السلام عليكم وَ رحمه الله وبركاته ♥♥ ..
بوست اليوم مختلف شوي عن الي تعودتو عليه ..
مع ان الطبخ جزء من حياتي اليوميه واعرف اطبخ واسوي بوفيه عاادي p:
بس اجد صعوبه بالتصوير لان تصوير الاكل مو شي سهل ههههه!
،
بس بما ان هذي الطبخه ومادري لو اقدر اسميها طبخه لان سهله جدا جدا!
بس هي من الاشياء المفضله عندي واسويها اذا ابي شي صحي ولذيذ وماياخذ وقت
يعني الكل يقدر يسويها ♥♥ ..
اول شي السلطه ، عشان اقولكم عن ذوقي بالسلطات ترا ماحب الاشياء المقليه ومقادير كثييره هذي ماسميها سلطه!
السلطه عندي شي بسيط وصحي وبصوص ابسط ، يمكن اشطح مرات واكل شي دسم
بس افضل دايم البسيط ، والغدا اول شي موجود فيه السلطه واذا مره ماشتهيتها
اقصص الخيار والجزر شرايح كبيره واكلها بعد الغدا ♥♥
اذكر زمان زمااان كنت مصوره سلطه ومكرونه وعلقت بنت
"اول مره اشوف ناس تاكل سلطه مع مكرونه"
ماخفيكم صدمتي ههههههه ، صارت السلطه لها طقوس معينه ومو شي اساسي ؟
المهم لازم تجربون هالسلطه تشبه سلطه بياتو الي يحطونها مع المقبلات ♥♥
تقطعين خس امريكي "الافضل امريكي يكون مدور لانه مقرمش اكثر واطعم"
وخيار شرايح وبصل ابيض ، الاحمر حار ويصلح للطبخ مو الاكل الني
الصوص رانش ، احب ماركه ديليسو وفوقه رشه فلفل اسود خفيف بس يعطي طعم لذيذ!
الصوص مو صحي تماما ، اذا تبون خيار افضل: زبادي مع رانش شووي وليمون ..
نجي للدجاج .. تشوفون شلون صاير جوسي ؟
لذذذيذذ اعشقه .. صح المقادير بسيطه بس الفكره بالطريقه نفسها ♥♥
المقادير :
صدور دجاج ماركه اليوم ، افضل شي جربته
واخذ كميه واوزعها باكياس بلاستيك وافرزنها ماتخرب ولايتغير الطعم
ليمون ، فلفل حار، فلفل اسود ، ملح ، بهارات ماجيك "سر الطعم اللذيذ"
،
نغسل الصدور وننشفها بمنديل المخصص للمطبخ يكون ثقيل عشان المنديل العادي يتفتت مع الماي
نشفناه من الماي عشان البهارات تمسك بالدجاج ، نسوي فتحات بسيطه بالدجاج
نرش فلفل اسود وملح وبهارات ماجيك ونفركها بالدجاج بكل الجهات ونخليه شوي
،
بالوقت هذا ، نرش المقلاه ببخاخ زيت ، الحلو فيه ان مافيه كالوريز ينفع للاكل الصحي مره
نحط شرايح الليمون والفلفل الاخضر ونشوحهم شوي ، النار لازم تكون مرتفعه
الحين نحط الدجاج ونحط الليمون فوقه هو والفلفل عشان مايحترقون
نغطي المقلاه ، هذي اهم نقطه عشان البخار مايطلع برا والدجاج يكون طري مو ناشف
مانقلب الدجاج ابداا نخليه دقيقتين لثلاث ، اذا صار الطرف شووي متحمر نقلب الجهه الثانيه ونسكر الغطا
التقليب المستمر مايخلي الاكل يستوي بوقت واحد ، يعني ٤ دقايق بالكثير ولا الدجاج جاهز ♥♥
،
نقدمه مع السلطه والخبز اذا حابين عشان تكون وجبه متكامله بس عن نفسي
اخذ هالوجبه كذا اذا بريح معدتي ، الاكل لذيذ ومشبع بنفس الوقت
اكيد لكم حريه الابتكار وتزيدون صوص او مشروم ، هالدجاج بسيط تقدرين تدخلينه مع الوجبات الي انتي حابتها
اخر نقطه بهارات ماجيك الفاهيتا ماصرت القاها :\
بالعاده احصلها بالعثيم او بنده بس هالنوع لا ، بس متاكده تلقونها بالتميمي او الدانوب
اما البخاخ تلقونه بالاغلب السوبرماركتات الكبيره بقسم الاكل الصحي ومرات مع الزيوت
،
احب الوجبات البسيطه السهله والسريعه بنفس الوقت ♥♥ ..
تهمكم بوستات مثل كذا ؟ عشان اتعمق اكثر باللذاذه المرات الجايه p:
اشوفكم ببوستات اجمل ♥♥
عوافي حبيت 💖 السلطه ماكنت اهتم لها
ردحذفلين تعبت فتره ونصحتني الدكتوره دايم ابدا وجبتي بملعقتين سلطه حتى لو مااحبها
مايمنع من وقت لوقت تتحفينا بشي من اللذه والطعامه
خاصة الشغلات الخفيفه السريعه 😘
طريقتي مشابهه لطريقتك جدا
ردحذفتختلف البهارات بس و اني ماحط فلفل ولا ليمون
وفعلا تطلع مره طريه و مليااانه موية
تسلم ايدك شيف قورجس
اشتهيييييت:( ماشاء الله
ردحذفقريب بجربه بإذن الله
شكرًا لك💜
زين موااااااضيع الحريم ���� ماعرفتك !!!
ردحذفتسلم يدينك ، من جد مرة بسيطة ..
انا العادة احب اسوي ماشد-بوتايتو مع هالدجاج
السلطات من اهم اهم الاطباق عندنا ..
واذا صارت ام صوصات ومقليات واشياء زيادة تصير وجبة بروحها وغالبًا عشاء ..
اما السلطة العادية او الفتوش او التبولة لازم مع الغدا
احب احط بسلطتي نوع فاكهة ، اما فراولة او رمان او اناناس او تفاح اخضر ..
عاد تبين اصدمك ..
مرة شفت شٍيف يقول الابيض للطبخ ، والاحمر للسلطات لان له طعم !!
ما يدري عننا هالشيف ��
دايمه هالمواضيع الجميلة واللذيذة ..
كأني بربرت واجد ..
ما شاء الله تسلم يدك وشرحك بسيط ومو معقد. أنا حاليا متجهة لﻷكل الصحي فعجبتني وصفتك مره. وبالنسبة للسلطات أنا ما أحبها بس آكلها كإنها دواء ﻷنها مفيدة.
ردحذفمع اني مب وايد مع الطبخ بس حبيتها يعن ماشاء الله طبخه سهله وشكلها حلو ، تسلم ايدج وكثري منهم :p
ردحذفتسلم يدك ")
ردحذفالموضوع حلو وخفيف حبيته مرة "$
من جد نفس كلامك السلطة شيء اساسي عالسفرة ولازم نتعود
ونعود اهلنا وخاصة الاطفال على اكلها ..
مايمنع تشطحيلنا بموضوع لزيز كدا .. يديك العافية ")
-
ردحذفيإزين السناعه واللي مسويها 💜💜
حبيتهآ السلطه ، بس مشكلتي مع البصل 😑💔
البهارات والزيت مثلك ، مااحصله ..
ياليت تتكلمين اكثر عن الاكل و التمارين وبحياتك الصحيه 💜💜
والله شقد آحبك 💜
وصفة سهلة و سريعة . أعجبني هذا البوست خفيف و لذيذ . جزاك الله خيرا
ردحذفالصورة لذيذة ❤️️
ردحذفيعطيك العافيه ❤️️
تسلم ايدك جورجس ، ان شاء الله اجربها 💙، ايوه ي ليت نشوف بوستات اكثر من هالجمال 😻، شكراً جورجس 💙
ردحذفشكرا .. حبيت شرحك الوافي يعطيك العافيه ..()
ردحذفاشكرك من قلبي
ردحذفتسلم ايدك...
ردحذفدائما أتحفينا بالوجبات السهلة واللذيذة مثل هذه..
بالعافية يارب♡♡♡
اكيد بجربها
ماشاء الله تسلم يدك شيوم , والصلصات بجربها حمستيني على هالتتبيله
ردحذفدخلت مدونتك بالصدفة وضفتها ف المثل بعد اول بوستين لك .. صراحه الطبخه جات في وقتها تماما سبحان الله .. انا لي فتره اتبع نظام صحي واحاول اعدل خياراتي ف الاكل بس كل مره اجرب تتبيله للصدور وما تضبط معايا .. راح اجرب بهارات ماجيك وطريقتك تحمست لها مره .. بس يارب احصلها ف الدانوب انا من جده 🙏 وتسلم يدينك شيوم الجميلة 💟
ردحذفننتظر وجباتك السهله واللذيذه😻❤️
ردحذفعووواااافي
ردحذفطريقه حلوه وسهله
أزال المؤلف هذا التعليق.
ردحذفمبين لذيييذ 💜
ردحذفبس للاسف انا م اكل سلطات واجد وخصوصاا الليء فيها بصل ..
بس ممكن اجربهااا كَ تغيير ..
يعطيج العافيهه ع هالبوست الجميلَ 🌹
بوست جميييل كعادتك 🌸
ردحذفانا متابعه لك ب السناب و من زمان ودي افتح مدونتك بس انسى ولا النت يكون يستعبط علي ���� واليوم الحمدلله فتحتها و استانست وقسم ���� ،، شهيتيني وقسم ������ واضح ان الاكله لذيذه و سريعه ������ عاد انا عششق الأكل الصحي ������ ،، اي ياليت تكثرين من هذي المواضيع الصحيّه ������ ،، شكراً قورجس ����
ردحذفإن صفحتك فريدة من نوعها!
ردحذفموضيع مميزة.
سأحاول ان اطبق تعليمات هذه الطبخة اليوم! Wish me luck
Love
Tala from Hia Mag
يب حلوة بوستات الوصفات ♥♥
ردحذف