الأربعاء، نوفمبر 21، 2012

تجربتي بالرياض فاشون دايز وَ حش جماعي بدون استثناء ♥

-


السلام عليكم يَ جميلاتي 
خلص الفاشون شو :( حنيت للايام هذيك ههههههههههههههه
أول شي حبيت هالبوست يتكلم عن تجربتي بالرياض فاشون شو ، وانطباعاتي عنه بشكل عام ..
ع فكره جهزت الصور وكل شي للاشياء الي كانت معروضه بس ماحبيت انزلها ههههههههههههه بيكون تكرار للي نزلوه البنات
ومافي شي جديد لان اغلبنا نفس الصور وَ كذا ! فالي حاب يشوف العروض الي كانت موجوده واللبس والتفاصيل الثانيه
يشوف مدونه أميره :
http://www.amira88.com/
أروى :
http://la-dentelle-blanche.blogspot.com/
أبرار :
http://www.catwalkglaam.com/

ماقصرو تكلمو عن كل شي :$ 
مثل ماذكرت قبل الدعوه جتني من الرياض فاشون دايز للتغطيه الاعلاميه ، كنت متخوفه من التجربه صراحه !
انا نوعي خجول *مو مبين P;* يعني استحي ابادر وأتكلم مع الناس وَ أعرف عن نفسي :|
فبروح لمكان ماعرف ولاااا احد بشكل شخصي ، يمكن جوجو كنت اكلمها من بعيد لبعيد بالتويتر واميره قبل فتره قصيره كلمتها
يالواتس اب حتى استحيت اكلمها جوال ههههههههههههههههه ، انا حضرت بس 3 ايام من الفاشون شو بسبب كنت مريضه :(
وحتى لما رحت ماحسيتني ع طبيعتي ههههههههه يعني خدرانه وشكلي يحزن :| *مو حلو تترك انطباع اولي وانت مريض p:*
كان الشو مرتب جدا جدا ، والمكان راقي مافي زحمه او ازعاج ، القطع المعروضه بشكل ارتستيك يعني شكلها يحمسك تشترين p:
رنيم الله يسعدها حسيت الشغل فوق راسها هههههههه مرره عسسسسل وحبوبه  و  outgoing girl تعبت معانا وحاولت قد ماتقدر تخلينا مرتاحين
ومستمتعين بالشو ، ووفا كل ماشوفها اضحك هههههههههههه هايبر البنت وماتسوي شي بس تصور وتطلع بمقابلات p; 
كلهم عسل وَ حبوبات ، حسسونا انو جد المكان مكانا وَ ماخذين راحتنا ع الاخر : )
الله يسعدهم وَ يعطيهم الف الف عافيه ()

القطع او الديزاينرز الي كانو موجودين مرتبين ، صح مالحقت ع كل الديزاينرز بس الي شفتهم كانو حلوين ، في بعضهم اوفر p:
وبعضهم نااااااااااااااااااااااااعم ومعضهم معتدل هههههههه يعني كانت الاختيارات ممكن تناسب الكل ، والي حبيته باغلب القطع
انو مناسبه لنا احنا كمجتمع خليجي فيها من روحنا وَ عاداتنا ، ماقول حبيت كل كل شي موجود ! بس اغلب المصممين يعتبرون مبتدئين
فشي حلو انو كمبتدئين يطلعون بالنتايج هذي وبشكل بروفشناال فبرافو عليهم : )

انا سمعت من *بعض البنات* ايش هالششو ونبي شي ارقى وهذا مايناسبنا !!
انصدمت صراحه :/ اولا مو من كثر الفاشون شووز الي عندنا بالسعوديه ! وَ عن نفسي حضرت كذا فاشون شو برا
بس ابدا مايتقارن بالرياض فاشون شو ، واتكلم بدون انحيازيه ، حسيت الرياض فاشون شو كايفنت جديد مره بطل !!
مرتب ، ممكن ينافس الترتيب الي موجود برا ، الموديلز اغلبهم سعوديات وهذا شي حلو !! المكان ملموم وله خصوصيه
يعني كل هالاشيا مستحيل تحصلينها برا ! انا أحترم المكان الي يعطيني خصوصيتي كبنت محجبه : )

فلو في اينفتات بالمستقبل مابقول لا p: !!
نجي للحش والحشوش ، طبعا اميره وجوجو مانتفوني صح بس حان موعد الانتقام هاهاهاها ، صح قلت لهم بكتب البوست بالليل
بس رحمتهم لان بالليل يطلع الوجه الثاني لي هههههههههههههههه ، لا وعد وعد بتكلم بدون اي اي مجامله :$



جوجو ، هالبنت لو تهقهقينها لبكره ماتشبعين !! جد هالبنت عسل وَ أخلااااق ماشاء الله وَ نعم التربيه صراحه !
أنا كنت اقولها يجيك سب كثير وأنصدم بردودك ، تقول لازم نصير احسن منهم وفي ناس تتمنى لنا الشر وماسمح لنفسي اصير نفسهم
اقول انتي طويله بال انا اي احد يسبني وادري مايحق له ابببد يسبني ! ممكن انتقاد اما سب صريح مو بكيفك :/
صح انا البنت الهاديه والمبتسمه بس الي يغلط علي ماسكت له وماهمني برد -__- فالله يعطيني من طوله بال جوجو هههههههههههههه
جوجو نفسها نفس الي بالفيديوهات ! وحده سألتني تكلمي عن جوجو وَ قلت نفسها الي بالفيديو بالضبط :|
نفس الاسلوب ونفس التعامل :) طيوببه وَ حنونه مره :$ كيوته بعد p: 
شقول بعد :| القعده معها ماتنمل لانها تريحك بتعاملها ماتحسين برسميه ابد :*
وجهها مريح واول ماشفتهها قلت انا شايفتك من قبل ويب عرفت وين شايفتها هههههههههههههههه تشبه زوجه عمي كثثثثير
وزوجه عمي متابعه ممتازه لجوجو فلو بقولها تشبهين جوجو بتنبسط p: ، حبيت جوجو اكثر بعد ماعرفت انو امها من نفس عائلتي 
هههههههههههههههههه ، مدري وش دخل بس حسيت بالانتماء :$ جوجو من النوع الهادي انا وَ أميره ازعاج هههههههه عكسها
حتى بالقروب بالواتس اب اسب الكل واسكتهم الا جوجو استحي :| اذا سبيت وحده من البنات مثل ياحماره يردون علي بس جوجو بتقول ياحياااتي فاسكت :| حبيتها هالبنت والي بيعرفها راح يحبيها اكيد ()

مدموزيل ابرار♥ من كات ولك قلام بلوق ، اول شي لاحظته ستايلها ! مره فاشنوبل ، وجريئ حبيته كثير :$ حتى اكسسوارتها ازعجتها هذا من وين وهذا من وين ههههههههههههههههههههههههههههه ، الي يشوفني يقول مو شايفه خير هههههههههههه بس هي يازينها ترد وتضحك ومرات تسلك لي p; 
ترا هي اعترفت انو من النوع الي تسلك كثير هههههههههههه ، بس في شي لاحظته لبسها جريئ ويبرز بين الناس يعني مو الناعم الي ماينشاف لا يبين فالي مايعرفها بيحس وحده رسميه وشايفه نفسها ، بس بالعككككس البنت مفهيه :| وَ عبيطه وتعطيها بالوجه ونكته ههههههههههههه يعني تقط كلام تقصد شي عادي بس انا يضحكني هههههههههه وخاصه لما تنتقد احد ، الله يستر وش قايله من وراي p: بشكل عام طيوبه وَ روحها حلوه وَ الواحد ينبسط لاجلس معاها  ♥ ، بالتويتر مره رسميه بس بالواقع غيييير ، قالت لي ماعرف اعبر كتابه <- عكسي :$ حبيتها مره هالبنوته :***


مدام أميره اموره *ترا ماتحب احد يناديها ميرو <- تو تستوعب عقب مارجتها بالاسم هذا* هالبنت فيها كميه فهاوه مو طبيعيه جد جد اتكلم تحسينها بس كذا تتحرك وَ تحوس وَ يلا وسوو وتروح وتجي هايبر مره ماشاء الله عليها انا بااارده حسيتها تبي تضربني ع برودي هههههههههههههههه ، عادي انتي جالسه جمبها وَ فجأه تقوم وتخليك عادي جدا ، عادي نسولف وفجأه تقطع السالفه وتقول شي ثاني هههههههههههههههههه < بتذبحني ههههههه
الي يشوفها مايتخيل انو معها بيبي الله يخليه لها ، كتكوته وَ تجنن ، جد جد جد وماابالغ احوبها من اعماق اعماقي p: 
هي المبادره وَ الاجتماعيه وَ الي تعرفنا ع الناس وتجيب الناس لنا هههههههه ، ماشاء الله عليها .. بجد مثل  ماقالت جوجو *ماما اميره p:*
ستايلش ولبسها يزنن ، طيوبه والي ع قلبها ع لسانها ع طووول تقول ععادي :$ صريحه وَ ماهمها احد ، دايم اقول لها تراك فضيحه بالاسك حقك ههههههه
تقولي دام ماسويت شي غلط ليش ماتكلم عادي ! صح معاها حق ، بس مشكله مجتماعتنا *تعدل جلستها عشان تتفلسف* مجتماعاتنا ملقوفه بشكل تبي تعرف كل كل كل شي عنك ! وعن ابوك وامك وزوجك وعادي خدامتكم هههههههه ، احب يكون لي خصوصيه وَ تحسين البعض من البنات قلبها اسود
ماتحب لك الخير وَ ممكن من اقل كلمه تتبلى عليك وتسويلك مشاكل انتي بغنا عنها :| اتكلم عن نفسي ولا اموره ماعليك يجبل مايهزك ريحp;
استغرب من الي يقولون لها ياحضرميه كأنها مسبه !!! مدري من متى كانت الاصول مسبه ؟؟ صح الشي مايضايق اميره لانها واثقه من نفسها بس انا اعصب بدالها هههههههه ، اذا بتحكم ع شخص عشان اصله وَ فصله انت *متخلف* مع مرتبه الشرف ، صح أنا قبيليه من جد جد جد جدي بس ابدا ماشوف الي مو قبيلي ماله احترام ! يمكن يكون هالشخص احسن مني ومنك فعيب عيب العنصريه ، سوري اميره تكلمت عن هالموضوع بس بخاطري من زمان وابي اطلعه :@
نرجع للحش ايوا اميره حبوبه وَ تهتم تهتم، تحب الخير للكل وَ تساعدني كثير p; قلبها نظيف وَ صعب تحصلين شخص مثل كذا هالايام !
بس دايم تسبسب فيني الله يهديها مع انو طيبه انا وَ عاقله ماقول شي بس هي دايم تجرح مشاعري p: 
وَ ذكرت اني احبها صح ؟ احبها :$


السينوريتا أروى ، هالبنت لما تشوفينها تحسينها دلوعه وهاديه ونعومه  بس ماخفي اعظم هههههههههههههههه
اول ماشفتها تلقائيا حبيتها :$ احب الناس المبتسمه () نعومه وَ هاديه :$ وَ بس تتحلطم p: جلستها ماتنمل كلهم جلستهم ماتنمل والله ههههههههه
اذا تكلمتي تسمع لك ، عاد انا اتفلسف عليها وَ أنصحها عن البلوق حقها وَ حسيتها تطالعني بتناحه قلت لا تسلك لي البنت بسكت خلاص 
طلعت هذي نظرتها لما تبي تسمع لاحد ههههههههههههههههههه ، يازينهااا :$ تحسين بدفء معها <- معلش خانها التعبير p:
مدري شقول اكثر بس تحب تحارشني كثير ، طيوبه وَ حبوبه :$ احب كلاامهااا حجازي ، اصلا احب الكلام الحجازي وابي اتكلمه وبخليه لهجتي
اصلا مدري متى اخر مره صملت ع لهجه معينه كل يوم لهجه جديده :| بس جد تحبين الحجازي منها ومن جوجو ! تحسين انوثه ودلع مو كلامنا احنا دفاشه :( اي صح كامي تحبها :$$ انا ماصور بورتريهات يعني ناس ! ماعرف ولا يطلع معي شي زين خاصه لما اصور نفسي سكنهم مسكانهم :| بس مع اروى
ماشاء الله كل صوره احلى من الثانيه :$ وَ انبسطت لما هي حبت الصور yeeey =D ، أحوبك يادبه :$

*تو أستوعب انو كل البنات مصورتهم مع فوناتهم هههههه*

انا من النوع الي مامون ع شخص بسرعه وَ علاقاتي محدوده ، بس مع البنوتات ع طوول حبينا بعض وَ ميانه ! يمكن لان اهتماماتنا متشابهه أو ربي حببني فيهم مدري p: ع العموم ، هالكلام كله من قلبي وَ بدون مبالغه ، وَ سوري لو غلطت ع وحده فيكم او أزعجتها أو ضايقتها بشي بس محبتكم بقلبي ربي شاهد عليها :$ < خلصنا من الدراما يلا اوريكم شوي صور :$

بأخر يوم عطونا دفتر نكتب فيه كلمه للميزون بو ام ، وهذي الجميله جوجو تكتب :* 



من الناس الي تعرفت عليهم بنات فاشون لوكيتور ، مررره عسووولااات وستايلش وَ ينحبون !!! هذي رجل وحده منهم اسمها سبونج بوبp; صورته لان الشوز عجبني p:


شوز برور من ميليسا HOW CUTE !! 


انا خليت الفاشون شو وَ جلست اصور ابرار ههههههههههههههههههههههههه اصلا هي الموديل حقتنا c: حبيت candy arm  !!


 كلتشي الجممممميله هديه من طاووس براند ، الله يسعدها انبسطت فيها كثثثثثير ، هالبنوته تسوي الكلتشات بنفسها
طبعا ماعطيتها حقها بالتصوير بس بنزلها ببوست ثاني ان شاء الله ()


شاي مدغشقر نسيت اسمه :| ! اميره حافظتها اسألوها عنه هههههههههههه طبعا تكت الاخت عليه هي وَ جوجو انا ماعجبني :\


غدانا الي الله يديم نعمته مو حلو :| بس الكوفي لذيذ عجبني :$


مكتب الجميله رنيم ، عاد كنا اخر يوم جايين بدري فجلست انا وَ جوجو نساعدها صرنا سكرتيرات رنوم p:


كنت ناسيه النيل بوليش حقتي ، فانقذتني جوجو هههههههههههههههههه الوانهم تجنن بنات !! لاتفوتكم من ريفلون :*


كنبتنا ااااااه :(( تجنن تجنن :(( اول مره جلسنا عليها واول  مره التقت عيونا عليها ههههههههههههههههههههه 


اخر يوم كان كولكشن حصري لنوا -الامير نواف بن سعود- فجايبين هالكب كيكز انا ماكلت بس اصور p:


وجايبين هالشي الي مدري وشهو <- احمدي ربك احد ذاكركم بشي ههههههههههه ، هي الي تشتغل تدور بالصحن ع الضيوف يوم جابته لنا
اخذنا الصحن منها هههههههههههههههههههههههههههههههههههههههه بس والله عشان اصوره مو قصدي شي :$$ 
  


وَ بس !! طلعت كل الي بخاطري يارب لك الحمد p: الموضوع مامنه فايده ادري بس قرقره وَ تغيير عن البوستات الي بالعاده اسويها :)
انبسطت بالتجربه هذي كثير كثير ، غيرت فيني اشياء كثيره الصراحه ! وَ منها كانت أكدت لنفسي انو جالسه اسوي الي احبه :)
كنت ماخذته كهوايه بس حاليا لا هذا الي ابي استمر فيه ، هذا الي اشوف نفسي فيه وَ أحبه !! 
خلتني شوي أجرء بإنو أتعرف ع الناس وَ أقدم نفسي لهم ، وأعطيهم البزنس كارد حقتي حسيتني حركات p: 
طبعا هذا كله بدون مقابل صح ! بس مافي أحلى من إنو تسوين الشي الي تحبينه ، تخالطين ناس نفس الميول تعتمدين ع نفسك
وَ تطورين منها !! حبيت هالشي وَ بالمستقبل لو احصل فرص اكثر مابقول لا ، يسعدني هالشي كثييييير :)
اعذروني مانزلت لبسي مثل ماوعدتكم لان حاولت اصوره وَ أبدا مو باين شي !! فبجيب منيكان قريب ان شاء الله دعواتكم بس :$

لاتنسون تشتركون بالمسابقه ، متحمسسسه اشوف ابداعاتكم !!
لتفاصيل اكثر شوفو البوست الي قبل 
كونو جميلين دائما \ قورجس ××

أي أسئله أو استفسار التويتر أو الانستقرام أو حتى الايميل مفتوح للجميع


undefined | undefined | undefined | undefined

هناك 8 تعليقات :

  1. الله يديم عليكم المحبه استمتعت مره بالسواليف
    تحمست اشوف كات قلام وصفك لها يشد هههههههه دايم تجذبني البنت اللبيسه
    الله يسعدكم دوم يارب

    ردحذف
    الردود
    1. حتى انا لبيسه :(
      <- طيب هههههههههههههههه
      عقبال مانشوفك p:
      تسلمين ياقلبي نورتيني :$♥

      حذف
  2. ههههههه مرا النقل جنان دخلت جو معكم ترا
    الله يعيد هالجمعه 😍😍

    ردحذف
  3. مرره سواليفك حمآآآس ,, أتمنيت أكون معاكم بالجو دا ,,
    وحبيت وصفك لكل بنوته ^_^ كلكم أخلاق الله يحفظكم لبعض

    ردحذف
  4. اممممم مرآ روعة بس لحضة بسأل الدعوة بس لشخصيات محددة !؟

    ردحذف
  5. حلو حبيبتي اهم شي استمتعتي ومنو للافضل

    ردحذف

التعليقات الجميله ♥♥

Blogging tips