الاثنين، أغسطس 27، 2012

Big easy curly hair ♥ درس كيرلي هير بشكل بسييط :$ وَ ريفيو هديه !



-



السلآم عليكم وَ رحمه الله وَ بركاته ()



أول تدوينه في عالمي الجممميل :$ ♥ ، عانيت كثيييييير عشان هالشي يطلع للنور :/
نسيت كيف أصمم ، أنسق كلام ، أصور كل شي :/ بس إن شاء الله خطوه خطوه القادم بيطلع أجمل ()

أنا شخصه بيني وبين شعري عداوه ، مَ أعرف له , أتفنن بكل شي من لبس ومن مكياج والشعر أخر اهتمامي :$
اذا بكشخ أروح لصالون أريح مخي ، بس بدو الصالونات تستهبل فوق راسي !
أجل ويفي ب350 ريال ! المشكله يحطون بف واصل للسما وشعر مثل الجبص : /
فقلت : محد يحك جلدك مثل أظفرك وَ شمرت عن سواعدي واتجهت لقوقل + اليوتيوب

كنت أبي فير بمواصفات جيده + سهل الإستخدام + سعر مناسب.
طحت بالجميل هذا ، الي أقدر أسميه كنززززز ..! شريته من 9 شهور وَ تو أستخدمته :$
يمكن لأني عجااازه أو كنت خايفه من التجربه ، بس كنت أناقش صديقتي وَ قالت لي عن طريقتها بالفير

تقول : "أول مَ أخلص شور أنشف شعري وَ أخلي فيه شووي مويه وَ أبدا أجزأه وَ أسويه بالفير "..
جربت الطريقه طلع كشه طبيعيه :/ مممٌ حلو بس مو مرتب أبببد.

شعري طبيعته ناعم في نفشه بسيطه وويفي بنفس الوقت ، بس من فتره طحت بطريقه واااو  
مثل مَ أبي وَ أجممممل ، لدرجه قامو يسألوني أي صالون مسويه ؟ هههههههههههههههههه يدرون إنو مالي بالشغلات هذي :$ !

* نبدا مع ريفيو مبسط:



الفير المستخدم: جوسي أبيير مقاس 19  ،
 ليش إخترت هالمقاس ؟ ببساطه ينفع للويفي وَ الكيرلي! وَ مخططه ع المقاس الأكبر اذا ربي سهل , حرارته عاااااليه فيجي معاه قلوفز هذا اذا ضيعتيه انسي تقدرين تسوين شعرك ماراح تتحملين الحراره ،
ماله مساكه مدري شيسمونها ! بس الي تسكر ع الشعر نفس الفيرات المعتاده ، وزنه خفيف والمقبض بلاستيك ، الحراره بس وحده ماتقدرين تغيرينها ، يقولون غير مضر للشعر لأنو عليه طبقه ،
سهل الاستخدام وَ ماا يطول الشعر وانتي تسوينه ، أنا شعري طووووووويل أخلصه بساعه الا ربع -أقصد بطويل الى أخر الظهر- اللون الي مختارته بنك وَ في ألون كثييييره.


* طريقه الاستخدام:



أول شي نحتاج لرغوه شعر (أستخدم new wave ماركه ويلا)
مثبت شعر (سبراي من لوريال )
مشابك شعر
القلوفز (يجي مع الفير)
مشط أكيد


بالبدايه راح نسوي نفس هالصوره :



الدميله لورين  

أنا أحب شعري يكون مرتب فأول ماأخذ شور أكون عامله حسابي ومسويه ماسك لشعري ،
 أنشفه وَ استشوره ع الخفيف وَ خاصه من فوق ب هالأزرق المملوح *فارسي المغوار*
مانبي الشعر نااااعم بس يكون مرتب ونركز ع الجذور.


الحين نقسم الشعر قسمين ، من فوق الأذن ونجمعهم بكليبس ، ونبدا نشتغل ع اللي تحت ، اذا نبي ويفي نكبر الخصله الي راح ناخذها وعاااااااااادي راح يثبت ويطلع جميل () اذا نبي كيرلي نصغر الخصله ،
نحط رغوه ع الشعر وَ نحط الفير عَ الشعر وبسرعه نسويه بالفير مانبيه ينشف ،

* شلون تسوين الخصله ؟


تبين الشعر بعيد عن الوجه لبرااا مو لداخل ، نمسك الخصله ونحط الفير من وراها ونلف الشعر عليها ، بحط فيديو توضيحي ان شاء الله ، لما نلف الخصله نراعي الخصله تكون كامله تلمس الفير لاتحطون الشعر فوق بعض ، اذا الشعر ماكفا ع الفير كااامل رصووه جمب بعض بس أهم شي  ماينلف فوق بعض ! بس نلفه للنهايه نمسك الفير ونوجهه لتحت مثل اتجاه الشعر ! ان شاء الله مفهوم :$ وننتظر 15 ثانيه الى 20 ثانيه ، حلو لو تجربين خصله قبل عشان تعرفين شعرك كم يبيله حتى يستوي لأنو يختلف من شعر للثاني،
الحين نقطه مهمه اذا خلصتي شلون تفكين الشعر ؟ لاتسحبين الفير لا فكي الشعر واسحبي الفير بشوويش ويكون ع شكل دوائر وامسكيه بيدك شووي لحد مايبرد ورشيه بسبراي.

وَ بس ! الطريقه جددن سهله بس حاولت أشرح التفاااصيل كلهااا :$ 
هذي طريقتي الي اعتمدتها ان شاء الله بلا مشاغل بلا هم ، أتمنى كل وحده تحاول تتعلم وَ تعتمد عَ نفسها حتى نكون بأحلى طله دايما ! محد أنولد متعلم ولا أحد يعرف لك الا أنتي.

هذا رابط ممكن يفيدكم:

http://www.youtube.com/watch?v=tYc4lwTvF9U&feature=related

أفكار:

- ممكن نسوي كيرلز عَ أطراف الشعر والباقي ستريت.
- ممكن ننزل راسنا لتحت ونحاول نفرق الشعر بكل خفيف حتى يعطي منظر طبيعي.
- هيد باند بتطلع جمممميله مع هالستايل وومكن نلبس توربان او طوق كيوت.
- نقدر نحط الشعر كله عَ جنب واحد ، يعطي أنووووثه .
- نقدر نسوي بف خفيف أو نلم جزء من الشعر لورا.
هذا ال- ستايل ينفع للجامعه والمدرسه ، سهللل وَ ماياخذ وقت ♥.

ملاحظات:

الفير شريته ب350 اذا موب غلطانه من أزمه تشكيل "معاملتهم جدااا جميله وَ مريحين وَ وصلو الشحنه بوقت قياسي"
مَ أسمح بالنقل خاص بالإقلاع وَ مدونتي
الي عنده إقتراحات أو نقد أو أي شي ، الأسك والتويتر والتعليقات مفتوحه لكم وَ حياكم الله ♥ D=
كونو جميلين / قورجيس ××

هناك 7 تعليقات :

  1. مدونة جميلة وبداية حلوه ^^
    الفير من جد روعه انا عندي مقاس ٢٥ وبصراحه رووعه اذا حابه لوك ويفي وفوليوم للشعر 3>

    ردحذف
    الردود
    1. thanks sugar :D yea I will get the bigger size ensh2allah <3 , Im addicted to it right now :$

      حذف
  2. شفت موضوعك بوقته طلبت فير طبعا لسه ماوصلني بس كنت محتاجة معلومات واستفدت منك
    مشكوووورة واستمري متابعتك..

    ردحذف
    الردود
    1. حلو إنك إستفدتي ! هذا أهم شي بالنسبه لي ^__^
      لاشكر على واجب ، وإن شاء الله تنبسطين فيه ، لإنو يستاهل :*
      حياك الله

      حذف
  3. شكراا لك حبيبتي
    مدونتك جد راقية و مفيدة
    كثير استفدت من موضوعك 3>

    ردحذف
  4. قلبو حاابه اسالك لو شعري طويل لنص الظهر بسس خفيف مرا وقليل شو اختاار؟

    ردحذف
  5. فعلاً جوسي ايبير افضل فير لين دحين ♥.♥

    ردحذف

التعليقات الجميله ♥♥

Blogging tips