تجربتي بالشراء من موقع مونيكا فيندر | تنسيقاتي لاسواره مونيكا Arm Candy ♥

السلام عليكم وَ رحمه الله وَ بركاته♥♥، 

اعتذر تأخرت عليكم بسلسله طلباتي من المواقع الالكترونيه وانطباعي عنهم

اول بوست كان عن طلباتي من امازون :

مشترياتي من موقع امازون وانطباعي عنه | Amazon haul

اليوم بتكلم عن طلبيتي من موقع مونيكا فيندر .. اول شي مونيكا فيندر هي صائغه مجوهرات بدآت في سنه ٢٠٠٢ ، بالبدايه كانت تسوي مجموعات حصريه لناس معينه وبس كثر عليها الطلب بدآت سنه ٢٠٠٦ كشركه وفازت سنه ٢٠٠٩ بجائزه (ماركه مجوهرات السنه) ، محلاتها بس بلندن وتبيع اون لاين ، اشتهرت عندنا قبل ٣ سنين تقريبا وخاصه السنه الي فاتت مره انشهرت لدرجه صارو يسون تقليد لمجوهراتها! احس هذا النجاح اذا تقلدت اعرف انك اكتسحت السوق. ♥♥♥

بالبوست ماراح اكتب لكم كيف طلبت لان الموقع جدا سهل بس بوضح لكم كذا نقطه فيها ، اشهر اساور عند مونيكا هي fiji والي انا حابتها اكثر شي ، الباقي مالفت نظري كثير صراحه ، شوفو الموقع وتصفحوا الكولكشنات :

http://www.monicavinader.com/ae/collections

المميز بالموقع خاصيه الحفر على الاسواره او التعليقه خاصه باللغه العربيه! الاساور الي تنحفر عليها ٣ انواع :

هافانا | HAVANA

ايسينيكا | ESENICA

فيجي | FIJI

،

لما تختارون الاسواره الي تبون ، وتبون تحفرون عليها اتبعو الخطوات التاليه :

١. مثلا اخترت الاسواره هذي ، بالمربع الي فوق مكتوب Engrave this item

معناته الحفر على الاسواره

٢. بتطلع الصفحه هذي ، اختارو الحجم الي تبون للخط وبعدين النوع والخط العربي اخر شي

٣. اخترت خط صغير والعربي ، اول بوكس تكتبون فيه الي تبون وعدد الاحرف يقل اذا الخط صغير

اذا جيتو تكتبون اكتبو بالكي بورد الي بالبوكس ، يعني لو كتبتو عادي من كيبوردكم ماراح يطلع فالحل تضغطون على صوره الكي بورد الي بالبوكس الرمادي وتكتبون الي تبون

٤. كتبت الي ابي وطلع على الاسواره الشكل النهائي ، صراحه حبيت الانقلش اكثر من العربي فماغامرت وطلبت.

،

الحين نجي لطلبيتي ، طلبت ٢٨ نوفمبر يعني تقريبا قبل ٤ شهور لان كان عندهم عروض ووقتها البلاك فرايدي الي كل المواقع تسوي عروض قويه ، اذا دخلتو ع الموقع مايبين لكم ان في عرض او خصم بس اذا سجلتو فيه يرسلون لكم ايميل ان في عرض او خصومات ، يسمونه برايفت سيل يعني الخصومات الخاصه.

اول مره اطلب من الموقع وجدا سهل مثل باقي المواقع العالميه ، اخترت الي ابي (هنا) الي هو اسوار الصداقه لون ذهبي والخيط لون النود سعره كان ٥٦٠ ريال تقريبا واخذته ب٢٩٦ ريال صفقه حلوه p:

احلى شي التوصيل كان مجاني ووصلني ب ٤ ايام تقريبا ، انصدمت لان وقتها البلاك فرايدي مثل ماقلت وكثير طلبيات تتأخر وحوسه ، وصلني مرتب بكامل ملحقاته حتى الكيس حاطينه لي لان طالبته تغليف هديه.

هذا الي حفرت عليه ، تنفع هديه للي تحبون وتنفع تحطون عليه كلمات كذكرى او شي يحفزكم لان دايم يكون بيدكم

لبسته فتره طويله ولاتغير لا لون او الخيوط الجوده ممتازه جدا ، هو مطلي ذهب ومواد ثانيه مو ذهب كامل. 

تتوسع وتتصغر من ورا

،

شكلها ع اليد (مو يدي) مقاسها علي شووي كبير لان يدي ضعيفه بس عادي حلو شكلها ، الحين بوريكم كذا تنسيق لها مع الساعات اذا حابين افكار ، يسمونه Arm candy يعني حلوى اليد وكل ماكانت الاساور اكثر كل ماصارت فعليا ارم كاندي ♥♥

 اول شي مع ساعه سبورت كبيره طالعه مرتبه 

الساعه ماركه GF ferre

مع اساور ملونه وساعه ذهبي بسيلفر ، ماشيه مع الكل يعني ♥

الاسواره الورديه من ميو ميو والزرقا كشك من الكويت واول وحده هديه والساعه مايكل كورس

ذهبي في ذهبي

الاساور من زارا والساعه فالنتينو ♥♥

،

وهذا هو بوست اليوم اتمنى يكون افادكم وعطاكم فكره اكثر عن الماركه والطلب منها وتكون التنسيقات تكون مفيده

اشوفكم ببوستات ثانيه ♥♥