الثلاثاء، سبتمبر 18، 2012

ساعه إستحمام ! دللي نفسك :$ طريقتي بالتفصيل المفصل ♥

-


أهلللللن بالجميلات   
إيوا كلكم جميلات ! في مقوله مدري مألفتها ولا سامعتها ههههه بس جدا أؤمن فيها تقول :
" ليس هناك امرأه غير جميله ، ولكن هناك إمرأه لم تعرف أن تتجمل "
الجمال نعمه صحيح ، بس يتفاوت بالدرجات والكثير يختلف بالجمال .. مثلا أنا أشوف بنت ملكه جمال بالنسبه لي 
والغير يشوفها عاديه ! طيب اذا انتي حاسه انك أقل جمال من غيرك مو معناته تهملين نفسك !
يمكن في أحد يشوفك جممميل ، بس شوي اهتمام وَ ثقه بالنفس وَ تبرزين أحلى ماعندك وَ بسسس !
في بنت زماان أعرفها من النت ، دائما تمدح بنفسهاا وَ دائما تتكلم عن نفسها وَ جمالها ، ونظره الناس لها ..
قلت هالبنت خلاص متربعه عَ عرش الجمال ، ومره حطت صورتها بالتويتر "موب محجبه أساسا" وشفت انو جميله بس مو واو!
ورحت وريت الصوره ماما قالت عاديه وَ أقل من عاديه ، ووريت الصوره للكل ! مدري أحسها جميله والكل الي يقول يع والي يقول عاديه .. استغربت من ثقتها بنفسها ، ومع ذلك أحسها جميله :\ وَ لو تشوفون الي معها بالتويتر الكل طاير فيهااا !
وهي عاديه بس شخصيتها جذذذابه وَ ثقتها بنفسها كبيييييييييييره ولو إنو ممكن أصفها بالغرور ، بس جد خلتني أشوفها جميله والي مايعرفها يقول يع وعاديه هههههههههههههه ، سبحان الله اذا كنتي واثقه من نفسك يأثر على نظره الناس لك ، 
بس اياكم والغرور ، حرام تحرمين من الجنه عشان شوفه نفس ! وتعرفون الحديث الشريف " لايدخل الجنه من كان في قلبه مثقال ذره من كبر" الله يحفظنا يارب 

كلامي كثيييييييير الي مايحب القرقه لايقرا :)

الحين نخش بالموضوع دغري هههههههههه ، امس أخذت شور لمده 50 دقيقه بالضبط ! وجاني تعليق " 50 دقيقه شتسوين فيها " حسيتني طبيعيه لحد ماشفت هالتعليق هههههههههههههه أنا بطبعي انسانه بارررده وفاهيه ، اذا سويت شي اسويه بذمه وَ ضمير واطوول فيه وَ أخذ وقتي ! لما أغسل شعري أو اسوي سكرب احب اعطي كل شي حقه هههههههههه
صحيح غلط أطول بالحمام ، وخاصه بس أطلع اظافري وَ أطراف أصابعي دماااار :\ بس مدري تعودت !!
هالشور أقل شي مرتين بالاسبوع أو اذا في مناسبه أو عزيمه ، ينعنشني وَ يخليني فرريش :$

أول شي أجهز أغراضي كلهااااااااا وَ أجمعها بسله أشيلها كل ماروح أخذلي شور ،
 تقريبا هذا الي أستخدمه دايما مع تغيير كم منتج عَ حسب المزاج ،



طيب ، أول شي لازم لازم أمشط شعري :$ مهمه هذي الخطوه حتى مايتقعد الشعر زياده وبعدين الى الباث وانتو بكرامه ،
 افتح المويه أتأكد تميل للدافيه ولو اني أحب الحااار بس عشان شعري وبشرتي :\


أغسل الشعر بالمويه وَ رجاء خاص لذوات الشعور الدهنيه "صديقاتي بالغثا هههههههههه" لما تفركين شعرك لاتفركينه مرره ترا موجالسه تنظفينه انتي جالسه تزيدين افراز الدهون وَ تحفيزها ، افركي فروه الراس بشكل دائري بشووويش وانتبهو من الاظافر لاتخدش الفروه ،
 بهيك تسون مسساج لفروه الراس بس لاتطولون حتى ماتحفزون الدهن يطلع :\ بعدين أحط شامبو من مكديميا المفروض ماتكثرون شامبو لانو راح يخرب الشعر ! اما ينشفه زياده او يخليه دهني زياده ! فاخذو مقدار مناسب ، طريقتي انو احط الشامبو وازيده مويه بيدي وبعدين احطه على شعري بكذا زدت كميه الشامبو ووفرت بنفس الوقت :$

اركز عَ الاماكن الاكثر دهنيه بالشعر مثل الجبهه و تحت الاذن ومن الرقبه وورا ، افرك كويس بس مو بقوه كاني اسوي مساج لفروه راسي ، وبس اخلص اغسل شعري ، لاتحطون اطراف الشعر من تحت على الراس من فوق لسبب واحد عن نفسي اطراف شعري ناشفه فاذا حطيتها فوق قريب من الفروه وهي دهنيه ينقل الدهون لاطراف الشعر <- مو ناقصين :\ !!
وماننسى نغسل شعرنا وراسنا لتحت حتى الشامبو ينزل لتحت ، في طريقه صارلي فتره متبعتها ومرتاحه عليها .. شفتها بقناه الـ E entertainment لمصفف شعر مشهور جدا بس نسيت اسمه :\ ! يقول لاتحطون شامبو عَ الشعر حطوه عَ فروه الراس ولما تغسلون الشعر البرودكت راح ينزل للشعر اوتوماتيك ! انا اطراف شعري ناشفه مابي انشفه زياده بهيك اريح نفسي :")

بس أخلص أرجع أحط شامبو فيشي ، بس ماكثر واحطه ع الاطراف الدهنيه بسس لأن وظيفته التحكم بالدهون ، وعاجبني مرره أحسه من جد خفف الدهون :$ .. 
بعد هيك انشف شعري بالمنشفه حتى أحط الماسك ، الافضل تحطون ماسك وشعركم رطب مو مبلول بشكل كامل و الماسك المفترض مرتين الى مره بالاسبوع لاتكثروووون موو زيين أبد !
بعد ماحطه امشطه بمشط فتحاته كبيره ، موجود بالصوره لو تلاحظون ههههههههه ، بالطريقه هذي يتوزع الماسك مضبوط ، الي شعرها دهني لاتقرب الماسك لفروه الراس لا تحطه من الاذن وتحت ..
الي شعرها قصير تدبر عمرها ههههههههههه ، ننتظر الماسك ياخذ مفعوله ، الماسك حقي مو أقل من 7 دقايق تخلونه .. كل ماسك موجود بالعلبه كم يحتاج يظل عَ الشعر ، اثناء ذلك افرش اسناني أبي انظف كل شي ههههههههههه ، وبس أخلص اسوي سكرب لفيسي ، هذا سكرب جديد من سوب أند قلوري ماخذته من فتره "مش موجود بالسعوديه للأسف :"""( " طريقته ينحط كماسك أو يستخدم كسكرب 2في1 صفقه ناجحه ..


اسمه scrub your nose on it ! كييوت شكله <- ابدا موهذا الي خلاني اخذه :$
وظيفته يقلل المسامات وينظفها ، اوك مافادني مره مره ! بس أنا أعرف مافي شي سحري ، حتى اوصل لشي معين لازم اكون مستمره عليه ومعطيته حقه ، يعني حطيته 5 مرات او اكثر ماأنتظر النتيجه ولا أحكم على شي الا اذا خلصت العلبه هههههههه أول ماحطه احس انتعااااش "ريحته نعناع "
اسوي سكرب لفيسي وخاصه المنطقه الدهنيه "الانف و الجبهه والذقن" شي مهم يابنات لما تشترون شي اقرو التعليمات الي صانع المنتج عارف كيف يعمل ! يعني لما يحطو التعليمات مو زياده خرابيط اقرو قبل الاستخدام حتى تستفيدون من المنتج اكبر استفاده ،
مكتوب على العلبه انو يقلل الدهون ، فلاتفركونه لو سمحتو بالمناطق الجافه حتى مايجففها أكثر :$ بس أخلص السكرب اغسل وَ أحط طبقه خفييفه على فيسي واخليه لمده ثلاث دقايق ..
وبعدها اغسله وأغسل الشعر الي صارله 7 دقايق تقريبا وَ احرص عَ تنظيفه ، مره سمعت تبون شعركم يعيش ؟ عاملوه مثل ماتعاملون الحرير ! اهتمو فيه كقطعه حرير غسلوه بدون فرررك يقطعه ولما تنشفونه لاتضغطون بقوه ! لما تعصرون المويه من لاتلفووون بقوووه عشان تروح المويه اضغطو بشوويش عليه عاملوه كالحرير :$
<- ياكثر الفلسفه ههههههههه بعد هيك نلف الشعر لأن جا وقت سكرب الجسسم ..

أول شي أغسل جسمي بغسول الجسم من st.ives احب هالماركه وَ أثق فيها ججدا .. أحاول قد ماأقدر أبتعد عن الشورجلات الي فيها روائح أحسها تسود الجسم :"( ! مدري مع انو استخدمها بس قلت اخفف منها ..
الغسول هذا بريحه الخيار مش أفضل ريحه بس ماحصلت غيره :|


هذا هو الي متخبي ورا :$
اغسل بالليفه طبعاا ، وبس أخلص أبدا بالسكرب ، استخدم سكرب سوب أند قلوري اسمه the scrub of your life 
جممممممميل هالسكرب ! اذا بدلع نفسي احطه ههههههه ريحته جميله وانثويه بشششكل -الي يحب ريحه عطر مس ديور بيعجبه- استخدم معاه ليفه بودي شوب الي منسدحه فوق ، اوزعه على الجسم وَ ابلل الليفه اسكر المويه ابدا سكرب من تحت لفووق ..
 نقطه مهمه لاتتوقعون لما تفركون لحد مايصير الجلد احمر يعني اديتو المهمه وشلتو كل الجلد الميت ! راح تخلون الجلد اسود :\ ! كيف نفرك أجل ؟ اضغطي على الجلد ولا تفركينه حركي يدك فوق وتحت وانتي ضاغطه بشويش لاتفركوووون اضغطو وبس ! <- يارب مفهوم :$
هذي الطريقه تعلمتها من مغربيه بالسبا حقي الي سكروه وانا حقدت عليهم وهكذا :$ بس أخلص اغسل جسمي وأحط سكرب ثاني من لوش الي شريته تو يييس !
 افركه عَ المناطق الخشنه مثل الاكواع والركب وبطن الرجل حول الاصابع المؤخره :$ والبكيني بما إنو مصنوع من مواد طبيعيه فان شاء الله ماراح يضر :) استخدمته مرره وبضيفه لروتيني ان شاء الله حبييييته واحسه جد ينعم ، ولما تحطونه ع الجسم احرصو تكون المويه مقفله لان يذوووب بالمويه عن نفسي قسمته مكعبات وبكل شور اخذ جزء 
 عتبي الوحيد ع الريحه والي ريحه شوفاان :| !! بس الحمدالله ماتمسك بالجسم ، واخلص واغسسل مضبوط بس أخلص اسكر المويه واحط زبده الجسم من لوش الي ذكرتها بالبوست الي قبل ، جمميله وَ ترطب بشكل حلو وَ ريحتها ليمون ليمون بس منعشه :$

وفي خطوه اسويها اذا كان لي خلق انو بس اخلص اغسل شعري بمويه شراب ، يقولون ماخرب شعورنا الا مويه الرياض الجميله الي كلها أملاح بس نحاول التأقلم قد مانقدر :$
وبهيك أكون خلصت ! يمكن البعض يحسها كثييير بس أنا أستمتع وأنا أسوي كل هذا أحسه الوقت المخصص لي الي أقدر أكون فيه رييييلاكس وأهتم بنفسي ..
وبعد الشور تجي خطوات ثانيه للترطيب والتعطر وخرابيطه لو حابين سويت بوست عنه :$
طبعا هذا روتيني مرتين بالاسبوع ، وناويه اسوي بعد روتين اسبوعي لحمام مغربي + بديكير ومنيكير بس أجهز الاغراض ،
شوفو أنا مو بيرفكت وبشرتي مو بيرفكت وعندي مشاكل أعترف ، أنا واقعيه وأعرف لو مشيت على روتين معين ومستمررره فيه بحصل نتيجه ! قبل كنت معتمده على السبا بكللل شي ، وكنت الق لق هههههههه من سكروه تبهذلت صراحه ، وقبل ادفع ادفع يعني جلسه حمام مغربي تكلفني 600 ريال مع كريمات وكل شي ، جلسات الشعر كانت تكلفني الف و200 ل10 جلسات !
صح أدفع وأحصل نتيجه ، بس من بعد ماسكرو اهملت نفسي لاني تعودت اعتمد على الغير :\ بس من الحين ورايح أسوي كل كل شي بنفسي وأحاول أتعلم ومتأكده مع الاستمرار برجع مثل قبل وَ أحسسسن ، يعني 600 ريال الي أدفعها ممكن تجيب لي عده كاااامله وَ أسوي بالبيت أريح وَ أقل تكلفه .. نقدر نعتمد على نفسنا بس يبيلنا ثقافه شوووي ، وكل الي كاتبته وطريقتي بالتفصصصيل الممل مش فلسفه ، لا والله كلها اطلااع تاام وبعضه مبني على اسس علميه وَ شفت ريفيوهات كثيره وتباعت برامج كثيره حتى أسوي برنامج خاص فيني ، بعد هالشور نعووومه نعوومه ونظافه وريحه جميله :"") 

 أبشركم مارحت الصالون اخر مره الا قبل الرمضان عشان حواجبي + الفتله :$ ، صفقولي لو سمحتو هههههههههههههههه ، كلامي كثير أدري الي يحب الزبده والاختصار يعذرني ماحب! انا أتكلم بعفويه جدا جدا وماحب أهمل أي نقطه .. وفي بعد كم وحده تقول الخط صغير مره ، اضغطو ctrl مع + بالكي بورد يكبر لكم الشاشه وتشوفون بشكل أوضح :) وكالعااااده :

 لأي إقتراحات أو طلبات Cup

عَ التويتر:

أو الأسك:

كونو جميلين دائما  / قورجيس ××
أحبكم :$ ()

هناك 28 تعليقًا :

  1. ابد ماشهيتيني اخذ شور يعطيك الف عافيه

    ردحذف
    الردود
    1. وفي آحلى من النظافه ؟؟
      يعافيك ياجميله ♥ :$

      حذف
  2. طقوسك قريبه جدن لطقوسي ونشترك بنفس الخطوات
    لكن انا ظعف وقتك من ساعه ونص الى ساعتين تقريبن
    اشتغل على اقل من مهلي لأن مثل ماقلتي وقت مخصص للرواق والعنايه لحد يزعجني فيه ههههههه
    نعيمن ياقميل.. بوست جميل مثل العاده

    ردحذف
    الردود
    1. الساعتين لما بسوي بديكير ومناكير وحمام مغربي ان شاء الله بتنقع بالحمام ههههههههه
      الله ينعم عليك :$ تسلمين ياقلبي ♥
      مشرفتني :"

      حذف
  3. اااااه يا بنت انت للاباع عنوان
    استاااانس كثير اذا شفتك منزلة بوست
    الله لا يحرمك من الجنة

    ردحذف
    الردود
    1. والله لايحرمك من هالوناسه :"""") ♥
      شكررا شكرررا احلى دعوه والله :"""
      تسلمين ياحبيبتي ♥

      حذف
  4. موضع منعش صراحة..
    بس عندي سؤال ايش الصح الشور جل اول وبعدين السكرب ولا العكس؟؟
    ونستنى بوست الترطيب بعد الاستحمام..

    ردحذف
    الردود
    1. ياهلا حبيبتي ♥
      انا عن نفسي الشور جل اول :$ لاني انظف جسمي وبعدين اسوي سكرب
      هو المفروض العكس بس لانو السكرب فيه ريحه وترطيب فاستخدمه بعد الشور جل
      ماتوقع يأثر بس انتي شوفي الي ترتاحين عليه سويه :*

      حذف
  5. ماشاء الله نعيماً .. حسيت بالنظافة والعطور وانا اقراا ..
    حمستيني اخصص لي يوم على هالرواقة ..
    ماقصرتي عالشرح يعطيك العافية ..

    ردحذف
    الردود
    1. الله ينعم عليك ياقمر :$♥
      لااازم لااازم ولو اني فاضيه لا شغل ولامشغله واخصص يوم لي وجه بعد ههههه
      نورتيني ♥♥♥

      حذف
  6. ( تصفيق ) XD
    حلو الواحد من فتره لفتره ياخذ شاور طويل وينتعش فيه

    قهر كتبت رد وش طوله وتحدثت الصفحه وراح بحاول اتذكره

    يااختي احس ماجفف اطراف شعورنا الا كبكه الشامبو عليه، جميل نصيحه الخبير ان الشامبو يكون على الفروه بس

    غريبه طريقتك ان الشاور جل قبل السكراب انا عكسك بس ممكن طريقتك تخليك تحتفظين بريحه السكراب
    اه من سوب اند جلوري لو يخففون الروايح شوي
    انا اكره الروايح القويه فصايره اذا بستخدم شي من منتجاتهم لازم اكون مروقه جدااااا ومعي علك بعد < نفسيه D:


    عندي ٣ مدري اربع سكربز منهم
    وحده اللي حبيتها فيه سكربني ومكاديما ولوز وتقل شوي قرفه ريحتها تتماشي مع الحمام المغربي
    حبيتها لانها ريحتها مو عطريه بموقعهم مغيرين العلبه كانت سماوي واللحين زهري اسمها Sugar crush

    ان شاء الله قريب بسوي روتين شبه اسبوعي يكون مره حمام مغربي ومره سدر ومره الخلطه الصابونيه بس مدري متى

    صحيح خبرينا عن روتينك بالترطيب بعد الشاور تعرفين عشان يعطيك نتيجه لازم الترطيب يكون كويس
    صح مجربه البايو اويل ؟؟

    ردحذف
    الردود
    1. ياهلاااا انسه منور ♥♥♥
      يختي ماشاء الله كل شي عندي عندك مثله ههههههههه
      مدري مين يقلد الثاني *فيس متكتف*
      جد جربي الطريقه ! وانا ممكن احط شامبو جونسون للاطفال لشعري من تحت من فتره للثانيه
      موسوسه نظافه انا هههههههههه
      ويب اخلي السكرب اخر شي عشان الريحه تبقا ! ومرات لو استخدم مقشر ثاني اخلي الشورجل اخر شي ع حسب يعني :$
      ريحتهم قويه بس تعجبني هههههههههه كنت بشتري اللوشن بعد بس احس يصدع بالراس :| فاكتفيت بالسكرب !
      تدرين نفس الي كنت اسويه !!! هههههه قلت لك نتشابه :$
      السدر جربته قبل بس ماستمريت :\ ورحت وصيت جدتي الله يعافيها تجيب لي اصلي عشان ارجع استخدمه عاد مدري متى -ــــــ- طيب الحمام المغربي نفس الي عندي ؟ وكيف نتيجته يستاهل ولا ؟!! وطريقتك اسدحيها لو سمحتي :$
      وعن الخلطه الصابونيه سويتها قبل كانت تجنن بس مدري شفيني كرهت الخلطات احس خرابيط وحوسه ومالي خلق لها .. واحسها مؤقته لازم تستمرين عليها واحنا مين له خلق يستمر ههههههههههه
      البايو ايول ان شاء الله باللست حاطته بجربه قريب :)
      بس هالفتره عندي كريمات ابي اخلصها واتفرغ لشي ثاني .. وان شاء الله بنزل كريماتي ♥♥♥
      بس انتي ياستي لازم تزحزين شوي وتسوين بلوق :))
      احس عندك اشياء كثييره لازم نشوفها لاتصيرين بخيله هههههههههه
      لاتطولين لو سمحتي نبي بلوق جمالي ولا ترا بنزعل *فيس متمتف وحاط رجل على رجل*
      وأحبك ترا ♥♥♥

      حذف
    2. ايوه نفس حقك الصابون المغربي اللي من نزيه بس انا الصابون لوحده مو ست مثلك
      طريقتي اشغل المويه الحاره بالحمام لين يمتلي بخار ثم ادفي المويه يكون مايل للحراره بس اقدر اتحمله
      واغسل جسمي فيه طبعا مايكون قبل حاطه زيت لا بجسمك ولا شعرك لان ممكن ينزل زيت الشعر على الظهر
      اظل تحت المويه لين احس ان جسمي اخذ حاجته من الحراره ثم ادهن جسمي بالصابون المغربي ويفضل او الليفه تكون منقوعه بمويه دافيه تتركين الصابون حوالي ١٠ دقايق الى ربع ساعه ثم اغسل جسمي كويس ومضبوط بالمويه ثم عاد يجي دور الليفه وافرك من تحت لفوق بحركات دائريه بس ماتفركين بقوه لين يصير جلدك احمر لانه بعدين جسمك بيقلب اسود ><
      وبتشوفين بلاوي بتطلع وبعدين تغسلين جسمك عاد تستخدمين اي صنفره تفضلينها فيه ناس تسوي ماسك للجسم بس انا صنفره وبس عاد تاخذين شاور وتكون المويه فاتره الى بارده عشان تتقفل المسام واهم شي الترطييييييب لانه الصابون المغربي والسدر يجففون البشره طبعا يفضل تسوينه بعد الدوره يعني مره بالشهر او مرتين بس اكثر مايصلح


      الخلطه من اللحين اللي مكسلني عنها كثره خرابيطها لاني مو راعيه خلطات كذا مره سويت خلطه تسبه الصابونيه هلكت منها ولاعطتني نتيجه وجدعتها

      هههههه اسوي البلوق هالفكره تراودني من فتره لفتره بس الكاميرا اللي عندي ماتساعد واوقات اقول بحتار وش راح اكتب فيها
      عالعموم اذا فكرت افتح بتكونين اول المدعوات XD

      وتراني انا بعد احببببك 3> :*******

      حذف
    3. نفس طريقه السبا الي كنت اسوي فيه قبل < ليه تسألين اجل ههههههههههه
      ويب شفت الصابون بس اخذت هذا اجربه اول وبعدين اشوف :$
      يعطيك الف عافيه ياقلبي ♥♥♥
      لا الخلطه الصابونيه تستاهل بس يبي لها استمرار ولو خليتيها كانك يابو زيد ماغزيت :|
      جربيها بتعجبك ♥♥
      ويب يب نبي البلوق :| مو شرط تصوير واو اهم شي واضح ♥ــــ♥
      وبالمستقبل جيبي كام احسن ♥
      وأتشرف حبيبتي ♥♥♥ منورتني دائما وابدا♥♥

      حذف
  7. يعطيك العافيه.. حبيت اسالك مكديميا ماسك الشعر وين القاه ؟ وكم سعره!

    ردحذف
    الردود
    1. يااهلا ♥♥ الله يعافي قلبك () شوفي بوست مشترياتي من لوش ونزيه ذاكره كل شي بالتفاصيل حبيبتي :$
      يسعدك ربي ♥♥

      حذف
  8. نففففس طقوسي الحمدلله مو بس انا الجنيه على قولت امي بس انا هذا الشي اسويه كل يوم زيادة عليه السدر مع الصابون المغربي
    ادري ان السكرب كثرته مو زينه
    بس سرت احس نفسي وصخه لو تركته
    تعودت عليه مئدرش
    هذي الفتره الاحظ اني كسلت مع الحمل
    واحس ان سمار الحمل بدا يتسررب
    لكن البوست نعنشني وحنيت للجنيه هع
    في انتظار جديدك يا جميله

    ردحذف
    الردود
    1. ههههههه طلع ردك مرتين ونزلتهم كلهم عشان تعبك :$♥♥
      اول شي الله يقومك بالسلامه حبيبتي ويهون عليك حملك ♥♥
      ونكمل بالرد الثاني :$

      حذف
  9. كالعادة رد قد طول الحيط وانمسح :|
    بس لعيونك بنعيدده
    اولا ياحبي لك
    ثانيا نففففس الطقوس والوقت المستهلك بس انا اطول اكثر
    الحمدلله ماني لحالي جنيه على قولت امي :p
    هذا النظام اتبعه كل ما دخلت اتحمم
    ادري السكرب كثرته مب زينه
    بس تعودت عليه احس حالي وصخه من دونه
    واضف على ذلك عزيزي >> ياحبي لذي الجمله :D
    خطوتين :
    الخلطة الصابونيه ..
    والصابون المغربي مع السدر
    السدر مستعده اتخلى عن كل شوراتي ومقشراتي بس ما اتخخلى عنه ولا اعرف اعيش من دونه << حشى ادمي
    كاني طولت عليك!!
    في انتظار جديدك يا جميله
    ايه صح في شي ثاني
    وش معنى اسمك ؟؟
    احسه يكتب ولا ينطق خخخ

    ردحذف
    الردود
    1. طريقتي ماجبت شي من راسي كله شي روتيني ومعروف ههههه
      بس زدت المنتجات الي استخدمها :$♥
      لا انا موب جنيه انا ثلجه ع قوله امي ههههههههههههههه
      بس زين في احد نفسي "يممااا قريتي الكلام ولا :$ "
      الخلطه الصابونيه كنت استخدمها :(
      بس كسلت وخليتها -ـــــ- ممكن ارجع لها لو حسيت ابي استفاده اكبر !!
      وكانت جمميله بس يبي لها استمررراررر وانا اكسل ماخلق ربي :$♥♥
      السدر بعد انا ناويه اضيفه لروتيني كماسك ! طيب انتي كيف تستخدمينه ؟
      حمستيينيي صراحه ♥♥♥
      بالعكسس كلامك جميل واحب الي يفصفص كلامي احس قرا صدق صدق هههههههههه
      اسعدتيني ياجميله ♥♥♥
      انا قورجيس = جميله ماتشوفيني اكتب جميله كثيير ؟هههههههه لا يكتب وينطق وكل حاقه كويسه :$♥♥
      نورتيني ياقلبي ♥♥

      حذف


    2. وانا بعد مثل قورجس اطلب بطريقت للسدر لانه من كثر الطرق اختبص راسي مدري ايش المضبوطه والصحيحه وتعطي نتيجه ، وصح لون السدر المطحون يجي على اخضز او اخضر باهت او كيف بالضبط لانه عندي ولا ادري هل هو كويس او لا

      حذف
    3. صح كثير طرق اشوفها :| انا اخلطه مع مويه اذا ابيه ماسك بس مدري صح :"\
      ومنا الى جودي يارب تقرا p: !

      حذف
  10. ألسكراب الثاني اللي فيه شوفان من لوش تقصدين lush

    اعجبني انه فيه شوفان بشرتي جافه واخاف عليه من السكرابات

    ياليت تقولين من وين واي واحد من اللي بالصور

    ردحذف
    الردود
    1. اي بس مو موجوده صورته ، والمعلومات كامله بالبوست الي قبل هذا ♥

      حذف
  11. حلوووووووووووووو

    ردحذف
  12. قسم حمستيني آقوم. آخذ شور آنا ما استخدم سكربات صناعيه استخدم طبيعيه زي سكر وليمون وزيت زيتون مره تصفي البشره من شوائب وتنعم سؤال بس أنا بشرتي جافه وعند الجبهه والانف والخدود يتقشر وايش افضل مرطب للبشره الجافه

    ردحذف
  13. مره حمستيني آقوم آخذ شور ونعنش ودلع نفسي بس مشكله مقدر آطول واقفه اصلي حامل بشهر تاني موزين الوقوف بصراحه أنا ما استخدم سكرابات غير سكراب ليمون مع سكر وزيت زيتون لانها تعطي نعومه ومع الاستمرار تفتح في البشره بسألك سؤال انا بشرتي بالمره جافه وفي منطقه الجبهه والانف والخدود تتقشر ايش الحل وايش افضل مرطب للبشره الجافه وغسول كمان اممممم وكيف آهتم في بشرتي ونا حامل لاني صراحه مره اهملت نفسي وفيسي صاير ذبلان مره وسهر له دور مقصر اممممم كاني طولت هههه على فكره من جد أنت انسانه مبدعه

    ردحذف
  14. انا قد فصفصت مدونتك من البدايه للنهاية بس ذا البوست اول مره يمر علي ش السالفة :|
    وناسه بقعد اقلب فيها مره ثانيه يمكن تطلع لي أشياء جديده خخخخ

    ردحذف

التعليقات الجميله ♥♥

Blogging tips