السلام عليكم وَ رحمه الله وَ بركاته ♥، تدوينتنا اليوم بقسمي الجميل تكنوشيك ، مثل ماذكرت قبل اذا شفت مقطع يعجبني بحطه هنا ، من المقاطع الي استوقفتني خلال بحثي وَ حوستي باليوتيوب .. مقطع جدا جدا ملهم ، يبين لك انو الدنيا ماتوقف عن حد ، اذا صارت لك نكسه مو معناته توقفين ترجعين اقوى وَ اقوى ، سبحان الله بعض الناس قوتهم تخليك توقف مع نفسك وَ تقول لو انا مكانها بسوي كذا ولا ؟ البعض يستفيد من اي مشكله تواجهه وَ يبني مستقبله ، صح نخطط وَ نخطط لحياتنا بس ماندري بكره ايش يصير ، التكيف صعب بس الاستسلام هو موت بطيئ ، هالبنت اسمها ايمي ، صار لها موقف استفادت منه وَ غيرت حياتها بشكل ماتتصوره ! حلو نشوف نصف الكوب الممتلئ دائما ، احب الناس المهلمه القويه الي ماهمها ايش يصير معها بحياتها لانها بتقدر تقوم مره ثانيه وَ تقول لا أنا اقوى ، من اكثر المقاطع الي الهمتني ، قصتها جميله جدا جدا لاتفوتنها :
ايمي كانت تلقي محاضره في مؤتمر تيدكس وَ في مقاطع غيرها كثيييير بس اكتبو باليوتيوب تيدكس واستمتعو بالاهام وَ الطاقه الايجابيه ♥♥♥، اكتشفت انو كثاار مايعرفون عن هالمؤتمر وحتى انا ماكنت اعرف عنه شي الا قبل سنتين او سنه وشي تقريبا لما قريت بالتويتر عن التحضيرات له بالسعوديه ، تيدكس عباره مؤتمرات غير ربحيه هدفها نشر الافكار الي تستحق النشر وَ مشاركتها للناس ، وتشمل المؤتمرات التكنلوجيا \ الترفيه \ التصميم ، شعارهم ببساطه "افكار تستحق النشر" الي ينضمون المؤتمرات هذي ناس متطوعه وَ هي مؤسسه امريكيه بس المؤتمرات تقام بكللل انحاء العالم ، وَ قبل فتره صار بالسعوديه مؤتمر تيدكس للاطفال ، كنت ابي اروح بس قالو لازم معاك طفل عاد من وين اجيب لهم هههههه ، وَ في مؤتمر تيدكس للكبار بس مادري متى بالضبط ، الي يبي يحضر لازم يعرف قبلها بفتره عشان يمدي يحجز تذكرته ، التذاكر ماشاء الله تطير بسرعه ، أحب أكون بأجواء كذا اسمع قصص ملهمه ♥، اشوف تجارب ناس ناجحه ، اتعلم من اخطاء الناس عشان ماطيح بنفس الخطأ ، الدنيا تجارب أكيد ♥♥♥♥، واذا حلمك تنجح بحياتك فخالط الناجحين وَ ابتعد عن المحبطين وَ الناس الانانيه وَ السلبيه ، يارب تحقق كل طموحاتنا الي نطمح لها وربي يوفقنا اجمعين.
للتواصل معي ع التويتر والاسك -غيرت اللنك- والانستقرام الايكونز ع يمين الشاشه
لاتنسين الاشتراك بالمدونه ليصلك كل جديد ..
كونو دائما جميلين ♥ ..
آعجبني البوست فورجس حلو ان الواحد يستغل قدراته
ردحذففي تحقيق احلامه وطوحاته لان فعلا مافي شي صعب بس في قوه واراده وهذا الي الكل محتاجه الطاقه الايجابيه هي الي راح تخلي احلامنا واقع و لا في اي شيء ممكن يوقف في طريقنا البوست هذا من جد حبيييته و إنتي من جد قورجس الله يسعدك يارب ^^
جميل جدا ياشيماء مره تشكري عليه
ردحذفجميل جداً و محفز جزاك الله خير
ردحذفو دائماً هذي مبدأي إنطلاقاً من القاعدة في قوله سبحانه وتعالى ـ في سورة البقرة {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
أهلين بالجمال والروعة
ردحذفقد شفت هالفيديو سابقًا وماشاء الله الإرادة والعزيمة والأمل هم أفضل دافع للعطاء والسعادة رغم إنها فقدت أعضاء من جسدها لكن عادت أقوى وأجمل .. السعادة مو مادة وإلا كانت وسيلة ! السعادة هي غاية القناعة
يعطيك العافية :*
الفكـرة رائعه عزيزتي ..،
ردحذفالانسان يستطيع التحكم بحياته من خلال الافكار الايجابيه .. وحتى تصبح افكارنا ايجابيه اول شي علينا نحيط نفسنا بالناس الايجابيه بتفكيرها ..
وما نترك الطاقه السلبيه والافكار المتشائمة او موقف او كلمة تعيق تقدمنا ..
أعجبني طرحكـ
مميزة كعادتك جورجس ..
دمتي بخير وسعادهـ وراحة بال..،
3>
فعلا الضربه الي ماتموت تقوي قبل فتره مريت بماساه الحمدلله على كل حال وشفت في نفسي قوه انا سعبده بيها جدا حاسا انو ان شا الله قادره بعد اراده ربنا اتخطى عقبات كتير بحياتي وشي تاني لازم نتزكر انو ربي مايجمع بين عسرين دا الوقت مر عليا صعب بس بكرا ربي حيعوضني وحيكون بكرا احلى ان شا الله
ردحذفمرا روووعه حلو انك حطيتيه وخليتي الكل يستفيد صراحة حتى انا الهمني وما اخفيك بكيت بحرقة معاها
ردحذفواللحين لما شفته بكيت مرا ثانية
شكرا قورجس
بكيت معاها بجد أثر فيني كلآمها وأشكر الله على النعمة اللي رزقني هي واللي هي الإيمان بالله وحسن الظن فيه والثقة إنه مافي شي مستحيل بإذن الله وإنه الإنسان ممكن يوصل لكل شي يبغآه بالعزم والإرادة وقبل كل شي التوكل على الله ثم الأخذ بالأسباب
ردحذفشيمآء مو عارفة ايش أقلك غير إني ألآقي المتعة والشي اللي آبيه بين صفحاتك وأتمنى إنه كله يكون بميزان حسناتك
مآننحرم ♥
♥♥♥♥
ردحذف