الثلاثاء، ديسمبر 11، 2012

بنتي جوسي للبيع : ) *تم البيع*


,

السلام عليكم وَ رحمه الله وَ بركاته 
قطتي جوسي بعرضها للبيع : )
لسبب واحد انو زوجي طلع عنده حساسيه من القطط ..
I know this will sound crazy but I really couldn't sleep yesterday
this is a very hard decision for me : )
I was crying from last night till this moment lol!

كنت مجهزه لها صور عَ أساس بسوي لها بوست وَ أتكلم عن بنتي الجديده
بس تجري الرياح بما لاتشتهي السفن ، شي غريب انو بأقل من ٤ ايام تعلقت فيها بشكل مو طبيعي
أي اقدر أقول انها بنتي ، ماتوقعت بحب قطوه لهدرجه .. في كثار ماراح يفهمون شعوري بس عادي : )
أمس لما وديتها البيطري يفحصها كانت تصيح وتطالع فيني وتزحف تبي حضني ..
ماسكتت الا لما مسكت يدها وخليت البيطري يفحصها ، طلعت سليمه الحمدالله ..
ورحت وديتها أسوي لها دراي كلين لان توها صغيره ع الشور
لما قصو اظافرها جلست تتألم وتصيح صياح بيبي وأنا أصيح معها لوول
لدرجه طردوني من الغرفه : )

جوسي من أم شيرازيه وأب همالايا ، ولدت ١٨ اكتوبر يعني تو ماكملت شهرين ..
تحب وَ تعشق اللعب والنطنطه ، مسميتها الغزال هههه لان اذا لعبت تنطنط ماتمشي
تحب الناس وماتنام الا اذا عندها احد ، كنت انومها بحضني وبس تنام احطها بمكانها
اذا صحت تجلس تلعب لحد ماصحا ، مالها صوت ولا هي مزعجه او توسخ المكان
متدربه ع اللتر بوكس اي الحمام وانتو بكرامه ، وتروح له بدون محد يقولها

اذا طلعت برا البيت وهي تبي الحمام تجلس تطلع صوت لحد ماأوديها : )
تاكل الويت فود = اكل البيت ، تحب الدجاج المفتت وتاكل شووي دراي فود لان تو ماتعودت مره عليه
تحب الحليب وتشربه : )
جميله جدا جدا ، وتاخذ قلبك من اول نظره ، مدري كيف بخليها بس الله يعين

تحب الناس مثل ماقلت حتى لما جوني ضيوف ماستنكرت منهم وعلى طول جلست تلعب معهم
ما ودي ابيعها والله ، الي يعرفني يعرف قد ايش تعلقت فيها وكيف ازعجتهم بنتي وبنتي
قرار صعب علي ، تو كلمتني صديقتي وسمعت صوتي تقول تبكين عشان قطوه ؟

الحيوانات بتحبك حب غير مشروط ، اذا احسنت لها وَ عاملتها بشكل جيد
بتحبك وتخلص لك ، مستحيل تتغير عليك! هالصفات صعب تحصلونها ببشر بالوقت هذا
مستحيل أحد يفهم كلامي الا الي جرب يربي حيوانات ..
انا تعلقت فيها وحبيتها وحبتني ب٤ ايام! كيف لو عاشت معي وقت أطول ؟

المهم : )
أول وأهم شي ابي بيت محب يحوي جوسي ، السعر ابدا ابدا ماراح اختلف عليه
ابي شخص جدي ، بيحبها وَ يهتم فيها .. جوسي تنحب بسهوله وبتحبك بسهوله
بس انت بتهتم فيها وترعاها ؟ 
بما انو عمرها صغير فان شاء الله مابتتعذب معاها بتفهم وَ تطيعك بسهوله
الي يبيها ، اهم شي يوعدني يهتم فيها .. وَ مايتخلى عنها بسهوله 
ويكون أفضل لو كان عنده خبره بالقطط قبل
حتى أضمن رعايه أفضل لها ..

هنا لما سويت لها مكان تنام فيه ، عَ طول نامت :")


أزعجتها بالكام فصحت تطالع : )


وهنا تقول وخري عني بنام !


أكثر شي تحبه ببيتي هالخيوط دايم تتهاوش وَ تلعب معاهم : )



هنا تتدلع علي عشان أصورها ..


بعد مارجعنا من البيطري من التعب نامت بشوزي ، يازينها :")




هنا وَ هي واقفه ماتخليني اصورها!! شوفو قد ايش هي نقطه ؟؟



اشتريتها من كاتري لاكي

http://www.flickr.com/photos/cat4sell/

كلمتني امس وحده جميله بخصوص الناس الي تتاجر بالحيوانات ..
أنا مابي أمدح أحد أو أدعمه الا لما أحس انو يستاهل ،
انا شفت مواقع كثيره وَ ناس يبيعون قطط وَ محلات كثيره
وأقولها من دون مجامله لاكي كاتري من الناس البروفشينال الي حسيت يبيعون القطط بس بحب
ع طول من دون ماطلب منها اي شي لما حستني جاده بموضوع جوسي
كتبت لي كيف اهتم فيها وايش اعطيها وشنو الي امنعه عنها
حسيت باهتمامها ، وهي عندها قطط كثيره تربيهم وَ حتى تابعتها شفتها تساعد الناس كيف يهتمون بقططهم
ولها مواضيع بمنتدى نادي الحيوانات ، يعني ارتحت بتعاملي معها
حتى بعد ماستلمت جوسي ، كنت أسالها وأزعجها بكثر أسألتي وهي ترد بكل احترام 
يعني لو أحد غيرها بس يبي يتاجر ماتوقع بيتعامل كذا ..
أنا ضد الناس الي تشتري من محلات ، بس جد في ناس ماتدري وين تروح !
وَ سمعت عن التبني بس بالاساس انا ماكنت ابي قطوه او اي شي
كنت اشوف بالنت وَ صدفه طاحت عيني ع جوسي وَ حبيتها وطلبتها بيوم صار كل هذا
يمكن أكثر وَ أسرع قرار سويته ، لما شفتها ماحاولت ادور غيرها قلت ابي هذي وَ بس !

وقضيه التبني بطله وَ أتمنى من الناس الي تبي تشتري قطط تفكر بالتبني 
ومثل ماذكر رسولنا الكريم : "في كل كبد رطبه صدقه"
بغض النظر انو حيوان اليف!
ترا بتحبك صدقني ! وَ تكون خير صديق وَ ماتوقع في أنظف من القطط انو نربيها بالبيت
بس تاخذ تطعيماتها وَ تهتمون بنظافتها ونظافه مكانها مستحيل تجيب جراثيم أو أمراض
وَ هديه حلوه لأطفالكم تعلمهم المسؤوليه وَ بتكون أحلى صديق لهم : )

الي مفكر يجيب قطوه يقدر يتبناها ، شوفو الفيديو :


الي يبي معلومات أكثر يقدر يتواصل من : نوره ناصر من مجموعه -ارحمني-
تدلكم ع أماكن للتبني ، الي يبي ايميل نوره يكلمني وَ بعطيكم إن شاء الله : )

نرجع لموضوع جوسي ، 
هذا فيديو لها هي وَ خواتها يلعبون :
*في ميوزك بليز قصرو ع الصوت*
لو إني الي دافعه كان ماطلبت فيها اي مبلغ مجرد بيت يحتويها وناس تحبها
بس للاسف مو انا الي دافعه -ــــــــ-
المهم ، ببيعها بالف و٢٠٠
مع اغراضها بالف و٥٠٠ وَ كلفتني أكثر من كذا بس مو مهم 
اغراضها : قفص للتنقل \ ليتر بوكس = الحمام ، الرمل ، الدراي فود ، صحون الأكل ، العابها ، تعليقتها ، وسناكس 
*السعر قابل للتفواض لو حسيت الشخص جدي بالموضوع*

بليز بليز بليز ، الي جاد بس يكلمني وَ أبي أسلمها بنفسي للبنت الي بتاخذ جوسي
لأن بتأكد إنو بتهتم فيها وَ ترعها وَ تحبها : (
الي مهتم بالموضوع يكلمني ع الايميل او التويتر
gorgeousta@gmail.com
twitter: @igorgeousta

يارب بحصل لها بيت بأسرع وقت لان كل يوم اتعلق فيها أكثر ..
قورجس xx

هناك 30 تعليقًا :

  1. ياحياتي مرة حبيتها يلليت مامتي توافق كان شريتها منك بدون تردد مرة ياناسو تزنن

    ردحذف
  2. ما احب القطاوهـ بس انكسر قلبي فججأهـ / يلا صحتكم فوق كل شيء ربي يحفظ لك بيتك ومن حوله ..

    ردحذف
    الردود
    1. امين ياربي ♥ الله يسعدك ()

      حذف
    2. مكن ايميل نورة افكر اتبني

      حذف
  3. والله اني دايم اقول لابوي ابي قطوه بس امي تقول ماتعرف للحمام وتوسخ الدنيا انا مره من النوع الي يحب الحيوانات واجلس اتكلم معهم وعارفه شعورك انا مره ربيت دجاجه 6 سنوات وكانت تنام معي واحبها بشكل غير طبيعي والحين خلاص مابيتنا شي ودي اجيب قطوه واربيها بحاول في ماما وبشوف ماعتقد توافق عشان السعر :((

    ردحذف
    الردود
    1. حاولي تتبني قطوه ♥♥ مايوسخون ابد ابد بالعكس انظف حيوان ♥
      بس علميها ع اللتر بوكس وخلاص : )
      ان شاء الله مامتك توافق ()

      حذف
  4. I love this post because I can see how much you love cats ( as much as I do ) and I really respect you more now. <3
    I hope you find a good home for her and she is sooo adorable !

    thank you for showing people how to be more kind to animals.

    ردحذف
    الردود
    1. Thank you sweet Dany :")
      yeah I really loved Juicy but its not in my hand I should let her go :(((!
      thank you for your kind words ♥

      حذف
  5. فاهمه شعورك والله :(
    الحيوانات شي جميل مره عندي لتر بوكس بس باخذ الكتن باغراضها زياده الخير خيرين
    والسعر جميل :)
    كيف اتواصل معاك؟!

    ردحذف
    الردود
    1. بعتها ياقلبي انتي :")
      فكري تتبنين قطوه بتاخذين اجر وتوفرين فلوسك ♥♥♥

      حذف
  6. ياحياتي ماشاءالله تجنن ♥_♥

    ردحذف
  7. زعللت والله
    حمستييتي ورحتي بعتيها ❤😭
    يلا الله يعووضك

    ردحذف
  8. هلا اختي بسالك عن التبني هل ادفعلهم فلوس ع البسه لو بتبنى او مجانا ؟ لاني افكر جديا بهالموضوع

    ردحذف
    الردود
    1. اي تدفعين ٢٠٠ ريال اذا مو غلطانه بس حق الدواء والاكل لانهم جمعيه خيريه يدفعون من جيبهم ♥
      وبالتوفيق يارب ()

      حذف
  9. هلا اختي بسالك عن التبني هل ادفعلهم فلوس ع البسه لو بتبنى او مجانا ؟ لاني افكر جديا بهالموضوع

    ردحذف
  10. عُيون الرهَف13 ديسمبر، 2012 3:38 ص

    هلا ي قورجس قلبيّ أنتي ،
    والله فاهمة شعوركك تماماً :"""
    أيه والله أنها ضنى ومكان تحطين حنانك فيهه :" ،
    سبحان الله خيرهه ! قال عليه الصلاة والسلام(عجباً للمؤمن أمره كله خير ) !
    تسمحيلي إذا تفضلتي تعطيني إيميل نوره ناصر ..
    وأكون مشكورة

    ردحذف
    الردود
    1. حبيبتي ان شاء الله انهاا خيره :")♥
      اكيد تفضلي هذا ايميلها : Norah Nasser
      بالتوفيق يارب ♥

      حذف
  11. يارب م اتباعت """""""""(
    اله يخليك ابيها ")
    كانك حاسه اني ادور بسه قبل فتره نزلت ادور مالقيت نفس اللي ببالي ")

    ردحذف
  12. توي اشوف تم البيع "(
    تتهنى صاحبتها فيها والله يحفظها

    ردحذف
    الردود
    1. حبيبتي والله :((
      ان شاء الله تحصلين احلى منها يارب ♥♥

      حذف
  13. انا عندي وابغى ابيعها للي حابه وهيك

    ردحذف
  14. للي يبي يتواصل معي على الأيميل ma.10101@hotmail.com
    عذرا عزيزتي قورجس فليتها بصفحتك

    ردحذف
    الردود
    1. اخذي راحتك ، وحياك الله ♥

      حذف
  15. مررررره ضاق صدري انا اعشق الحيوانات مغرمه بالقطط احبها بشكل جنوني حنيت وزنيت وازعجت اهلي ليين ماجابو لي قطوه تنام معي بسريري وما اكل وانا ما اكلتها بيدي ولما اطلع برا البيت اجلس على اعصابي لين ارجع واشوفها وما انام وهي مانامت اخخاف عليها بشكل غريب بس ماما حملت والدكتوره منعت اي حيوان اليف بالبيت وراحت لوسي واخذت قلبي معها =(

    ردحذف
  16. اتبنيلك أوادم احسن واجرهم اكثر وخليكي من القطاوة

    ردحذف
  17. للاسف اني ماحب القطط بس نفسي اتبنى طفل ❤️❤️❤️❤️

    ردحذف

التعليقات الجميله ♥♥

Blogging tips