الأربعاء، ديسمبر 11، 2013

Shower, after shower & night routine | روتيني بالشور ومابعد الشور والعنايه الليليه.

,



السلام عليكم وَ رحمه الله وَ بركاته  ، بوست اليوم عن الشور ومابعد الشور النسخه الشتويه ، تكلمت قبل عن هالموضوع هنا:
http://igorgeousta.blogspot.com/2012/12/my-after-shower-routine.html
وهنا
http://igorgeousta.blogspot.com/2012/09/blog-post_18.html

كثير منتجات تغيرت وأضفت أشياء جديده ، وأفضل شي صار الروتين أرتب وماياخذ وقت ، أحب نفس هالمواضيع واتحمس اشوفها باليوتيوب ، احب اشوف الناس شنو تستخدم ممكن اتعرف ع منتجات جديده وَ طرق جديده ، الفرق بالطريقه هذي انو اعتمادي ع الترطيب بشكل أكبر بما إنو الأغلب بشرته تجف مع البرد ، ان شاء الله تستمتعون وَ تستفيدون من البوست Lets get started !


* الشور
أول شي أبدا بتبليل الشعر وَ حاليا أستخدم هالشمبوهات :


الصغير ماركه seward mediter وهو شامبو شعر نوعه balancing يعني يعادل الدهون بفروه الراس ، تحصلونه بصيدليه وايتس "أفرعهم بكل مكان بالرياض شوفو أقرب فرع لكم" الحلو بالشامبو لو شعرك دهني هذا يخفف الدهون ويوازن فروه الراس بدون ماينشف الشعر ، استخدمه لفروه الراس بس ، واخذت حجم صغير اجربه لان عندهم حجم ضخم وكميته كبيره فحلو جربيه قبل لاتشترين الكبير ووتوهقين p: وعندهم بعد clarifying shampoo الي ينظف فروه الراس بشكل كبير ويشيل رواسب المنتجات الكميائيه ، لان أعرف صعب تحصلون هالمنتجات بشامبو الشعر فأنصحكم بالماركه هذي والعينه الصغيره تكفي ل٦ استخدامات تقريبا وسعره ١٦ ريال

بعدها استخدم شامبو الشعر brazilian blowout لباقي شعري وبعده احط الكونديشنر أو البلسم ، هذا الشامبو يعطي نعومه للشعر بشكل حلو وريحته جممممميله ، ينفع للي مسوين برازيليان بلو اوت او الفرد البرازيلي ، ماقدر أتكلم عنه كثير بس ان شاء الله بتكلم عنه ببوست بروح بشكل مفصل لحد يستعجل :$


ننتظر البلسم ياخذ مفعوله ع الشعر ، وبالوقت هذا اسوي سكرب لوجهي بسكرب يوب اند قلوري ، تكلمت عنهه قبل يعطي احساس منعنع وينظف البشره وماينشفها ، السكرب يكفي مرتين بالاسبوع مو كثير عشان ماتتعب البشره،


بعدها وقت الشور جل ، هذي اختياراتي للشتاء مثل ماكتبت بالانستقرام ، هالمنتجين من لَش ، روز جام وهو اصدار شتوي محدود ريحته جمميله بالعلبه قويه شوي بس لما تحطينه ع جسمك لا ريحته دافيه ومنعشه ، من مكوناته الفانيلا وعصير التوت وزيت الاركان ومعروف كيف زيت الاركان يرطب الجسم وماينشفه ، بس بالنسبه لي ترطيب الجسم بعد الشور ضروري ماستغنى عنه ،

هامش : للشور السريع وماعندي وقت ارطب بعدها استخدم مع الشور جل روس ارقان وهو بلسم بس للجسم ، بعد الشورجل اوزعه ع جسمي وهو رطب انتظر دقيقتين واغسله ويعطي ترطيب ممتاز ، أحس يحبس البلل بالجسم بدون مايخلي طبقه دهنيه:
صوره من النت

وصابون البار بعد نسخه محدود للشتاء اسمه  مستر بانش Mr.punch ، من مكوناته الليمون والتوت ، هو صابون صلب أول مره أجرب هالنوعيه بس عجبتني ريحته ، خفت تنشف الجسم بس بالعكس ترطبه وحتى رغوته حلوه ، ريحته شتوويه بس تعطي احساس دافئ حبيته كثيير ، بس عيبه الوحيد طريقه الاستخدام لازم تجزأينه قطع صغيره عشان يبقى معك ، والجسم مبلول تمشين البار عليه وراح يعطي رغوه ، انا استخدمها مع الليفه وماشي تمام بس للأشياء الأسرع افضل الصابون السائل ، الأسعار أبدا مو ببالي وأفرع لش بالفيصليه والمملكه والعليا.



هذي الليفه ، كنت احب تبع بودي شوب بس بعد ماستخدمت من باث اند بودي وركس حبيتهم اكثر لانها انعم ع الجسم ، والي تحت مدري شسمها ههههه انا اسميها حكاكه الرجل هههههه :( من سوب اند قلوري من أجمممل الأشياء الي تنعم الرجل وخاصه لها طرفين ناعم وخشن ، لازم الرجل تكون مبلوله عشان تتخلصين من الجلد الزائد بما انو شتاء الجلد يجف كثير ، بالنسبه لسكرب الجسم مره بالاسبوع او مرتين يكفي وهذا الشور اعتبره اليومي لي.

*بعد الشور

وقت الترطيب + روتيني الليلي او ماقبل النوم ، تقريبا هو متشابهه فحبيت ادمج الموضوعين مع بعض ،


سكرب لليد من او بي اي بريحه الاسبريسو اللذيذذه ، احطه واليد ناشفه بس بنفس الوقت مرطبه من الماي بالشور فيكون أسهل السكرب لها ، مايستخدم هالسكرب مع الماي لان يذوب الحبيبات الي فيه مانتسفيد شي ، الحلو بالسكرب هذي بس تخلصين منه يعطي نعومه كبيييره حتى بدون ترطيب ، بعدها سكرب للشفايف من لش تكلمت عنه قبل هنا :
http://igorgeousta.blogspot.com/2013/03/diy-lip-scrub-lush-review.html 
 

بعدها أغسل وجهي بغسول الجلايكولكس ، تكلمت عنه هنا :
http://igorgeousta.blogspot.com/2013/06/blog-post_22.html
رجعت شريته لأن بشرتي تعبت مره ثانيه والحمدالله نفع معاي 

* وقت الترطيب :



أكثر شي أركز عليه وَ يفرق بالجسم هو الترطيب ، نجي للتفاصيل :



ابدأ ترطيب الوجع بسيروم كيلز ميد نايت ريكفوري ، مخصوص للعنايه الليله ، مررره رطب لي بشرتي وفتحها بشكل بسيط بس يارب استمر عليه لان مرات أكسل :( اخذته من دبي مو موجود بالسعوديه بكتب عنه ريفيو بس أخلص منه بشكل كامل ان شاء الله ، بعد مايمتص البشره المرطب استخدم مرطب الوجه من جلايكولكس ٢٠٪ هذا اقوى من الي قبل و خفف الحبوب الي طلعت لي ووحد البشره بشكل خفيف ومع الاستمرار النتيجه بتطلع افضل ان شاء الله.


ترطيب الجسم ، أفضل شي استخدمتهم من فتره وادمماان ، حاولت ابعد عن كل شي تجاري لان احس جسمي ماصار يستفيد ابد من المرطبات الي بالسوبر ماركتس ، اخذت لينو بعد بحث طويل بالنت ، جميل جمميل وعلى وشك يخلص :(( هو مرطب بزيت الزيتون ومخصص للبشرات الجافه يعني مع الشتاء يعطي اكسترا ترطيب ومخصص بعد للي فيهم اكزيما ، اذا كثرتي الكميه صعب يتمصه الجسم فحطي شي بسيط ووزعيه ، وسيتافيل بعد من احلى المرطبات الي جربتها هو كريم ثقيل بس يمتصه البشره بشكل حلو ، اوزعه ع الركب والاكواع ، الاسعار كلهم فوق ال١٠٠ ، كلهم من صيدليه وايتس وممكن تحصلونهم بعد في بوتس والحبيب ، استمتعو بعدها بالنعووومه 



من اليمين مرطب لليد من كرابتري اند ايفلين بالمملكه كتبت عنه قبل ، بالنسبه لليد ماركز ع شي واحد بس هذا ثقيل مره ولو انو ريحته مش ولابد بس ترطيبه جمميل ويخلي اليد ناعمه خصوصا بعد السكرب ، سكرب + ترطيب يد ناعمه ومتوحده بدون مفاصل سمرا ، انا بس اخلي هالنقطتين يدي ترجع مثل قبل واسوء *يانكاره العشره :(*

مرطب للشفايف من كيو في احسه عادي مافي شي مميز بس ابي اخلصه ، يعني لو شفايفي ناشفه وحطيته ماينفعني بس لو بعد السكرب واتأكد مافي جلد ميت بيطلع حلو اخذته من صيدليه بوتس ومتوفر بأغلب الصيدليات

مرطبين للرجول من فلكسيتول ، الازرق للرجل كامله وهو لوشن ، الاحمر بلسم لكعب الرجل ، اذا لبست فلات وخاصه وقت الصيف رجلي ع طول ماتتحمل وتجف بعد سكرب الرجل وهالمرطبين يرجعون نفس قبل واحسسن ، احسهم يكملون بعض ، وترطيب ع جلد ميت ابد ابد مامنه فايده فاحرصو تكون المنطقه نظيفه ، انا كنت اخلي لرجولي اشياء تجاريه من السوبر ماركت بس بعد الفلكسيتول حسيت ظالمه رجلي مقارنه بالي كنت استخدمه هذه افضل شي ، ماحصلته عندنا اخذته من بوتس البحرين بس كثار قالو حصلناه بالحبيب وبوتس فان شاء الله تحصلونهم.


الشعر معاناتي الازليه ، لاني ماستمر ع شي معين للاسف كل شوي اغير البرودكتس ، بس حاليا ارش ع الاطراف زيت المكديميا يمتصه الشعر بسسرعه ، وعلى فروع الراس سورسير وهو مثل السيروم يقوي بصيلات الشعر وينبت الفراغات مع الاستمرار ، انا طبعا ماستمر شكرا لي ههههه بس ان شاء الله لي فتره مواظبه عليه فان شاء الله بيطلع كويس.


مستحيل احس ماخذه شور بدون ماستخدم المسك ، احطه تحت اذني واطراف الشعر ، تكلمت عنه هنا :
http://igorgeousta.blogspot.com/2013/06/blog-post_9.html


خلصناااا ، البسي بجامتك الي تحبينها ، بجامتي من اوشيو والدبدوب الكيوت هو روب للبيت من اوشيو بعد يددفييي بشكل جمممممممميل ، الخطوات تحسونها كثيره بس ماتاخذ نص ساعه وبتوقيتي ساعه ونص لأن احب اسوي كل شي ع رواق p:

نعيما ياجميلات

أشوفكم ببوست جديد ان شاء الله  

للتواصل معي ع التويتر والانستقرام 
الايكونز ع يمين الشاشه


لاتنسين الاشتراك بالمدونه ليصلك كل جديد ..
كونو دائما جميلين  ..
xo Gorgeous












هناك 13 تعليقًا :

  1. ي ليت كتبتي منتج السورسير من فين
    حبيت البوست كثير ، يعطيك العافيه ي اووطه ♡

    ردحذف
  2. وين مكان اوشيو

    ردحذف
  3. حبيييييت البوست جميييل
    ويا ليت تتكلمي عن السورسير اكثر

    يعطيك العافيه

    ردحذف
  4. حبيبتي الغسول والمرطب جلايكولكس فين الاقيه انا في جدة وكمان سورسير
    الله يديكي العافية ونعيما <3

    ردحذف
  5. ليتك قلتي وين،مكااان اوشيو

    ردحذف
  6. استمعت وانا اقرا، شكرا لك :*

    ردحذف
  7. الحاجات دى تخلى الواحد ياخد شور كل يوم

    ردحذف
  8. كم انتي جميلة يا قورجس ❤
    تحمسين الوحدة تهتم بنفسها..
    بالذات مع شتانا اللي يجيب الجفاف المو طبيعي ..
    الله يسعدك ،

    ردحذف
  9. <3 <3 <3
    CETAPHILE

    ردحذف
  10. مكلفه الاغراض

    ردحذف
  11. احساس الراحة طالعة من البوست ♥♥

    ردحذف

التعليقات الجميله ♥♥

Blogging tips