الأحد، يناير 27، 2013

كل شي عن العنايه بالبشره + ريفيو عن مجموعتي من كلينك ♥



،



السلام عليكم وَ رحمه الله وَ بركاته
هالموضوع كثيير انطلب مني وماحبيت أتكلم الا لما أخلص من تجربه المجموعه من كلينك
بس أول شي بنتكلم عن البششره وأهم النقاط الي لازم ننتبه لها ..

اذا بشرتك تقشر بس تحطين فاونديشن
اذا بشرتك تطلع فيها حبوب ومو عارفه كيف تتحكمين فيها
اذا بشرتك دهنيه كثييير وتخرب شكلك بالميك اب !

كثير مشاكل بالبشره حلها بروتين بسسيط نتبعه وَ خلصنا !
أول وأهم شي لازم نعرف نوع البشرات عشان نختار المجموعه المناسبه لها وَ نحصل على أفضل نتيجه
كثااار تكلمو عن هالنقاط وَ برجع أتكلم عنها ، لازم لازم نكون عارفين نوع بشرتنا
لأنه يحدد المنتجات الي راح نستخدمها وَ حتى الميك اب ♥ !

حتى نحدد نوع البشره ، اول مانصحا من النوم قبل لانغسل حتى تكون البشره ع طبيعتها
ويكون أفضل وقت لتحديد نوع البشره ..

البشره العاديه :
بشره من اسمها عاديه مسامتها اما صغيره او متوسطه ، مافيها دهون او جفاف كثير
هي من البشرات الي مرتاحه بحياتها p:
يجيها من فتره للثانيه مثل الحبوب الخفيفه بس تروح مع الروتين

البشره الجافه :
اذا حسيتي بشرتك مشدوده وَ متقشره بشكل خفيف ، ومافيها دهون يعني بشرتك جافه
مشكله هالبشره التجاعيد تبين فيها اسرع من الباقي بس الحلو مافيها حبوب او اي شي

البشره الدهنيه :
هي البشره الي تلمع من افرازات الدهن وخاصه الجبهه والذقن ، تكثر فيها الحبوب اكثر من غيرها
فيها مسامات وسيعه من جهه الخدود ورؤوس سودا ع الانف ، اصعب بالاهتمام بس الحلو مافيه تجاعيد كثيره p:

البشره المختلطه - بشرتي - :
هي مختلطه اما بين الجاف والدهنيه او العكس
التي زون هي منطقه الجبهه + الانف + الذقن مثل الصوره :


اما تكون المنطقه دهنيه وباقي الوجه جاف او العكس ..
هذي هي البشره المختلطه ، والاهتمام مضاعف لان نبي نوحد المنطقه ونخليها
كلها نفس التون او النوع ..

البشره الحساسه :
هي البشره الي تتحسس من اي شي او اي منتج ع طول تصير حمرا
وتطلع حبوب او تتحسس حتى من تغييرات الجو ، صعبه هالبشره : (
بس في منتجات خاصه لها ..

بعد ماحددنا نوع بشراتنا وَ ضروري تعرفون نوع بشرتكم ..
بتكلم عن شوي نصائح لاشياء الي لازم تسونها أو لازم تبتعدون عنها !

لازم تسوون :

١. لازم يكون عندكم روتين بشره ( غسول - تونر او تونيك - مرطب ).
٢. لازم لازم الروتين مرتين باليوم اول ماتصحون وقبل لاتنامون.
٣. لاااازم تغسلون الميك اب ولاتنامون فيه اببد هذا ابشع شي تسونه لبشراتكم
صح نتاكسل بس الي يبي بشره صحيه يبتعد عن النوم بالميك اب.
٤. لازم نقشر وجهنا مره الى مرتين بالاسبوع مو اكثر.
٥. لازم نستخدم ماسك او قناع للوجه بشكل دوري اما يكون طبيعي نسويه بالبيت او نشتري جاهز.
٦. مووويه ، المويه سر جمال البشره ! لازم نهتم بالداخل مثل مانهتم بالخارج كثرو شرب مويه مو اقل من ٦ كاسات باليوم.
٧. لازم نستخدم واقي من الشمس حتى لو ماراح نطلع من البيت ، مره مهم لحمايه البشره 
حتى لو الجو مغيم او في مطر مايمنع انو في شمس !! مهم الواقي ويفرق بالبشره كثير.
٨. اكيد التغذيه مهمه وَ  الخضار والفواكه بشكل يومي بيبان بالبشرات.
٩. غسل الفرش تبع الميك اب لاتستهينون فيه ، وخاصه فرش الفاونديشن 
غسلوها اقل اقل شي مره بالاسبوع اذا تستخدمونها يوميا ، لان السوائل تجمع البكتيريا وبتكثر الحبوب ببشرتك.
١٠. اخر نقطه يستهينون فيها الناس ، غسل المخدات او الشراشف او البطانيه وغيره .. ترا شي مهم وَ خاصه انو الجسم 
يحتك فيه بشكل مباشر ، وممكن البكتيريا وَ الغبار يتجمع عليه وَ ابدا شي مو حلو للبشرات لازم نهتم بنظافه المكان الي حولنا.

هذي نصائح سريعه بس جدا بتفرق بالبشره ، وَ في كم نقطه يبي لها شرح بشكل دقيق
بخليه للبوستات الجايه افضل ..

لازم مااتسوون p: او تتفادون :

١. اذا طلعت حبه بالوجه خلوها ! صح يدنا تحكنا نشيلها بس بتخلي اثار بالوجه احنا بغنا عنها :( .
٢. لا تلمسون وجهكم كثير الاحتكاك بين اليد والبشره يمكن ينقل جراثيم وبكتيريا.
٣. لاتستخدمون ادوات ماتخصكم ، وخاصه فرش الميك اب :( ابدا مو حلو ترا وينقل الجراثيم للوجه
صح انا واثقه بالي اخذ اشيائي وبنظافته بس مهما كان البشرات تختلف.
٤. لاتنسون الترطيب حتى لو بشراتكم دهنيه في مرطبات مخصصه لها.
٥. لاتنسون الرقبه وَ الصدر من الاهتمام تعتبر جزء من الجسم !

تقريبا هذا الي ببالي حاليا ،
موضوع البشرات عالم كبيير مستحيل نلخصه ببوست واحد ،
وَ أغلب النصائح معروفه بعالم التجميل يعني مو اختراع أو فلسفه ،

في موضوعين لازم تطلون عليهم جدا مفيدات من مدونه جميلتي فوفيتا :
١. 

كيف تعرفي نوع بشرتك - روتين العناية بالبشرة Skincare Routine For Your Skin Type

٢.

أساسيات المكياج: البرايمر وتحضير البشرة للفاونديشن Makeup Basics: How To Prepare Your Face for Makeup


تكلمت عن كل شي كنت بقوله وفرت علي لوول ، شكرا فوفيتا :$
بتكلم عن مجموعه كلينك للبشره الدهنيه \ المختلطه
هل تستاهل تشترونها ؟ نفعتني أو لا ؟


*  غضو النظر عن الغسول كان محذوف بسله xp  *

المجموعه هذي للبشره المختلطه اخذتها من باريس قاليري بحدود ال٣٤٠ اذا مو غلطانه لان زماان ماخذتها
تحصلون ماركه كلينك وهي ماركه طبيه بأغلب المحلات : سيفورا \ سنتر بوينت بالرياض قاليري \ فيسيز \ دبنهامز \ فافاوم

المجموعه اسمها 3 steps غسول \ تونر \ مرطب
في كذا نوع لكذا بشره شوفو الرابط هنا

http://www.clinique.com/cms/product/franchise/3step_system_detail.tmpl?slide=2

الغسول 



الغسول مناسب لجميع انواع البشره.

الطريقه :

تغسلين بشرتك بالمويه بعدين تحطين من الغسول ضختين بس تفركين الغسول بيدك
حتى يرغي وبعدين وزعيه ع البشره بس لما تغسلون انتبهو لشي مهم
وَ خاصه للبشرات المعرضه للحبوب ،
غسلو وجيهكم برفق لاتفركون كثيير بكذا تهيجون البشره او تخلونها تفرز دهون بشكل اكثر
يعني بحركات دائريه خفيفه لمده ١٥ ثانيه كفااايه وَ بعدين غسلو البشره وَ طبطبو عليها بمناديل
أفضل من الفوطه لان هذيك معرضه للتجمع البكتيريا أكثر

- الغسول مرتين باليوم صباح وليل -
* رأيي :
حسيت الغسول ينظف صح بدون مايجفف البشره أو يترك اثار دهنيه 

بعد ماننشف البشره يجي دور التونر

التونر :

للبشره الجافه


للبشره الجافه بعد


المختلطه للجافه


المختلطه للدهنيه - نفس الي عندي -


للبشره الدهنيه

الطريقه :
تحطين بقطنه شوي تونر وَ مسحي بشرتك ، الي لاحظته بالتونر ينظف اكثر من الغسول
وَ خاصه اذا كنت حاطه ميك اب ، وامسحو رقبتكم والاكتاف شوفو البلاوي الي تطلع هههههه

* رأيي :
كثار تحسسو من الغسول ، نفسي اول ماستخدمته شوي قوي
بس تعودت بشرتي عليه ، وَ صرت ماستخدمه كثيير مره كل يومين لان حسيته قوي مثل ماقلت
وَ استخدمه اكثر شي اذا حطيت ميك اب لان ينظف صح

- ذاكرين مرتين باليوم بس ع حسب تعود البشره لو حصل تهيج يكفي مره كل يومين -

بعد التونر يجي دور الترطيب ،
مثل ماقلت حتى لو بشرتك دهنيه تحتاجين مرطب ..

المرطب :

مرطب للبشره الجافه للجافه حيل

مرطب للبشره الدهنيه

لما دورت بموقع كلينك شفتهم مغيرين علب الكريمات
مو حاطين الا هالعلبتين ووحده ثالثه للبشره الجافه
الي اذكره لما كنت ابحث انو في مرطب لونه بينك وثاني اخضر اذا مو غلطانه
والاصفر الي عندي للبشره المختلطه

عَ العموم اقرو من ورا العلبه يكتبون كل شي ،

* رأيي :
المرطب جدا خفيف عَ البشره مايخليها دهنيه وَ لايرطبها بزياده
تمتصه البشره بسرعه ومايترك اثر لمعه عَ البشره
حبيته جدا وَ حلو قبل الميك اب .. 

- استخدمه مرتين باليوم بعد التونر -

،

وَ بس هذي مجموعه كلينك للي كان يسأل وَ استخدمتها من قبل للرمضان لقبل شهر تقريبا
خلصت أغلب العلبه وَ رأيي حسب الي شفته :

المجموعه تستاهل ♥ ، بشرتي كانت تتقشر والميك اب يتقطع وَ الحبوب زايده ببشرتي
مع الروتين هذا يوميا ،، بشرتي مع الميك اب صارت اجمل بكثيييير
الحبوب خفت وَ الدهون قلت بس مو بشكل كبير

أنصح بالمجموعه للي حاب يهتم ببشرته
اذا في مشكله ببشرتك مثل اثار حبوب او بشره مو موحده كلون
المجموعه هذي ماراح تفيد ، احسه يفيد كاهتمام بس كحل مشكلات لا !

ماقلل المسامات بس خفف الدهون والحبوب ..
هل برجع اشتريها ؟
لا ، احس في مجموعات كثيييره افضل صح فادتني 
بس في مشاكل ببشرتي فبختار مجموعات تخصها 
بس الي ماعنده مشاكل كبيره ببشرته انصح بالمجموعه هذي جدا 

ان شاء الله أكون أفدتكم وَ غطيت أغلب تساؤولاتكم ♥ ..


لتواصل معي أو استفسارات أو ملاحظات :
| |
الايميل :
gorgeousta@gmail.com
وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه
كونو دائما جميلين \ قورجس 




هناك 29 تعليقًا :

  1. ي جمال موضوعك قورجس وبالفعل مجموعه كلينك جميله كا عنايه

    ردحذف
  2. الله يعطيك العافيه ...كنت مرره مخططه على مجموعة كلنك ..مسوين عليها عرض ...لكن بما انها مو ذاك الزود غيرت رايي b=
    .
    .

    ردحذف
    الردود
    1. ههههههههههه مافي شي متفقه الناس عليه بالعالم جربي يمكن يفيدك :$

      حذف
  3. شكراً على البوست المفيد <3
    بما انك ذكرتي واقي الشمس تقدرين تسمين لي واقي جربتيه كويس للبشره المختلطه؟

    ردحذف
    الردود
    1. العفو ياقمر ♥♥ عندي من نيتروجينا مره حلو

      حذف
  4. جربتي بيبي كريم حق كلينيك؟

    ردحذف
  5. بنات زواجي في شعبان تنصحوني اروح كلينك عشان بشرتي تكون مشرقه وجزاكم الله خير

    ردحذف
    الردود
    1. روحي لعياده موثوقه افضل ♥

      حذف
  6. انا بشرتي جدا حساسه وما ينعرف لها مثل جو الرياض .. مره ناشفه مره دهنيه مره وش حليلها
    هالمجموعه كانت قويه عليها كونها حساسه بس ناسبت الوالده لانها صاحبة بشره دهنيه ..
    اكثر شي ناسب بشرتي الحساسه هي صابونه طبيه بالشوفان وسيروم للبشره الحساسه على كثر ما استخدمت هي اللي فعلا فرقت معي

    ردحذف
    الردود
    1. وانصحك بايفين ترا جد جد جمميل للبشره الحساسه ♥.♥

      حذف
  7. على فكره اعلق من حساب خيو في جيميل شككرا ع البوست الرائع ♡

    ردحذف
    الردود
    1. حياك الله :$ تسلمي ياعسل ♥

      حذف
  8. انا بشرتي متعبتني ممراا جافه و تطلع حبوب دهنيه ماني عارفه ايش اسوي بايش تنصحيني قورجس ♡شكرا ع البوست الرائع ♥♥♥♥

    ردحذف
    الردود
    1. بشرتك مختلطه جافه ، عالجي الحبوب عند دكتوره لو كثيره مره ♥
      واستخدمي مجموعه للبشره الجافه
      واذا طلعت لك حبه حطي لها مرهم مثل فيسودين او اي مرهم طبي للحبوب والالتهابات ♥♥

      حذف
  9. تحمست اجربهاااا ..

    ردحذف
  10. زي ايش مجموعات ثانية

    ردحذف
  11. الله يعطيك العافيه

    ردحذف
  12. "الحبوب خفت وَ الدهون قلت بس مو بشكل كبير" انا استعمل نفس المجموعه للبشره المختلطه ولاحظت نفس الشيء .. وفي شغله احس لازم اذكرها للي حابه تشتري المجموعه أنا أول ما بدأت استعملها طلعت حبوب صغيييره وما كنت اعرف ايش السبب كنت اظن وجهي تحسس منها او شيء و كنت شاكه انه من المرطب فصرت بعد الخطوتين الاولى والثانيه امرر ثلج على كامل البشره وانتظر دقايق وارجع احط المرطب والحمد لله اختفت الحبوب .

    ردحذف
    الردود
    1. صح نسيت هالنقطه ♥.♥
      شكرا ياجميله ع المساعده اللطيفه ♥♥

      حذف
  13. حب الشباب مدايقك وشايفة ان بشرتك مجهدة وبتدورى على علاج اثار حب الشباب
    عروسة وخايفة الحبوب اللى فى بشرتك تاثر عليكى يوم فرحك لا تقلقى مع النهدى للعناية

    لازم تعرفى ان ظهور حب الشباب في مرحله المراهقه هو امر طبيعي لذلك عليك التعامل في هذه المراحله بهدوء وصبر واليكي بعد النصائح للتقليل من ظهور حب الشباب :
    1- تجنب القلق والتوتر النفسي لأنها ستزيد من الحبوب.
    2- تجنب غسل البشره بالصابون العادي واستخدمي الصابون الطبي.
    3- إذا بقيت آثار للحبوب فيمكنك استخدام كريمات مقشرة بعد استشارة الطبيب .
    4 - تناول بعض الأعشاب كالحلبة والجرجير وأيضا الإكثار من البصل والثوم.
    اما عن علاج حب الشباب فاعلمي جيدا ان المداومه على تعقيم البشرة المعرضة لملوثات الجو هي الخطوة الأولى للعلاج.
    ولا تقومي بلمس الحبوب واخراج ما بها من مادة بيضاء ، لأن هذا ما يؤدي إلى زيادة عدد الحبوب وترك أثر بعد اختفاء الحبة نفسها.
    واخيرا تناول غذاء متوازن يحتوي على جميع العناصر التي يحتاجها جسمك مثل البروتين، والكربوهيدرات، والدهون، والفيتامينات، والمعادن المختلفة الموجوده في اللحوم والخضروات والفواكهه والعسل الاسود والبلح ولا تنسي الماكولات البحريه مع التقليل من الدهون والنشويات والسكريات والشوكولاته والمكسرات واللب السوداني والقشطة .
    واليكي المزيد من المقالات عن علاج اثار حب الشباب ستجديها على النهدي ل العنايه الصحيه

    http://www.nahdicare.com/Pages/Lastdetails/165
    http://www.nahdicare.com/

    ردحذف
  14. قورجس هيللب مي :"( انا بشرتي عادية وفيها حبوب حمراء تقريبا لها سنه او اكثر وهيا بوجهي وموعارفه كيف اخليها تروح وترجع بشرتي صافيه :""((((( !!

    ردحذف
  15. ما هو التنظيف الجاف للجسم ؟
    النظافة من الايمان وتعتبر النظافة الشخصية من الامور الهامة ولكن نحن اليوم لن نتكلم عن نظافة التى تعتمد على الماء والصابون ولكن سوف نتكلم عن التنظيف الجاف للبشرة وهو احد الطرق الطبيعية التى يوصى بها خبراء الجلدية لتنشيط الدورة الدموية وتطهير الجسم من السموم وعلاج العديد من مشكلات البشرة مثل السيلوليت
    لتفاصيل الموضع بالكامل من قسم جمال حواء العناية بالجسم http://www.mf-web.net/%D9%85%D8%A7-%D9%87%D9%88-%D8%A7%D9%84%D8%AA%D9%86%D8%B8%D9%8A%D9%81-%D8%A7%D9%84%D8%AC%D8%A7%D9%81-%D9%84%D9%84%D8%AC%D8%B3%D9%85%D8%9F/
    معرفة ويب http://www.mf-web.net/

    ردحذف
  16. بشرتي جافة حساسة يطلع معي حبوب صغير كيف اتعامل معها

    ردحذف

التعليقات الجميله ♥♥

Blogging tips