك نبات حسنا وتبرك وتشوفي ع وجههاالسعاده والهنا فين طلعتي الاسم ع الشرايط والمخدات 💕💕

    ردحذف
  35. ماشاء الله جداااا جميل

    ردحذف
  36. مبدعه وانيييقه الله يسعدك ويخليها لك
    انتي مصدر الهام لي

    ردحذف
  37. ياليت تحطين حسابك بالنستقرام ❤️

    ردحذف
  38. روعه مشاء الله

    ردحذف
  39. الله يحفظها ويخليها لك
    رووعه ماشاء الله

    ردحذف
  40. ألف مبرووووك تتربى بعزكم ان شاءالله
    مشاءالله ترتيباتك روعه وأنيييقة وأنا برتب برضو لإستقبال المستشفى فحبيت أشوف ايش سويتي لأنه تعجبني أناقتك ..
    بس فيه كم حاجه حابه أسألك عنهم:
    اول شي كثير من الصور ماتفتح مدري هي المشكلة من عندي ولا من المدونة حقتك
    ثاني شي من فين اشتريتي لبسك ولو فصلتيه من فين استوحيتي الديزاين؟
    والسؤال الأخير عارفه يضحك بس شعرك اش سويتي فيه؟؟ لأني محتاره انا شعري كيزلي واحبه كيرلي بس ليا كم شهر قصيته كاريه وتخيلي عاد مع الكيرلي ايش بيصير هههههههه يعني ابدا ماينفه اجلس فيه من دون سشوار وأبغى آخذ صور حلوة مع البيبي وزوجي وأهلي وصحباتي ومبغا مع كشه قصيره هههههههه :"(
    يعني فيه علاجات معينه للشعر آمنه وقت الحمل تعرفين عنها مو فرد بس تسهل عمليج السشوار او اي مقترحات؟؟
    ومعليش لو طولت عليك وكثرت بالأسئلة
    زميلة المهنة P=
    nuha style

    ردحذف
  41. ألف مبرووووك تتربى بعزكم ان شاءالله
    مشاءالله ترتيباتك روعه وأنيييقة وأنا برتب برضو لإستقبال المستشفى فحبيت أشوف ايش سويتي لأنه تعجبني أناقتك ..
    بس فيه كم حاجه حابه أسألك عنهم:
    اول شي كثير من الصور ماتفتح مدري هي المشكلة من عندي ولا من المدونة حقتك
    ثاني شي من فين اشتريتي لبسك ولو فصلتيه من فين استوحيتي الديزاين؟
    والسؤال الأخير عارفه يضحك بس شعرك اش سويتي فيه؟؟ لأني محتاره انا شعري كيرلي واحبه كيرلي بس ليا كم شهر قصيته كاريه وتخيلي عاد مع الكيرلي ايش بيصير هههههههه يعني ابدا ماينفع اجلس فيه من دون سشوار وأبغى آخذ صور حلوة مع البيبي وزوجي وأهلي وصحباتي ومبغا مع كشه قصيره هههههههه :"(
    يعني فيه علاجات معينه للشعر آمنه وقت الحمل تعرفين عنها مو فرد بس تسهل عملية السشوار او اي مقترحات؟؟
    ومعليش لو طولت عليك وكثرت بالأسئلة
    زميلة المهنة P=
    nuha style

    ردحذف
  42. ماشاء الله نايس حبيته

    ردحذف
  43. افكار جميله ماشاء الله

    ردحذف
  44. ماشاء الله تبارك الله ...جدا جميله افكارك وترتيبك الف مبروك البنوته يارب
    :
    تمنيت يكون عند طفل ..الله يرزقني دعواتكم

    ردحذف
  45. ماشاء الله ربي يجعلها ذريه صالحه

    ردحذف
  46. جميييل ما شاء الله ربي يخليها ويصلحها ويجعلها باره لكم ♥♥

    ردحذف
  47. ما شاء الله شيء لا قوة إلا بالله مره حلو الله يسعدك وتتربى في عزك

    ردحذف
  48. ودعواتكم لي أولد بالسلامه اني والبيبي

    ردحذف
  49. ما شاء الله تبارك الله إبداااااااااااااااااااااااااااااااااااااااااااااع
    والله يحفظلك بنتك ويصلحها

    وانا بعد اسوي ثيمات وكثيير الحمدلله اثنوا علي وشكروني ..




    بس ياليت تركزون ع موضوع مهمممممممممم صح انه بسيط لكن جداً مهمممممممم


    الموضوع هو
    ((((((((((((كتابة اسماء *الله* ع الثيمات))))))))))))))
    ي ليت حبايبي تتجنبون هذا الشيء لإن الثيمات ترمي وفيها اسم الله ممممممماااا يصللللحح لإن فيه امتهان لإسم الله اسم الله المفروض يُعز عن الرمي في الزبالة(سلة المهملات)
    وممكن كمان الضيوف لما ياخذوا منك توزيعة وعليها اسم الله ياكلوا التوزيعة ويرموا الثيم مع اسم الله
    حراااااااااااااااااااااااااااااااام

    واحنا ككوننا مسلمين لااااااااااااازم نعطي اسم الله حقه وما نرميه ونعتز به

    حررررررررررررررررررررررررررررااااااااااااااااااااااااااااااااااااااااااااااااااااام
    لازم تتجنبوا هذا الشي فيه عبارات كثير بديلة تقدروا تستخدموها من غير اسم الله

    زي مثلاً:

    -أنا جيت
    -نورتي الدنيا بقدومك أو نورت الدنيا بقدومي
    -زادت الدنيا بهجة وفرحاً بقدومك أو .......... بقدومي
    -بقدومها هلت البشاير أو بقدومي هلت البشاير
    -فلانه فرحة (أسم الشهر) مثلاً غنى فرحة شوال
    -وصغيرة قد أضفى قدومها بهجة فرحاً على أرواحنا
    -نورتي البيت بقدومك أو نورت البيت بقدومي
    -بصوتها هزت المشاعر او بصوتي هزيت المشاعر


    -ممكن تحطي عبارات بالإنقليزي (بس م يكون فيها اسم الله)
    -وممكن تعملي ثيم عليه بس حرفها بالعربي او ممكن بالانقليزي
    -وممكن تعملي ثيم تاريخ بالهجري أو بالميلادي (يعني الثيم يكون عليه تاريخ(بس حق الشهر اللي هي ولدت فيه بس ارقام) وتحطي قلب أو دائرة على الرقم اللي يوافق يوم ولادتها ..
    - وممكن كمان تدوروا في النت


    واللي تبغى تريح نفسها شوكولاين يبيع حلاوة بثيمات الكيلو ب160




    ان شاء الله يكون فهمتوا علي

    ---والله يسعدكم تجنبوا صور ذوات الارواح في الثيمات---
    وكمان تجنبوا تحطوا صور اطفالكم عليها لانها حرام وفيه احاديث كثير تحرمها وكمان اجتناباً للعين والحسد ..





    دعواتكم لي ......


    أستغفر الله العظيم وأتوب إليه


    خذ دقيقة من وقتك وقل : سبحان لله والحمد لله ولا إله إلا الله والله أكبر ُ ولاحول ولا قوة إلا بالله . كن سببا
    في تذكير الكثيرين
    فَأَمَّا مَن طَغَى
    وَآثَرَ الْحَيَاةَ الدُّنْيَا
    فَإِنَّ الْجَحِيمَ هِيَ الْمَأْوَى

    وَأَمَّا مَنْ خَافَ مَقَامَ رَبِّهِ
    وَنَهَى النَّفْسَ عَنِ الْهَوَى
    فَإِنَّ الْجَنَّةَ هِيَ الْمَأْوَى



    (((دامت أفراحكم)))

    ردحذف
  50. ما شاء الله تبارك الله

    ممكن سؤال!!!؟؟؟

    ايش نوع الورق المستخدم في الثيمات؟؟؟

    ردحذف
  51. كلش حلو ماشاء اللع تبارك الله ...
    بس الشيء إللي يقهر..
    إنك ما تردين ع أسئلتنا ..
    بكذا بنستغني عنك بسهولة ..
    أستغفر الله العظيم وأتوب إليه ...

    ردحذف

التعليقات الجميله ♥♥

Blogging tips