الاثنين، أغسطس 26، 2013

One Gorgeous Year ♥ سنه أولى جميله ~





السلام عليكم وَ رحمه الله وَ بركاته ♥ تتذكروني :$؟ وَ مرت سنه .. من الصبح فاتحه البلوق ابي اكتب ابي اعبر بس هالايام وواضح جدا علي انو قريحتي الكتابيه شبه انعدمت ههههه ، مو لان مليت ابدا لا بس انشغلت وبالي مشغول وظروف كانت اقوى مني! ببالي البلوق دايما وانتو بعد دايما ببالي ، مادري من وين ابدا ! من اول بوست كتبته ع خجل واستيحاء < صح الكلمه :$ ؟ ولا من الفتره الي تركت التدوين فيها وكنت مشتاقه له جدا جدا او من اول كلمات تشجيعيه جتني وردود فعل ابدا ماكنت اتوقعها! او شرايكم اتكلم وين كنت قبل البلوق والعالم هذا ؟! بتكلم بكل اريحيه عشان كذا البوست طويل واقدر اسميه شخصي جدا جدا ♥ ..


من ايام الثانوي للجامعه فتحت مليون بلوق وارجع اقفله ، بلوق للتصميم بلوق لليوميات بلوق للشعر بلوق للصور عد وخربط :| كنت ابي اسوي شي بحياتي يشغلني او اكون شغوفه فيه بس مادري وين ابدا مالي اي توجه احب كل الاشياء واكذب لو اقول خبيره فيهم كلهم .. الشي الوحيد الي كنت متأكده منه انو عندي شي اقدمه احب اساعد احب يكون لي دور بالحياه ، كنت ادري اني شخص مهم وضروري اترك بصمه لو بسيطه ، من الاشياء الي واجهتني انو اهلي كانو جدا حريصين على الدراسه ماذكر كان عندي هوايه غير الدراسه *احزن ههههه* حتى بالمدرسه ماكان في اي اهتمام الا التركيز بالدراسه ، غلط بغلط الشخص لما يخلص من دراسته ماعنده شي بالحياه!! احس هالشي ممييييت للروح ، وانا من الاشخاص الي ماحب الروتين وداايمااا اقول مستحيل مستحيل اتخيل حياتي عباره عن دوام مكتبي ممل وبيت ومجاملات رسميه :( ابي اعيش حياه شغوفه فيها انبسط واحمد ربي عليها كل دقيقه ، اظن هذا الي السبب الرئيسي الي خلاني ابدا البلوق ، مادري لوين بيوصلني ماعمري فكرت ( وبعدين ؟ ) بس كنت افكر ليش لا؟ ممكن يفتح لي ابواب لاشياء افضل كيف وليش مادري بس متأمله خير :)

ومن الاسباب الثانيه الي خلتني ابدا بالبلوق بعد ، كان عندي اهتمامات كثيره ابي اطورها وابي احد يشاركني فيها وماكنت احصل اشخاص يشاركوني اهتماماتي ، قليل من الي اعرفهم يحبون المكياج والموضه او الماركات وغيرها ، كنت ابي احد اسولف عليه ويقول : اي فاهمه عليك :| اسولف لصديقاتي شنو تبون تنجزون بحياتكم ؟ كأني اقول لهم نكته ههههههههه ، قلت حلمي اسوي بلوق يقولون ايش الفايده ؟ ماحصلت اي تشجيع بالبدايه نسيت الفكره شوي ،، تزوجت وتغيرت حياتي ١٨٠٪ بديت حياه جديده تماما مافي صديقات مافي اهل قراب مافي مجمعات او مطاعم متعوده عليها :\ شعور مو حلو ابدا .. ضياع وشعور بالفراغ وين ابدي ؟ شلون اعيش! انا انسانه تفكيري عميق شوي وهذا الشي يتعب ههههههه يعني كثير اتعمق بالاشياء فكان صعب علي اتأقلم ، كنت مرتاحه بشكل عام بس شيما نفسها وين بالحوسه هذي كلها ماكنت ادري رجعت افكر بالبلوق ، كنت خايفه صراحه اقول انا مو خبيره بشره ولا ميك اب ولا ستايلست شنو الجديد الي بضيفه ! بس كنت متأكده انو عندي شي بس مادري شنو هههههه الشي الوحيد الي حاطته بين عيوني اكون انا  واتكلم ع طبيعتي ، البلوق مو مرجع ولا مجله ولا موقع طبي البلوق هو انا وتجاربي وانطباعاتي اصبت او اخطأت مو مهم ، الاهم اكون راضيه عن الي قدمته ، تخطيطي للبلوق كان عشوائي مافكرت شنو راح يفيدني فيه او وين بوصل او عدد المتابعين او اذا اصلا في احد راح يقرا لي! اول بوست كتبته كان عن الشعر الويفي لان تو متعلمه اسوي شي بنفسي ومبسوطه وابي اعلم الناس انجازي العظيم ههههههههه ، فتحت بلوق ماقلت لاحد مابي تحطيم :| استمريت فتره بسيطه ، انبسطت بردود الافعال ، اظن الي كان يميزني القرقققققه مرات ارجع اقرا البوستات القديمه اقول اف اف كل هالسوالف شلون متحمليني ههههههههههههه بس كانت تجيني كومنتات كثيييره انها تحب سوالفي وانهم كأنهم جالسين مع صديقه وكان هالشي يبسططني جداا ، حلو انك تكون ع عفويتك والناس يحبونك عشان الشي هذا ..

 اول لحظه حسيت فيها بالانجاز لما سويت مقابله في جريده عكاظ (هنا المقابله للي ماشافها ) أقدر اقول كان انجاز عظيم بالنسبه لي لما يكون اسمي مكتوب بجريده مطبوعه ، ،من هنا قلت هذا الشي الي ابي اكمل فيه حسيت بالانجاز وانو اسوي شي مهم ومن جد عندي تأثير ،، ماكان احد من قرايبي يعرفني كنت ابي اثبت نفسي وبعدين اقول هذا بلوقي ، كانت ردود افعالهم حلوه مو مثل ماتوقعت حتى صديقاتي كانو مبسوطين فيني ، بس ماكان في احد مقدر اهميه هالشي بالنسبه لي ، يعتبرونه شي عادي انا اعتبره انجاز كبير لان راح يوديني لاماكن اكبر ،، كثير تجيني انتقادات انو التدوين مضيعه للوقت ، وصح مرات احس بالشعور هذا خاصه لما تجيني ردود سلبيه من ناس يتابعوني كنت اتعب ع الي اقدمه ومن كلمه وحده ماعجبتهم ينسفون الماضي والي سويته هههههه ، هذا العائق الوحيد الي كنت اشوفه وكان يأثر فيني كثيير بس بالبدايه ، بعدين عرفت لو انا شخص عادي جدا جدا ماكان في ناس تعبت نفسها وضيعت وقتها بالنقد السلبي ، في ناس كانت بس تبي تنتقد بدون هدف او وقت الفراغ عندها كبييير وفي ناس تحس نفسها وصيه ع غيرها وتبي تقوم الناس ع حسب تفكيرها والي متعوده عليه ، بس بالمقابل كسبت ناس ودعاوي تفرح القلب ، كسبت قلوب اقول شلون نقدر نحب اشخاص ماقدرنا نشوفهم ونحبهم بس من من كلامهم وكومنتاتهم وتعليقاتهم الجميله  .. كسبت صداقات وبلوقرز جميلات ضافو لي الكثير يعني ابدا ابدا ماحس ضيعت وقتي بالتدوين ..


 البلوق علمني اشياء كثييره وغيرني كشخص ، علمني الصبر واتقبل انو في ناس غير عن تفكيري وفي ناس كثار فيهم الخير ، يمكن كنت مقصره بالبلوق كثير وكنت اتمنى انو التدوينات اكثر والاشياء الي اقدمها افضل بس بيني وبينكم ماكنت اتخيل اني بكمل سنه اصلا وتوقعت مصير هالمدونه مثل غيرها :| فترا انجاز بالنسبه لي هههههههه ، تعلمت ماثق بناس وماهضم حق نفسي ومالتفت لتعليقات المحبطه لان لكل شخص هدف مهما كان تافهه بنظرهم يكفي اذا تذكرت نشوه انجازه بتنبسط الشعور هذا يكفي ! واني استحق الافضل وكل شخص بالدنياااااا يستحق فرص افضل ويستحق مستقبل الي يتمناه ، تعلمت انو الفرص ماتجي لحد بابك انت تلحقها ، في اشياء كثيره ابي اتكلم عنها بس انتظر الفرصه المناسبه ان شاء الله ، مادري شنو اضيف اكثر بس سعيده بسنه كانت جميله اصحى وَ أنام عَ كلمات تثلج الصدر ، حلو عندك شي بالحياه مرات احسه همٌ خاصه اذا تأخرت بالتدوين "كعادتي" واني مقصره كثيير اشعر بالذنب :( بس اذكر نفسي التدوين مو واجب علي هو شي استمتع فيه اذا صار واجب بيفقد المتعه والمدونه بتفقد روحها وبيكون روتين والروتين يقتل ،، فخلوني مستمتعه وتحملو غيابي ..

يمكن البعض يستغرب ليه انا اقدس التدوين لهدرجه ترا كله صور وكلمات ، بالنسبه لي : لا لا p: هو اني افتح حياتي لاشخاص ماعرفهم واشاركهم افكاري ويومياتي وخصوصياتي ،، ف يس هذا شي مهم جدا ،، الاجانب متخذين التدوين وظيفه لهم وبالنسبه لهم شي مهم بالمجتمع ، ان شاء الله هالفكره بتوصل لنا بعد ، بس المكانه الي وصلت لها المدونات العربيه مفرحه :) واذا اتخذوه شي جدي وبروفشنال مع الجانب الممتع بيتنتشر الفكره وتتقبلها الناس اكثر ..

عينه بسيطه من الناس الي تخليني احب قورجس اكثر ، تركو بصمه بقلبي شكرا لكم بنت بنت!






محظوظه فيكم 
شكرا ل١٦الف متابع بالتويتر.. شكرا ل٢٣ الف متابع بالانستقرام .. شكرا ل٧٦٧ الف شخص جميل اخذو من وقتهم وطلو عَ بلوقي ، شكرا ل٥٠٠ عضو مشترك بمدونتي ، الكلمات ماتوفي حقكم ولا الشعور الي احسه حاليا ، انتو جزء من قورجس ومن دونكم اصلا هي مو موجوده ! كتبت هالبوست بدون مارجع اقراه فان شاء الله اوصلكم جزء بسيط من الي احسه ، قلت لكم احاسيسي صايره كثيره هالفتره p:

سنه مرت جميله بكل شي فيها ، وين بكون السنه الجايه ؟ هل قورجس بتستمر او بتلقى شي بحياتها يشغلها غير التدوين ، مابي افكر بالمستقبل ، مثل مافكرت بالبدايه .. خلونا نعيش اللحظه والجاي ان شاء الله بيكون افضل ..

شكرا لكل شي، قورجس تحبكم ، اوك دمعت بس دموع الفرح p:

هناك 25 تعليقًا :

  1. والله يا جميلة انتي من الناس اللي شجعتني ابدأ في التدوين وبالفعل كنتي ابرزهم ومدونتك مميزة وسط كثير غيرها بجمال روحك و حبك لعملك و نواياكي الصافية.. ولا يمكن انسى انك اول من دعمني في بدايتي لو فاكرة .. استمتعت مع قورجس سنة و عقبال ال100 سنة :* لك ودي وتقديري..

    ردحذف
  2. يا حبيلك تدرين عاد انتي اللي شوقتيني أفتح بلوق خاص فيني ❤
    حلو منك انك ما تأثرت باللي حولك كثير ناس تتحطم حياتهم بسبة انهم يعطون اللي حولهم وجه ويحاولون يرضونهم بشتى الوسائل
    وعلى فكرة استيحاء× الصح:استحياء >مذكوره بالقرآن :)

    مرره جميل البوست وسنة جميلة علينا وعليك وعالبلوق.. بالتوفيق يارب ❤❤

    ردحذف
  3. انتي شيء من جد جميل , مصدر إلهام ♥_♥
    قورجس من أحلى البلوقرز , و مدونتها من أحلى المدونات
    و عقبال لمدونتك ِ مليون سنة * قلوب لين بيتكم *
    _ _ _ _
    بس اذكر نفسي التدوين مو واجب علي هو شي استمتع فيه اذا صار واجب بيفقد المتعه والمدونه بتفقد روحها وبيكون روتين والروتين يقتل ،، فخلوني مستمتعه وتحملو غيابي ..

    ^ أنا معاكي في كلامك دا و بسوي زيك بخلي الاشياء
    اللي تلهمني ماهي واجبة و مفروضة عليا
    شكرر قورجس لأنك خلتيني اقرا كلامك دا و كل الكلام اللي كتبتيه ,
    وأحنا كمانا نحبك ♥ أصلا انتي تنحبي ^^ .

    ردحذف
  4. واااو ياسرع الدنيا 3>

    صحيح ماتابعتك من اول تدوينه
    بس عرفتك من بااوائل التدوينات

    ازيك ياجميل ان شاء الله بخير
    من زمان عنك

    اه اه يازينك ويازين مدونتك
    وياسرع الايام عقبال ماتحققين كل شي ودك فيه بالمدونه

    عارفه مقصره بالتعليقات بس من عقب قوقل ريدر وتقفيله وانا حاسه بضياع كثير بلوقز عربي و اجنبي ضاعوا علي ومن ضمنهم مدونتك

    بس لاتخافي من فتره لفتره اشيك عليك بالانستقرام


    اااااااحبك ياقورجيس وياشيوم وياجميله
    ربي يوفقك ويسعدك ويخلي لك احبابك ويخليك لهم

    للمره المليون احبك واحب بلوقك ❤❤❤❤❤❤❤❤❤❤❤❤ :**************)

    ترا فتحت الكمبيوتر لعيونك لان البلوق بالجوال مايسوي تعليق

    ردحذف
  5. I loooooove u so much
    والله العظيم...
    عارفه الحب اللي يجي من الله، هذا شعوري من ناحيتك.. أنا نجود اللي ربحت معك من متجر حرفون بيوم ميلادي، على قد سعادتي في هالهديه على اني مبسوطة أكثر أن صورتي لسه في بروفايلك مامسحتيها... وتلوميني بحبك يابت... ربي يسعدك قد مااسعدتيني واسعدتي غيري، ربي يرزقك ماتتمنين وأكثر

    ردحذف
  6. ^_^ عقبال الـ١٠٠ سنة يارب بصراحه مدري شقول عنك<<ما اعرف اعبر انا اعتبرك كتلة تفاؤؤؤل تمشي بالأرض احب عفويتك كلامك أسلوبك مزحك وجدك أحسك إنسانة متصالحة مع نفسك مرات يجيني إحساس انك إنسانة كامله (بعدين اقول ما في إنسان كامل الكمال لله) احلى وأقرب تدوينه على قلبي تدوينة (كل بنت تستحق تشعر إنها جميله ، ( أنا جميله♥ ) #تكنوشيك #غيمه٩
    كل ما حسيت اني ثقتي بنفسي تهتز ارجع أقراها بعدها يجيني إحساس جميل
    وارجع احب نفسي <<في كل كثييير في بالي مدري كيف أقوله اكتفى بهذا القدر أحبك في الله عسى الله مثل ما جمعنا بالدنيا يجمعنا في جنات النعيم ويجعل كل اللي تسوينه في ميزان حسناتك /🌹لك

    ردحذف
  7. انتي سعااااااده
    ربي يسعدك على قد مأفدتيني واسعدتيني
    ❤❤❤❤❤
    انتي صرتي جزء كبير من حياتي ، حبيتك وانا ماشفتك ❤
    اواخلاقك محليتك اكثر ، ماشاء الله ~
    احسك جد ودك تفدين الناس مو لتسليه
    انا فخوره ان بوطننا العربي في ناس امثالك ❤❤
    ربي يسعدك ويوفقك ويكتبلك الخير وين ماكان $
    مها المطوع :(❤

    ردحذف
  8. عقبال 100 سنة يا رب و التدوين متعة صراحة حتى لو كان شي بسيط ع الأقل تكسبين دعوات و أجر و شخصيتك جميلة وواصلي ما عليك من الردود السلبية :)

    ردحذف
  9. بإذن الله من نجاح لنجاح كل عام
    مدونتك ما شاء الله تصميمها رقيق والتصوير جميل.. فيها روح حلوة
    ربنا يوفقك دائمًا :)

    ردحذف
  10. يا زينك يا شيما ،، مدونتك من المدونات المفضله عندي واسلوبك لطيف وجميل وعفويه يعجبني جدا تفكيرك وانا من الناس اللي اؤمن انه لازم اي شخص يكون عنده هوايه او اكثر عشان يعيش حياة جميله ومتوازنه وسعيده و متاكده ان كل شخص عنده شي مبدع فيه بس يمكن كثير من الناس وخصوصا بمجتمعنا ما يعرفون وش ممكن يبدعون فيه الا بعد ما يجربونه ويحسون بالمتعه فيه وعشان الواحد يبدع اكثر حلو انه يكافئ نفسه بعد كل انجاز حتى لو كانت مكافأه بسيطه بيحس بالسعاده ويزيد ابداعه،، كني اخذت راحتي بالكتابه عاد وش يسكتني :p اتمنى لك انجازات عظيمه بالمستقبل القريب وانا متاكده من هالشي واتمنى نشاركك فرحتك بانجازاتك الجميله :)

    ردحذف
  11. يا زينك يا شيما ،، مدونتك من المدونات المفضله عندي واسلوبك لطيف وجميل وعفويه يعجبني جدا تفكيرك وانا من الناس اللي اؤمن انه لازم اي شخص يكون عنده هوايه او اكثر عشان يعيش حياة جميله ومتوازنه وسعيده و متاكده ان كل شخص عنده شي مبدع فيه بس يمكن كثير من الناس وخصوصا بمجتمعنا ما يعرفون وش ممكن يبدعون فيه الا بعد ما يجربونه ويحسون بالمتعه فيه وعشان الواحد يبدع اكثر حلو انه يكافئ نفسه بعد كل انجاز حتى لو كانت مكافأه بسيطه بيحس بالسعاده ويزيد ابداعه،، كني اخذت راحتي بالكتابه عاد وش يسكتني :p اتمنى لك انجازات عظيمه بالمستقبل القريب وانا متاكده من هالشي واتمنى نشاركك فرحتك بانجازاتك الجميله :)

    ردحذف
  12. ماتتصورين كيف و انتي تتكلمين عن بدايتك وبحثك عن شغف و بداية زواجك قاعده اقول هذا انا.كل اللي صار لك نفس اللي صار لي بس الفرق ماعندي مدونه.مشكوره كثير عن جد الهمتيني ..

    ردحذف
  13. قورجس حبيبتي ليه ماتعملي قناة باليوتيوب , والله انتي رائعة .. كلام بيدخل الئلب

    ردحذف
  14. جمممممممميله رووحك
    استمري على طريقه تفكيرك
    و بأذن الله الجاي أفضل
    ♡♡♡♡♡♡♡♡♡♡

    ردحذف
  15. انتي صرتي الهام بالنسبة لي احب مدونتك مرة واستمتع فيها جداً واستفدت اشياء كثيييير ةذوقك جميل ماشاءالله ترا كلنا نحبك ومعاك وبندعمك ❤❤❤❤
    ترا عمري ١٦ , الله يسعدك ويهنيك ويعطيك على قد نيتك ❤❤
    We love you

    ردحذف
  16. فرحتك بنجاحك هي أكبر سعاده لي ربي م يحرمنا منك

    ردحذف

  17. قورجس مادري وش أقول بخاطري كلام كثير اقوله لك ♥♥
    انتي صرتي مصدر إلهام للجميع ومستحيل احد يدخل مدونتك بدون مايكمل ويقرا البوستات الي فيها كلها ♥♥♥♥
    كتلة تفآؤل وجمال وعفويه وهذا الي مريحنا معك عفويتك وكلامك واسلوبك واصرارك على انك تكملين التدوين حتى مع ضغط الي حولك وضغط الناس السلبيه :(
    أنا أحبببببببك بالله وأتمنى لك كل الخير الله يسعدك ويوفقك ويحقق لك الي تبغينه :*
    كثير بنات أستفادوا منك وأنا اشوف ان الدعم المعنوي الي تعطينه لي ولباقي المتابعات هو الي ميزك عن باقي البلوقرز حسيناك قريبه مننا وحبيناك وإحنا ماشفناك 💘💘💘
    أتمنى تصير فرصه وأقدر اقابلك جد الي قدمتيه لي كثير ، ناس قريبه لي ماقدموه ♥♥
    وعقبال ماتكلمين السنه والسنتين والثلاث ومدى العمر إن شاء الله ♥
    وإحنا دائماً معك وبنتابعك 😘💖💖💖💖

    شهاليل الحربي ~

    ردحذف
  18. حبيناك يمكن عشاننا في مجتمع كثر فيه تصنع البنات بين بعض والواحد صاير صعب يصير على طبيعته هالايام وانتي هنا قريبه للقلب ببساطك وعفويتك وفاتحه قلبك وتفاصيل حياتك لناس غريبه بدون اي رسميه او قيود .. احبك الله يسعدك قد ماستمتعت وانا اقراء لك .. وحبيت اذكر شي من نِعم حريه الانترنت انو اختار جليسي بنفسي بعيد عن قيود الواقع والاشخاص الي رفضتهم الحياة علينا لما انفرد بعالمي الخاص اختارك انتي وناس لطيفه زيك .

    ردحذف
  19. ربي يوفقك ويسعدك أحبك احبك وكلامك يلامس قلبي <3 تدخلين القلب وتنحبين وعفويتك جمييييييله
    استفدت منك كثييير وغيرتي فيني اشياء كثيرررره شكرا من القلب
    ويارب تحققين كل اللي تتمنيه
    اذا تأخرت بالتدوين "كعادتي" واني مقصره كثيير اشعر بالذنب :( بس اذكر نفسي التدوين مو واجب علي هو شي استمتع فيه اذا صار واجب بيفقد المتعه والمدونه بتفقد روحها وبيكون روتين والروتين يقتل ،، فخلوني مستمتعه وتحملو غيابي ..
    ^^
    صح كلامك عين العقل وخذي راحتك <3 <3
    مدري اش اقول اكثر بس جد جد النت من نعم الله علينا الحمد لله وزي ماقالت patool1 من نِعم حريه الانترنت انو اختار جليسي بنفسي بعيد عن قيود الواقع والاشخاص الي فرضتهم الحياة علينا لما انفرد بعالمي الخاص اختارك انتي وناس لطيفه زيك <3

    ردحذف
  20. بصراحة شخصيتج وكلامج وتفكيرج وعمرج مثلي يعني مادري ساعات احس حتى الاهتمامات اللي تهمتين بها مثلي وكلما ادخل صفحتج احس براحة وايجابية واحس بتشجيع سواء شي شخصي والا مكياج والا اي موضوع حاطة عنه صج صج استفيد واحب اني اقرا من صفحتج واستفيد اكثر واكثر
    الله يعطيج العافيه ويجزيج ربي كل خير ويحقق لج كل اللي تتمنينه

    تحياتي jojie من البحرين ^^

    ردحذف
  21. تغيرت نظرتي للحياة بسببك =")
    خليتها احلى و احلى *,*
    و صرت احب نفسي اكثر و اكثر =$
    و صرت احبك اكثر و اكثر و امم انا صغيرة بالمتوسط يعني كنت ما احب اهتم بنفسي ابد ابد :(
    بس منك انتي بالذات صرت احب الاهتمام بنفسي و كذا 💖
    احبك فالله 💖💖

    ردحذف
  22. سبحان الله الكلآم إذا كان طالع من القلب يوصل للقلب على طول ♥

    آنتي شخص جمميل شيماء ..أنا عرفت مدونتك متأخر من جوجو العسل لما نزلت فيديو تتكلم عن مقابلتها معاكم ووالله إني كل ماأحس بخيبة أو طفش أفتح مدونتك أحس حروفها تنطق سعاآدة وأمل وتفاؤل وجمآل ..كلآمك الكثير وعفويتك وبساطتك هي أحلى مآفيك وصدقيني أي شي كبير يبدأ من أشياآء بسيطة أنا أستمتع وأنا أتفرج فما بآلك بالكتابة والتنسيق ويكفي إنهآ حاجة بصنع يدك وبذوقك الخاص هذآ الشي لحاله إنجاز ومتعة ♥♥

    آستمري.. لك متابعاتك وكثير ناس ممكن تتغير حياتهم من مجرد حروف آنتي تكتبيها من قلبكك ♥

    الله يحفظك ويديمك لأحبابك ويسعدك ياآرب ♥♥~

    ردحذف
  23. سبحان الله الكلآم إذا كان طالع من القلب يوصل للقلب على طول ♥

    آنتي شخص جمميل شيماء ..أنا عرفت مدونتك متأخر من جوجو العسل لما نزلت فيديو تتكلم عن مقابلتها معاكم ووالله إني كل ماأحس بخيبة أو يأس أو طفش أفتح مدونتك أحس حروفها تنطق سعاآدة وأمل وتفاؤل وجمآل ..كلآمك الكثير وعفويتك وبساطتك هي أحلى مآفيك وصدقيني أي شي كبير يبدأ من أشياآء بسيطة أنا أستمتع وأنا أتفرج فما بآلك بالكتابة والتنسيق ويكفي إنهآ حاجة بصنع يدك وبذوقك الخاص هذآ الشي لحاله إنجاز ومتعة ♥♥

    آستمري لك متابعاتك وكثير ناس ممكن تتغير حياتهم من مجرد حروف آنتي تكتبيها من قلبكك ♥ وترى على فكرة أفكر أصير بلوقر أنا كمآن وأخطط لهالشي آدعيلي بس ~

    الله يحفظك ويديمك لأحبابك ويسعدك ياآرب ♥♥~

    ردحذف
  24. كلماتك جميله وأتشرف بقراءتها

    ردحذف
  25. استمري وعقبال السنين الجاية نكون حولك ودعمك ♥♥
    وأنا أحوبك ♥♥

    ردحذف

التعليقات الجميله ♥♥

Blogging tips