الاثنين، ديسمبر 16، 2013

صور من عالمي الصغير ، تسريحتي ومكتبي وَ شويه أفكار ♥ My vanity & Disk

،



السلام عليكم وَ رحمه الله وَ بركاته ، هالبوست انطلب مني كثييير ، وَ كل مره بنزله بس أكمل باقي التسريحه ومشت الايام ولاغيرت شي ولازدت شي ، فقلت بشيل التسريحه عن بكره ابيها بس بنزل موضوع تذكاري قبل هههههه :(



بالبوست بوريكم منطقتي الصغيره وَ تشوفون جزء من المكان الي احب اقضي وقتي فيه بين الميك اب والكريمات ولابتوبي اكييد ، ممكن أعطيكم أفكار وَ بنفس الوقت أشاركم جزء من عالمي ، وإن شاء الله اذا ربي سهلها وغيرت التسريحه بسوي بوست جديد ، يلا نبدأ ..


أول شي تسريحتي تفصال عند نجار ، فكرتها تجمع التسريحه والمكتب الخاص على شكل حرف ال يعني امتداد جدارين تقريبا ، لما اقترحت الفكره انبسطت فيها كثير بتشيل أشياء كثيييره ، بس مع الايام استصعبتها لان لازم اعبي اغلب الاماكن ولا بيصير شكلها فاضي ومو حلو! وَ أنا صايره أكره الزحمه وصرت اميل اكثر للاماكن الفاضيه اريح للعين ، عشان كذا نويت اغيرها اذا ربي سهل واجيب شي اصغر ،،


عندي مشكله مع دقه الصور بالمدونه للان موعارفه احلها :( فأسفه لو مو واضحه ، هنا صوره عامه اليمين مكتبي الي نزلت عنه تدوينه زمااان هنا :
http://igorgeousta.blogspot.com/2012/11/my-own-space.html

واليسار منطقه الميك اب والعطور والمناكير ، تفاصيل :



منظمات اكريلك من الهزازي ، الادراج هي اصلا حبتين حطيتهم فوق بعض ، منظم الارواج ، الي فيها الاكحال والماسكرات هي حامله شموع شفافه من ايكيا ، اليسار منظم اعواد الاذن والقطن من الهزازي بعد.




الميك اب الاشياء الصغيره برا ، اما الباليتات والفاونديشنات داخل الادراج ..



مكتبي اللطيف ، ماغيرت فيه شي اللهم اعدت ترتيبه ،


اللوحه المكتوب عليها قورجس بالانقلش غلط ادري ولا حابه اغيرها p: الايطارات من ايكيا ، الكب كيك من سنتر بوينت والكوب طبعته بمطبعه وأظن اكثر شي شفتو صوره هو هههههه ، احبببه واحسه اناا لازم يوميا اشرب فيه p:



المخده والكرسي ايكيا ، كتب keep calm من جرير 


كفر الايفون هديه من اختي حبيبتي الصغيرونه ، الكب كيك الصغير الي فوق علبه جوسي كوتور من دبي هو مرطب شفايف بس حاطته ديكور ، كتبت كل شي عشان محد يسأل ههههههه ، بالنسبه لعلبه جوسي كوتور ، ممكن تستخدمون علب الاشياء الي تحبونها مثل الماركات وتخلونها كديكور ، تعطي لمسه حلوه ، وخاصه علب تيفاني اشوف الاجانب دايم كاشخين فيها بس يحق لهم p:



بين الميك اب والمكتب ، حطيت هاللوحه ، لبستها بخام مورد من ايكيا وهو اصلا عباره عن مخده وقصقصتها ولزقتها بلزاق من ورا هههههه ، كم مره اقول بسوي عنها بوست بس اقول خير ماتستاهل ولا هو اختراع p; حاطه عليها اهم الاشياء الي صارت لي بحياتي وانجازات وذكريات احبها  ..



ع الرف فوق الطاوله ، بوكسات من سنتر بوينت وشنطه من اويشيو ، فيها ربطات الشعر والاكسسوارات والباندات وشباصات وغيرها ..




جنب البوكسات ع الرف شمعه وبوكسات المورده من ايكيا هي اصلا حقت بهارات والمطبخ بس انا حاطتها ديكور وشي ثاني بعدين اتكلم عنه :$


عند المكتب الستاند هذا من ايكيا ، احط فيه الشنط الي استخدمها دايما ، واي حولت للشنط النقطات طفشت من الكبار p; وتحتها نبته صناعيه ، ترا المقصد من الستاند هذا اخليه لزوجي يحط فيه اوراقه وقلمه وبوكه ومفاتيحه اذا رجع من برا بس تم الاستحلال ههههههههه ، بس الي حاب الفكره يحط بوكس او صحن صغير او فازه صغيره تلم الاشياء حقت الرجال لان دايما يغيرون ثيابهم ولبسهم بدال لاتكون محذوفه بكل مكان ينحطون بمكان واحد ..



صوره ابعد وترايبود الكام راز وجهه p:



عطوراتي حطيتهم بصحن وهو اصلا من قسم النباتات من ايكيا ، رتبتهم بشكل سريع واسهل اشوفهم واختار ..
الي وراها حامل كب كيك بعد من ايكيا هههه ، رتبت فيه المناكير اسهل لي اشوفها قدامي D=


صوره المرايه وقسم الميك اب وقسم الخرابيط الثانيه مدري شسميها :\



فرش الميك اب ، من سيقما ومعاها فرش ماركات ثانيه ، بالعاده احطهم بالدرج عشان الغبار بس كنت استخدمهم فطلعتهم ، الكب كيك من سنتر بوينت ، احط فيه اي شي صغييير من كبكات او بزمات زوجي او بنس او اي شي نقطه مابيه يضيع ، الصحن من سنتر بوينت معاه حق الفواحه الي ع اليمين والشوز وانتو بكرامه ، الصحن احط فيه اكسسواراتي اليوميه اسهل لي بدال لا انبش بالصندوق ، البوكس الازرق من بيبر مون وهو للكروت  ..



وبس هذا عالمي الصغير .. اشوفكم ببوست ثاني ان شاء الله 



اذا جوده الصور او التأثيرات الي عليها مو واضحه خبروني عشان اغيرها ببوستات جديده باذن الله :)
للتواصل معي ع التويتر والانستقرام 
الايكونز ع يمين الشاشه


لاتنسين الاشتراك بالمدونه ليصلك كل جديد ..
كونو دائما جميلين  ..
xo Gorgeous

هناك 39 تعليقًا :

  1. جميل عالمك الصغير تتهني فيه 😍

    ردحذف
  2. جميييل احب ترتيبك واناقتك استفدنا منك والتسريحه جميلة فكرتهاااا مرة تختصر زحمة الاثاث لاتغيرينها خسافة
    ياقلبي بسالك عندي كونسلر ستديو فنش المدور من ماك فجاة نشف مااشريته الا من قريب :( فيه حل ارجعه زي قبل ؟؟؟؟؟

    ردحذف
    الردود
    1. الله يسعدك يارب ..
      ماجربت كونسيلر ماك بس غريبه اول مره اسمع انو بنشف :/
      حاولي تحطينه باصلعك يمكن حراره جسمك تذوبه ..

      حذف
  3. حبيت زاويتك جدًا جدًا مليانه أنوثه وترتيب يفتح النفس ♥
    عجبني الكڤر الله يخلي لك أختك ♥
    وألف ألف ألف مبروك البيبي شيماء ♥♥
    الله يتمم لك ويفرحك فيه ونشوفك "ماما" ♥
    الصور مضبوطه دقتها والتأثرات حلوة ماعليك ♥

    ردحذف
  4. أزال المؤلف هذا التعليق.

    ردحذف
  5. ترتيبك جدا جدا جدا جميل مره حبيته , وصراحة استفدت منك اشياء وايد بما اني راح انتقل قريب و اخذت افكار وايد حللوه .
    الله يوفقج ويسعدج حبيبتي
    مبرررروك ع حملج الله يسهل عليج ويتممه لج , والله فرحت لج وايد .
    قورجس شكرا شكرا شكرا استفدت منج وايد اشياء
    ما عرفت اعبر عن شكري لج ♥♥ ♥♥

    ردحذف
  6. ماشاء الله عليك قورجسيه في كل شيء ربي يسعدك اسعدتيني ب هالتفاصيل الحلوه
    وآممم اخدت شوية افكار ربي يوفقك ويعطيك العافيه
    احبك في الله
    اختك / ميامين =)

    ردحذف
  7. ي أخي عالمك يخقق تراني بأطب عليك يوم من الأيام حبيت تنسيقاتك 😍😘❤️

    ردحذف
  8. ي خيه عالمك يخقق تراني بأطب عليك يوم من الأيام حبيت تنسيقاتك 😍😘❤️

    ردحذف
  9. عالم صغير بس إنه جمييييييييييييل ❤️
    تصدقي المكتب والتسريحة هم أهم مكانين بغرفتي أحب أرتبهم أول بأول وأغير فيهم
    يفتحوا نفسي إذا كانوا مرتبين ويعكّر مزاجي لو كانوا حوسه هههههههههه

    أنيقة ورقيقة وألهمتيني ببعض الأفكار السعنونة اللي ممكن أضيفها لتسريحتي من باب التغيير :*
    شكرًا لكِ قورجسّه :$ ❤️

    ردحذف
  10. ياحلوك قورجس دايم تجننين وتلهمين الواحد يقوم يغيّر ويرتب ويبتكر شي جديد .. بقلدك أكيد وأعيد ترتيب اغراضي وحبيت مره فكرة الدمج بين المكتب والتسريحة مره حلوه صراحه , حسافة تغيرينها حبيتها حيل بس أكيد بتكون الجديده أحلى
    الله يوفقك ويسهل لك أمورك .. شكرًا شكرًا على كل شي حلو تقدمينه *قلوب بنك*

    ردحذف
  11. أزال المؤلف هذا التعليق.

    ردحذف
  12. حبيت البوست كثير
    احب اللون الابيض

    مبروك الحمل حبيبتي الله يسهله لك ويتممه :3>

    ردحذف
  13. جممميله تسريحتك ماشاء الله
    ممكن الله يعافيك اسم النجار ؟؟ ومكانه؟؟ورقمه ...
    جزاك الله كل خير

    ردحذف
  14. عالمك جميل .. وترتيبك اجمل
    بوست يحمس .. شخصيا استفدت منو
    يعطيك العافيه ..

    ردحذف
  15. ماشاء الله تبارك الله جميله جداً التسريحه كيوت مره خساره بتغيرينها انشاءالله الجديده احلى كمان
    ممكن طلب ؟؟ حبيت مره كفر الجوال اول مره اشوفه ممكن اعرف من فين اشترته اختك ؟؟

    ردحذف
  16. يختي كيييوت ذوقك مره احبه وﻻحظت ان لون البينك شيء اساسي بكل مكان ♥♡
    وترتيب مره صدق يختي خساره تغيرينها الا اذا ماله منها لانا اييد التغير بعذر اني مليت هههههههه
    الله يسعدك يارب على الفائدة اللس تعطينا والاسلوب اللي يفتح النفس ريي يخلييييك ♥♥♥

    ردحذف
  17. مشاءالله مرررررره جميل .. حاخد بعض الافكار حبيتهههم عمليييه كثير ♥♥

    ردحذف
  18. ماشاء الله 😍😍😍كمية جمال ..انتي انسانه رائعه وتدويناتك كلها جميله احس كلامك يدخل قلبي ع طول.. يسعدك ربي يارب بقدر مانستفيد منك 😙😙😙💖

    ردحذف
  19. ماشاء الله جميل ترتيبك وعالمك وأنتي كلك عالم جميل
    مره استفدت عمري مافكرت أشتري صحون او أشياء كذا راح أشتري إن شاء الله وأكيد راح يطلع شي جميل
    الله يسعدك ^^

    ردحذف
  20. ماشاءالله تبارك الرحمن ولاقوة الا بالله العلي العظيم . حبيت عالمك الجميل الصغير المرتب .. كل حاجة فيه وكل زاوية ماشاءالله تبارك الله تفتح النفس ،، حبيت ترتيباتك وتصنيفاتك وحبيت التفاصيل واهتمامك فيها ،، ربي يسعدك

    ردحذف
  21. ماشاءالله الله يبارك لك ، اتمنى اقدر اسوي لي عالم صغير لكن احس صعب وانا عندي زوج.. اشتاق لكل شي بنكي وانثوي

    ردحذف
  22. ماشاء الله شيوم مره مره شي جميل 3>
    احسك انسانه مرتبه ومنظمه ماشاء الله شي حلو :*
    الهي يسعدك يا جميلة

    ردحذف
  23. انسانة جميلة ورايقة
    عجبني تنظيمك ورتيبك للتسريحة وفكرتها راح تطبق ان شا الله

    ردحذف
  24. والله إن مدونتج هي أكثر مدونة ألهمتني أبدا بلوق خاص فيني.
    توي قبل فترة أشوف المدونة وألهمتني أفتح شي خاص فيني.

    ماشاءلله عليج، بلوق مرتب وحلو وأفكار تجنن.

    ردحذف
  25. تف تف ماشاءالله عليك مره شي كيوت ولا كانك متزوجه🙆💗 اسم الله عليك كذا حاجات صغيره وبنك مره كتكوته ومرتبه اكثر شي لفت نظري التسريحه فاضيه ومنظمه لاني احبها كذا حبيت اسلوبك وصورك رايقه وواضحه 💕🙈🙈

    ردحذف
  26. يززززينج ي قورجس ماشالله ذووق وجمال .. وبنج تاخرتي بالتدوين

    ردحذف
  27. وووووووووواااااااااااااااو كل شي يخبل يجنن تسلمي .. الله يبآرك
    طيب ممكن تقوليلي كيف تصميمي صورك ع الفوتوشوب او اي برنامج

    ردحذف
  28. رائعه ومنشوراتك رائعه ومدونتك اروع

    ردحذف
  29. ترتيبك وذوقك رائع ماشاء الله ، بارك الله فيكي.

    ردحذف
  30. ماشاءالله عليك ، ذكيه في اختياراتك و تنسيقاتك
    الشيء العادي تشوفينه ملهم و مناسب للزينه
    الله يوفقك

    ردحذف
  31. فعلاً Amazing ما شاء الله

    ردحذف
  32. عجبتني فكرة اللوحة اللي تحطي فيها اهم الاحداث في حياتك :) مره حلوه الفكرة وتساعدك تكوني ايجابية وتبتسمي كل ماشوفتيها ان شاءالله حاسوي فكرة مشابهه لفكرتك واشاركها معاكي =)

    حبيت البوست ,, استمري في ابداعك =)

    ردحذف
  33. حبيبة قلبي ممكن تشرفيني

    http://2mex-design.blogspot.com/

    ردحذف
  34. ابي اغير غرفتي..تعجبني الغرف اللي يكون جدارها هادي وناعم ويكون المكتب والتسريحة مع بعض ويكون عليه اشياء كيوت احب الصناديق الجميلة او الاشياء البسيطة بس تكون جميلة اول زرفت من اخوي علبه كذا صغيرة وكييييييييوت بالمرةوتنفع للاكسسورات وفعلا حطيتها للاكسسورات
    جميلة غرفتك تعطيني اياها؟؟
    استمري حبيبتي

    ردحذف
  35. جميل ماشاءالله بس من وين مراية تسريختك وبكم ؟

    ردحذف

التعليقات الجميله ♥♥

Blogging tips