الأحد، ديسمبر 16، 2012

شفايف جميله وَ روج ثابت طول الوقت ! تعالي هنا * its all about the lips


،




السلام عليكم وَ رحمه الله وَ بركاته
وعدتكم ببوست عن ارواج نيكس وَ بس بديت أكتب الموضوع صرت اتشعب فيه وَ كتبت اشياء كثيره عن الارواج
فقلت أفصل الموضوعين عن بعض حتى ياخذ كل شي حقه : )

أول شي حابه أتكلم عنه كيف نختار الروج أو اللون الصح undefined!
١. اختاري اللون الي يضيف جمال لبشرتك
( هالشي يعتمد ع الاندر تون او السحنه اما تكون :
بارده \ ناتشورال \ دافيه )


٢. اذا لون بشرتك تميل للسحنه البارده ابحثي عن أرواج بارده او الاندر تون لها بارد
( البينك البارد او الفاهي \ الاحمر الغني او نسميه الاحمر الصحيح)
مثال ع كذا لون بشره نيكول كيدمان بارده :



٣. اذا سحنتك ناتشورال تقدرين تستخدمين اي لون بيضبط عليك *يااي*
مثال انا هاثواي



٤. اذا بشرتك تميل للدافيه يعني اختاري الوان دافيه اكيد.
(مثل الكورال ، الاحمر المايل للاورنج وهكذا )
انا ماتكلم عن السمر او الحنطاويات بس تحسون لون البشره تميل للصفار
او الذهبي ، هذا قصدي بالبشرات الدافيه



الحين بتكلم كيف نحط الروج ومتى ؟
أذكر لما كنت بالكولج في بنت تداوم الساعه ٧ الصبح وروجها احمر نبيذي قوي مع ايلاينر وحواجب تاتو
مانكر شكلها كان حلو ، والحواجب لابقه عليها بس لوكها قاسي جدا جدا وثقيل وينفر العين !!
والله جلست افكر اقول بالمناسبات او الزواجات ايش تحط بالضبط ومرت الايام وتوريني كشختها بزواج لول
نفس نفس الميك اب اللهم زايده اللمعه :\ !!


ليش يابنات ياحبيباتي *تربعت* لكل مقام مقال ، مو يعني شكلك حلو باللون هذا خلاص ٢٤ ساعه تسوينه
حلو البنت شكلها ناعم وفيه انوثه وكياته شوي ، حتى لو ماتحبين الكيوت عادي خلي شكلك رسمي وناعم :(undefined
ممكن تشطحين وَ تحطين روج أحمر الصباح ! بس مو اي لون احمر تحطينه ، في درجات من الاحمر هاديه وتنفع للصباح وجميله جدا !!


معروف الالوان الغامقه للمناسبات وبالليل ، والفواتح للنهار ، اتفقناundefined ؟
حلو الارواج المات = المطفيه ، او تكون كريميه للنهار شكلها بيكون جدا رايق
القلوسات واللمعه خلوها لليل لو سمحتو :$

نصيحه ثانيه لو تبون تحطون ليب لاينر او محدد ، اختارو اللون المشابه لدرجه كبيره من الروج
مو معناته لكل روج لازم ليب لاينر ! بس اخذي لون يمشي مع كذا درجه من الارواج
سالفه انو الليب لاينر اغمق من الروج مره مره غلط :((

اذا شفتو شي بالنت او بصور او على وحده وعجبك مو تروحين تاخذينه وخلاص !
يمكن عندها حلو بس لما تستخدمينه يطلع غيير ، البشرات والدرجات تختلف
فلازم لازم تجربينه ع يدك وَ تشوفين صدق حلو عَ بشرتك ولا ؟

انصحكم تشوفون هالفيديو لميشيل فان تكلمت شلون نختار الاحمر المناسب لنا
وغير كذا شلون نحدد سحنه او الاندر تون ب٣ طرق سهله وَ كل اندر تون ايش الروج المناسب ..
حتى الي لغته مو ذاك الزود شوفوه بيفيدكم لانها تتكلم وتطبق فيسهل الفهم : )


خلاص اخترنا الروج الي عاجبنا الحين يجي البارت كيف نحط الروج بطريقه صحundefined !

عن نفسي لو كان لوك ناعم وصباحي مثلا ارطب شفايفي بمرطب ولاتقولون لابيلو ماحس يرطب صح 
وخاصه انو شفايفي تميل للتشقق فمايناسبني، ارطب انتظر ثواني وَ أحط الروج عادي ..

اما اذا في مناسبه ، اول شي اقشر الشفايف قبلها بوقت ، سكر وَ شوي عسل اخلطهم ،
أرطب الشفايف بمويه وبعدين احط السكرب وَ ع الخفيف ، أغسله وَ أرطب شفايفي بمرطب كويس

هنا فيديو عجبني لميشيل فان ، سوت سكرب نفس الي قلت لكم عليه اللهم ضافت فازلين
عندهم فازلين عصار ليه مو عندنا عجبني هههههههههههههه
لان ماحب العلب الي ادخل يدي واخذ احس يتلوث :((
المهم ، حطت ملعقه سكر \ ملعقتين عسل \ فازلين خلطتهم وسوت سكراب خفيف وبعدين المرطب undefined

وطريقه ثانيه بللت الفوطه بمويه وفركت شفايفها ، هالطريقه ماحبها احس تشقق الشفايف :(

وطريقه ثالثه انو بللت شفايفها وبفرشاه اسنان سوت تقشير خفيف ، تقدرون بالطريقه هذي تحطون 
فازلين قبل افضل حتى مايشقق الشفايف ..
واحرصو الفرشاه تكون ناعمه ويفضل فرشاه للاطفال لانها انعم شي ، وخلو الفرشاه مخصصه للشفايف بليز :$


هيأنا الشفايف صار وقت نحط الروج : )
في طريقه جميله استخدمتها بالعيد تكلمت عنها *هيا* الله يسعدهاundefined
انو تحطين ليب لاينر نيود او لونه ناتشورال وبعدين الروج الأحمر ، انا من النوع الي أتخوف من الارواج القويه
بس لما جربت هالطريقه مره عجبتني وَ سهله وَ ثبت اللون وكان واضح undefinedundefined

تقدرون تحطون بودره او كونسيلر قبل الروج اذا تبون بالضبط الضبط نفس لون الروج الي بالعلبه !
لان الروج ينحط ع شفايف وكل لون شفه غير فأكيد لون الروج بيتغير لما نحطه :)
نشوف الصور لتوضح الفكره اكثر :


١. نحط طبقه خفيفه من الروج
٢. طبطبو بالمنديل ع الشفه 
٣. نحط بودره حره أو بودره عاديه ع الشفايف
٤. نحط طبقه روج ثانيه

وَ استمتعو بأحلى روج يدوم وقت طويل :)


هنا نفس الفكره بس حطت كونسيلر او فاونديشن قبل الروج ..
تقريبا هذا كل شي أعرفه عن الأرواج : )
مجموعه أرواجي بالبوست الي بعد هذا ان شاء الله undefined،
للتواصل معي أو استفسارات أو ملاحظات :

| |

الايميل :
gorgeousta@gmail.com
وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه
كونو دائما جميلين \ قورجس






هناك 9 تعليقات :

  1. يعطيييگ الف عآففية ♥♥
    و اهم شي تكلمتتي عن ميك اب الصبآح يآلله حرتم الاشكال اللي نشوفها بالجامعة :(

    بإنتظار بوست ارواج نيكس يآ جمييلة

    ردحذف
    الردود
    1. الله يعافي هالقلب يارب ♥♥
      هههههه متعقده ياحياتي :"(
      ونزل البوست :$
      تسلمي ياعسل منورتني ♥

      حذف
  2. بصراحة دائما نصائحك جميلة مثلك الى الامام

    ردحذف
  3. ياختي علييييييك انتي عسل ربي يسلمك نصايحك مره بالصميم يارب الكل استفاد

    ردحذف
  4. قلتي البشره الدافيه غير الحنطيه
    ايش الارواج اللي تناسب الحنطيه اجل؟

    ردحذف
    الردود
    1. اقصد البشرات الدافيه مو بس تندرج بمسى الحنطيات
      الي لونها يميل للذهبي والاصفر ♥

      حذف

التعليقات الجميله ♥♥

Blogging tips