الثلاثاء، نوفمبر 13، 2012

Cooking 101 | سلسه الطبخات السريعه وَ السهله : الناشوز + تكساس فرايز ♥

-


مسساكم \ صباحك كل شي لزيز ♥ 

بعييد عن الميك اب وَ والخرابيط الثانيه حبيت ابدا سلسله الطبخ ! بالبدايه أنا مو طباخه ولا عمري دخلت المطبخ الا بعد الزواج حالي حال اي بنت من بنات هالجيل ، مابي اقول اموري تأزمت وَ صارت لي مواقف وَ تفشلت لما أطبخ لا والله من أغلب طبخاتي ناجحه الحمدالله :$ اللهم الرز فشل 3 مرات ورابع مره ضبط وَ طلع لذيييييذ بس ماسويه كثير لأني ماأحبه مرتين بالشهر يمكن :/ الحمدالله أغلب الي يذوق طبخي يحبه :$ بشكل مبسط ماأحب الطبخات المعقده مثل الكشري وَ الورق عنب وَ غيره أحب أكلهم بس أسويهم لأ هههههههههههه ، دام في طبخات سهله وَ ماتاخذ وقت ليه أتعب نفسي ! بس ممكن بالمستقبل لما أحس نفسي متمكنه بدخل بالطبخات الصعبه :)♥  أحلى شي الواحد يعرف امكانياته مو أول مره أدخل مطبخ وأخش بالدسم وَ أفشل وبعدين أقول ماعرف أطبخ وَ أخذها حجه :/ لا ياماما نبدا خطوه خطوه وَ مع الوقت بتتعودين وبتحبين الطبخ وَ تستمتعين فيه ()

طيب من خلال هالسلسه بنزل طبخات سهله بس لذييييذه وعلى ضمانتي وَ ضمانه زوجي بما انو المتذوق الرسمي p; بس ماضمن لكم إنها صحيه أبد ههههههههه ، اليوم أفطرنا متأخر عشان كذا الغدا أو مدري شسميه صراحه المهم قبل شوي اشتهيت أكل مكسيكي فجأه ! كنت من يومين راجعه من السوبر ماركت وَ أخذت صوص التشيلي وَ الناتشوز وَ الهالبينو موب حاطه ببالي طريقه بس قلت بعدين أدور لها طريقه وَ إخترعت طريقه وَ لذييذه وَ أهم شي سهللللله وَ ماتاخذ وقت ، نخش بالمقادير يلا :$♥ 


الناتشوز

نحتاج :

لناتشوز جاهز وَ بحط صورته بعد شوي وَ تقدرون تسخدمون التورتيلا نفس النتيجه

دجاج زنجير تحصلونه جاهز ماركه "الكبير" لذييذ وَ دايم أخذه للزنقات أو أيام المالي خلق أطبخ :$

طماط مقطع صغار \ فلفل أخضر بارد مقطع صغار \ جبن شيدر مبشور \ جبن موزريلا \ زيتون أسود \ هالبينو

تصفون الناتشوز بصحن يتحمل حراره الفرن ، تقلون الدجاج وبعدين تقصصونه وتحطونه فوقه وبعدين الطماط والفلفل والاجبان والزيتون والهالبينو ودخلوهم الفرن يذوب الجبن وبسس !! متخيلين قد ايش سهل ومتعوب عليه P; وعلى جنب صوص الناتشوز للتغميس نسيت أصوره :| أبدا مامسحنا الصحن :$

هذا صوره الناتشوز + سعره بعد هههههههههه


بعد ماطلعته وَ ذوبته بالفرن


صوره جويه قبل التغميس بالصوص ، تراها مو يدي تخيلو يدي ههههههه :|


مع ببسي وَ لا أطعمممم


التكساس فرايز

نجي للشي الثاني الأليييييم ، ماروح مطعم أنا أو زوجي بدون لانطلبه مررره ادمااان ويب سويته مثل المطاعم ويمكن أحلللى جد مره لذاذه ، انا مو مشتريه الهالبينو الا عشانه هههههههههه ، المهم دورت كذا طريقه لحتى ماطحت عَ طريقه الجميله جددا جددا "كأنه مو عاجبك" الله يسعدها وَ يوفقها ♥  ، طلو عَ مدونتها أغلب الي منزله صوره هي أطبقه أنا مغمضه لأني ضامنه نتيجته ماشاء الله ههههههههه

المقادير + الطريقه مع بعض :

نقصص بصل وَ ثوم ونحمسهم بشوي زيت وَ بعدين نحط اللحم المفروم "بعد مانذوبه من الثلج أكيد" ، انا حطيت فصين ثوم مع نص بصله كبيره ونص كيس لحم مفروم لشخصين وَ زاد بعد ، فشوفو الي يناسبكم .. اللحم راح يطلع مويه نخليه لحد ماتنشف المويه بس انتبهو له لايحنرق < ابد ماصارت لها من قبل :| وبعدين بخلاطه ، قصصو طمطاطه بدون قشور ونص فلفل أخضر بارد وَ 3 ملاعق معجون طماط وملعقتين كاتشب وَ حبه ماجي ، مثل ماقلت هالكميه لشخصين لو حابين زيدو :) وخلوها تنخلط وتنخلط لحد ماتصير كانها صلصه بس ثقيله شوي بهالوقت مويه اللحم تكون ناشفه حطو فلفل أسود وملح عليهم بس لاتكثرون لان في ماجي بالصوص :) وصبو الصلصه عليها وقصرو ع النار لحد ماتتسبك او تثقل ،  وحطو بعدها وهذا اختياري ، فاصوليا حمرا او يسمونها فاصوليا الكلى بالانقلش لان شكلها شكل كلى هههههههه وخلوه يتسبك مع اللحم ، ووقتها ذوقو اللحم لو محتاج بهارات او يبيله طبخ زياده ..

على مايتسبك اللحم قلو بطاط جاهز او سوو بنفسكم بطاط وقلوه نفس الشي ، انا أحب بطاط ماركه ماكين كيسه أحمر لذيييذ الودجز وَ البطاط مرره حلو عندهم ، وصفوه بصينيه تدخل الفرن ورشو عليه ملح ، احب اضيف بابريكا لو ماعندكم عادي :$ ويكون اللحم خالص حطوه فوقه وحطو هالبينو وَ زيتون لو حابين ، وَ جبن موزريلا وشيدر وبالفرن وذوقو أحلى تكساس فرايز :)


زوم للتعذيب p;



* تحسون الصور مو واضحه ولا بس أنا أتخيل؟ :|*

وَ بس خلصنا الطبخات السهله والذيذه سووها وَ أكشخو فيها قدام أهلكم ولاتنسون تدعولي p;♥  لو حبيتو هالسلسه قولولي أكمل فيها

تحصلوني هنا دايما :*

undefined | undefined | undefined | undefined


تشرفني متابعتكم واي سؤال أو تعليق يسعدني اكييد Cup
كونو جميلين دائما \ قورجس ××

هناك 24 تعليقًا :

  1. شكلها لذيذة راح اطبخها بكرة بالعكس حبيبتي الصور واضحة لا تقلقي كملي راح يضيف حاجة حلوة عالمدونة
    اهنيك من كل قلبي

    ردحذف
    الردود
    1. حبيبتي الله يسسعدك يارب ♥♥
      من زمان ببالي هالفكره بس تو اطبقها والحمدالله عجبتكم :$
      شكرا ياعسل ♥♥

      حذف
  2. yuuummmmmmyyyyyy, i sooo want to try it *_* !

    ردحذف
  3. مررررره جميلة الفكرة كملي فيها
    خصوصاً انا ازمتي الطبخ اااغ

    مررره شكراً

    ردحذف
    الردود
    1. والله كلنا متأزمين مو بس انتي ههههههههه
      شكرا ياجميله ♥♥

      حذف
  4. حلو التنوع وكسر الروتين بالطبخ .. قووووود لوووووگ هاني ..

    ردحذف
  5. يا مامي أش هل تعذيب .. نقطة ضعفي الهاليبونو
    تسلم ايدك
    ولو تسوين بوست كل فترة عن آكلات سريعة نسويها فكرة تحنن
    Keep it uup

    ردحذف
    الردود
    1. يسس نفسسي اعششقه ♥♥
      الله يسلللمك ياجميله ♥ وابشري ناويه ع هالشي ههههههههه
      تسلمين ♥♥

      حذف
  6. شهيتيني بجد عاد انا جوعااانه قبل ماادخل على هالموضوع.. حبيبتي تسلم الايادي ودمتي طباخه :-P ♥

    ردحذف
    الردود
    1. الله يسلمك ياعسسل وعوافي مقدما :* ♥♥

      حذف
  7. شكللله أليييييم
    شهيتين ادخل المطبخ واتفنن p:
    تسلم ايدج ♥

    ردحذف
    الردود
    1. الله يسلمج ياررب :$$
      وطعمه ولا الذ بعد ♥♥♥

      حذف
  8. يب استمري عندنا حيره ف الغدا بشكل مو طبيعي ههههه الله يسعدك

    ردحذف
  9. تعزيييييييييييييييييييييب حسويها ان شالله اكيييد بس حطي صورة صوص الناتشوز في الانستغرام. .شفتي كيف انا متابعه كويسه ءههههههه باين يختي فنانه حتعلم على ايدك استمري

    ردحذف
    الردود
    1. ان شاء الله بتعجبك ♥♥
      الصوص موعندي والله :( بس معروف وتحصلينه بالدانوب غالبا ♥
      وان شاء الله الجاي احلا ياجميله :$

      حذف
  10. اش هو الهالبينو ؟ ترا حالتي صعبة في المطبخ بس حبيت هالاكلة باين بسرعة بسرعة تتسوا < زولة XD

    ردحذف
    الردود
    1. الهالبينو أو الجلابينو نوع من الفلفل مخلل ،تلاقيه في بنده

      حذف
  11. يناااس مرة شكرًا باين لزيززة :) الصوص هو نفسه جبنة الناتشوز ؟ لأني كنت ادوره على اساس اسويه بس مالقيت إلا الجبنة :( و الهالبينو ما عرفت ايش هو ؟ وفين احصله ؟

    ردحذف
  12. يعطيكِ العافية شيوم القلب ♥♥

    ردحذف

التعليقات الجميله ♥♥

Blogging tips