ريفيو منتجات بينفت ، لأن الابتسامه أجمل مايمكن أن ترتديه! ♥♥

السلام عليكم وَ رحمه الله وَ بركاته ♥،حبيت مقوله بينفت "لأن الابتسامه أجمل مايمكن أن ترتديه" فخليته عنوان بوست اليوم ، بوست اليوم ريفيو عن منتجات بينفت الي جربتها! ومع ابتسامه عشان تصيري أحلى ، بعض المنتجات مشهوره وبعضها جديد فراح أكتب انطباعاتي عنهم وَ إن شاء الله يساعدكم بإختياراتكم بالمستقبل ..

أول شي بتكلم عن بلشرات بينفت ،

 روكاتيور Rockateur بلشر ، لونه مزيج من الوردي والبيج والبني شووي ، اول ماتشترينه فوقه طبقه لمعه خفيفه بس مع الاستخدام تروح ، اذا سويتي له سواتش تحسين اللون هادي بس لما تحطينه ع الخدود يعطي لمعه ولون مايل للروز جمميل ، من البلشرات الي حبيتها!

ابدا مو مطفي ولمعته مو قويه بالعكس لونها جميل وخاصه اذا مسويه كونتور وتبين شي ناعم للخدود انصحك فيه ، سواتش له

ثاني بلشر اسمه هيرفانا ، لونه مزيج من ٤ درجات للبينك ، تقدرين تستخدمين لون لون بس احس سالفه! لان العلبه مو كبيره مره عشان تتحكمين بسهوله عشان كذا الافضل "بالنسبه لي" ادمج الالوان كلها مع بعض باستخدام الفرشاه ، اللون مثل ماقلت بينك بقاعده خوخيه p: لونه ساتان يعني جاي بين المطفي واللمعه الخفيفه جدا!

لما كنت ابحث عن سواتش لاحظت كل بشره تعطي لون مختلف باستخدام هذا البلشر فلازم نراعي النقطه هذي ، اللون يعتبر خفيف ومناسب جداا للصباح لان يعطي لوك فريش مع ميك اب ناعم ، سواتش للبلشر :

ثبات البلشرات اعتبره جيد ، يثبت ممكن ل٥ ساعات ، الفرشاه الي معاه احسها خربوطه :| بس ممكن تؤدي الغرض لو مستعجله انا افضل فرشاه سيفورا ٤٥ تعطي لون اقوى للبلشر♥♥.

اللولي تينت هو اخر تينت نزل في بينفت ، التينت معناته منتج سائل للخدود والشفايف ثباته عالي جدا لساعات طويله وبنفس الوقت احس شكله طبيعي جدا لانه يندمج مع البشره اذا وزعتيه كويس ، اللولي تينت لونه وردي مايل للبنفسجي وقوامه كريمي ، هذا اول تينت اجربه واذكر كثار يقولون سائل مره بس اللولي صاير كريمي اكثر من الباقين ،

سواتش له :

الي حبيته بالمنتج هذا انو يعطي منظر مورد للخدود وطبيعيه بس لاتكثرين منه! اول ماتحطينه ع الخدود وزعي نقط صغيره وبسسرعه ادمجيه لان ينشف بسرعه عشان مايطلع بقعه ، لاحظت اول ماحطه يكون اللون خفييف بس اذا نشف يصير اقوى عشان كذا انصح تحطون وتنطرون ينشف لو ماعجبكم زيدو ، التوزيع يصير باصبع او فرشاه للمنتجات الكريميه ، بالنسبه للشفايف البعض يقول تنشفها وتشققها واحس بالعكس ، اذا سويتي سكرب للشفايف وبعدين رطبتي كويس ماراح ينشف ولونه ع الشفايف جممميل! حلو للنو ميك اب وحلو للبيت وحلو للصباح او اذا تبين شي ناعم ممكن تكتفين بالمرطب وهذا! من اكثر المنتجات الي حبيتها ببينفت.

برايمر الوجه ذا بور فيشنال! هذا اول منتج اشتريه من بينفت ووقعت بغرااامه ♥♥، مغيرين شكله ع فكره وهذا الشكل الجديد له ، البرايمر هو منتج ينحط قبل الفاوندشين يهيئ الوجه لاستقبال المنتجات ، يحمي البشره ويسهل من توزيع الفاونديشن ويخليه لساعات اطول ، وكل برايمر له مهمه معينه! يعني هذا الي من بينفت مهمته تصغر المسام ، عشان كذا ينصحون ينحط بس ع الخدود والخشم ، بس انا احبه للوجه كله صراحه! لانه سيلكون فيساعد على توزيع الفاونديشن بشكل افضل ، ع كثر ماشريت برايمرات وجربت هذا اقرب شي لقلبي ، يعطي الفاونديشن مظهر حلو ويخليه يبقى لساعات طويله!

ثاني برايمر من بينفت ستاي فلولس ، برايمر قوامه شمعي ، يوعدك بانه يثبت الميك اب لاكثر من ١٥ ساعه ! بصراحه ماجربته كثير عشان اعطيه حقه بالنقد! بس من تجربتي ماحبيته صراحه ثقيل مره ، لازم اول ماتحطينه تدمجينه بسسرعه وفوقه الفاونديشن قبل لاينشف ، ماحسيت فيه شي مميز لان قلبي متعلق بالي قبله :$ 

بس كثيير مدحوه وخاصه حنان النجاده الي اثق برايها عشان كذا بعطيه فرصه ثانيه!

  قلوس من مجموعه الترا بلش لون اللولي بوب ، lipgloss ultra plush lollipop ، انا ابدا مو صحبه مع القلوسات ماحب الاحساس اللزج واحس شعري يللزق بشفاتي ههههه ، طبعا هذا الكلام للقلوسات الرخيصه! لان هالاحساس ابدا ماحسيته بقلوس بينفت بالعكس حبيته كثيييير ، كريمي بس مو ثقيل ع الشفايف ويرطب ويعطي لون ولمعه لطيفه مو اوفر لما تجربينه ع يدك تحسين اللون قوي بس ع الشفايف يعطيك لون خفيف ، الحلو فيه ماينشف الشفايف ولا يطبع ، ينفع للصباح للبنات الصغار الي مايحبون الميك اب.



أخر منتج ، بودره the pore fessional zero shine agent وهي بودره وظيفتها تخفف اللمعان الي بالوجه وتقلل من المسام ، اكثر شي جذبني لها التعليب صراحه! من فوق المنتج ومن تحت فرشاه لاستخدام المنتج ، ينفع تاخذينه معاك بالراحه ولاتخافين ينكب بالشنطه مثل باقي البودرات اللوس او البودره الحره ، لونها بيج بس اذا حطيتيه ع البشره ماله لون يعني شفاف ، فينفع لكل الوان البشرات ومايبين مكتل صار صديقي الفتره الاخيره ، مع ان بشرتي صارت جافه بسبب التقشير بس ماحس جففها زياده ، اوزعه ع الجبهه وشووي ع الخدود ويخلي البشره مطفيه وماحس يتكتل او يسبب خطوط.

بينفت متوفر في سيفورا ودبناهمز ووجوه ع حسب علمي.
وبس هذي تجاربي لليوم ، ان شاء الله استفدتو ، واي سؤال بكون حاضره بالاسك لان هنا بالغالب مالحق اجاوب :*

للتواصل معي ع التويتر والانستقرام 
الايكونز ع يمين الشاشه

لاتنسين الاشتراك بالمدونه ليصلك كل جديد ..
كونو دائما جميلين ♥ ..

xo Gorgeous