مشترياتي من ماركه ذا بالم ، ريفيو لمنتجات كثيره ، موقع جديد وهديه لمتابعاتي ♥♥♥

السلام عليكم وَ رحمه الله وَ بركاته  ♥♥، شرايكم بالعنوان ههههه ، لان الموضوع متشعب فلازم عنوان طويل شوي : )
كثار بنوتات يسألوني عن تاجرات موثوقات يطلبون منهم ، ونادرا ماأرشح احد الا اذا مجربته! فجربت اطلب من موقع منتجات من ماركه ذا بالم وحبيت اكتب تجربتي معاهم ، الموقع اسمه ksa shopper الي شجعني اطلب منه ، اول شي الاسعار! صراحه قارنتهم بكذا تاجره من النت وكانت رخيصه جدا مقارنه فيهم ، السبب انهم شركه مو فرد! فالبضاعه تجي من المصدر او الموزعين مباشره ، غير هذا اذا انتي ساكنه بالرياض الدفع عن التسليم ، فهذا شي ممتاز لان كثار مو خبره بالطلب اون لاين وغيره ، بيحقدون علينا باقي المناطق p; يصير تطلبون منهم اكييد بس الدفع اون لاين والطريقه سهله تحطون رقم البطاقه وتكملون شوبينق .


البضاعه اصليه ١٠٠٪ وتأكدت بعد تجربتي ، تخيلو في ميك اب تقليد وفي تاجرات يبيعونه ع اساس اصلي! هل هو كذب او بعضهم مايعرف يفرق الله اعلم ، واذا غيرتو رايكم وحابين ترجعون المنتجات قبل لاتفتحونهم تقدرون!

بعيد عن اسلوب الدعايات انبسطت بتجربتي معاهم ، وحتى لو بالمستقبل بطلب من اي موقع ممكن اطلب منهم لان ببساطه تكاليف الشحن وغيره من تجربتي مقاربه للاسعار من موقعهم واختصار للجهد والوقت ،وفوق هذا اهدو متابعاتي خصم خاص! بس تحطون قسيمه الخصم بعد ماتخلصون طلبات "gorgeousta" الكود يخلص نهايه شعبان باذن الله ، فرصه تطلبون للعيد ;)♥♥

شرح مبسط لطريقه الطلب ولو انها سهله!

١.  من واجهه الموقع نسجل يوزر جديد مثل مو موضح عند السهم :




٢. ندخل المعلومات الشخصيه والي عندها نجمه حمراء يعني مهم ، ونضغط ع متابعه :



٣. نختار المنتج الي حابينه ، والموقع كله بالعربي يعني سهل ، انا اخترت ذا بالم ميت مات ، نضيفه لسله الشراء ، وبعدين اذا خلصتو شوبينق وتبون تدفعون وتطلبون توصيل نختار سله الشراء من القائمه .

٤. نستخدم قسيمه التخفيض مثل مو موضح بالصوره رقم ١ ، وبعدين ننهي الطلب.

٥. هذا طلبي بعد ماطبقو عليه قسيمه الخصم :

6. بعد كذا بتطلع هالشاشه ، نأكد على العنوان او اذا مغيره عنوانك مؤقت اختاري "اريد استخدام عنوان جديد " وبعدها متابعه :

٧، تختارين طريقه التوصيل ، وبما انو بالرياض بيطلعلك خيار واحد بس ، اما اذا برا الرياض بتطلع شركات الشحن ، نختار ونكتب ملاحظات اذا حابين وبعدين متابعه :

٨. تختارين طريقه الدفع اما عند التسليم او تحويل بنكي ، اذا تحويل بنكي بتطلع خيارات ثانيه عشان تحولين من حسابك لحسابهم ، لاتنسين تحطين علامه عند "لقد قرأت وقبلت شروط الاستخدام" وبعدين متابعه :

٩. اخر شي بيكتب لك فاتورتك كامله مع التوصيل وتتأكدين من كل شي وتسوين تأكيد طلب ، بعدها بيجيك ع الايميل رساله فيها تأكيد الطلب وبيجي بعد ع رقم جوالك مسج وبس.

بوريكم مشترياتي من الموقع ومنتجات قديمه عندي حابه اسويلها ريفيو :

بلشرات كريميه | How 'Bout Them Apples? 

احلى شي بذا بالم ، اشكالهم والتغليف دايما يبهرني وله شكله محد نفسه! دايما تعجبني الباكيجنق وانبسط باستخدامها p;
هذي مجموعه بلشرات كريميه عباره عن ٦ الوان ، انا افضل البلشرات البودر صراحه بس صارلي فتره ابي لوك ديوي "ندي" وافضل شي البلشر الكريمي يعطي لوك ندي ورطب وخاصه مع الصيف وثباته جميل!

الوانه متنوعه واغلب الدرجات فيه :



سواتش من النت :

ماجربت كل الالوان ، بس باي جمميل وحتى كريسب ، بالبدايه حسيتهم خفيفين بس حسيت هذا افضل لان يمديك تدمجين اللون وتزيدين ، لان لو الصبغه قويه مايمديك تخففين منها ، تندمج بسهوله ، في لون خفيف اسمه سايدر لما حطيته مابان مرره! بس لقيت له حل فخليته بيس لبلشر ثاني ، يعني حطيته وحطيت فوقه بلشر بودر وحبيت النتيجه عزز اللون وخلاه لمده اطول.

سواتش ع الوجه من النت :

طريقه الاستخدام :
وزعته اول شي بالستيبلنق برش من سيقما وعادي اي ماركه ثانيه

هذي بدائل لها:

وبعدها دمجته بالبويتي بليندر ، ممكن توزعين باصبعك بس الدمج ماراح يكون مضبوط!
ع طاري البيوتي بليندر ضرووري كل بنت يكون عندها منه ضروري ضروري ، بسوي عنه ريفيو اذا حابين ولو انه مو محتاج لانه اشهر من نار على علم .. بس قولولي لو تبون عنه p:
تحصلونه هنا ♥♥ "اضغطو ع الكلمه"

ميزه هالبلشرات ممكن توزعينها ع شفايفك بعد ، وصبغتها ولونها جمميل ..
سواتش من النت "اللون يختلف ع حسب لون الشفايف بالطبع"

حبيت الباليت وحبيت الالوان فيه وتحصلونه هنا  ♥♥

ذكرني بباليت كتبت عنه قبل اسمه ذا بالم جوفي ، رابط البوست للي حاب يطل عليه هنا
وينباع بعد بالموقع تحصلونه هنا ♥♥

 مرطب ملون | The Balm Shelter Tinted Moisturizer

ذا بالم شيلتر تيند موسترايزر ، التيتند موسترايزر هو مرطب بس معاه لون ، يعطي تغطيه جميله ومايبان ثقيل ع الوجه ، ينفع للطلعات السريعه والدوام الصباح لان خفيف ع البشره ، هذا التينتد موسترايزر كان من مفضلاتي الشهر الي فات كللله ، استخدمته كثير وحبيته ، تغطيته خفيفه ودمجه سهل ع البشره ، للي حاب تغطيه اكبر يحط كونسيلر ، حسيت يوحد لون البشره بشكل حلو ، درجتي :



شوي افتح من بشرتي بس مو مهم لان حسيت يتفاعل مع البشره ويغمق بعد فتره ، واثبته بمينرلايز باودر من ماك درجه ميديوم دارك ، البودره من اخذتها ومو حلوه مع اي فاونديشن بس مع التيند موسترايزر جمميله وتعطي لوك حلو ، ثباته مو كبير ممكن ٤ الى ٥ ساعات بالكثييير وبعدين يبدا يخف ، معاه واقي من الشمس نسبه ١٨٪ واحس ميزه ممتازه!

اوزعه بالبيوتي بليندر وممكن باليد ، تحصلونه هنا. ♥♥

Balm away | مزيل المكياج

مزيل المكياج بالمز اواي ، هذا المزيل عباره عن ماده لزجه قريبه للفازلين بس بتركيبه اخف ، فيه فيتامينات ، تساعد على ازاله الميك اب وخاصه ميك اب العيون ، في كثار قارنو بينه وبين الفازلين فحبيت اجرب بنفسي واشوف!

مسحت ميك اب العيون ، عين بفازلين وعين ببالمز اواي ..

النتيجه كلهم ازالو ميك اب العيون! بس بالمز اواي اسرع واحتجت كميه اقل ونظف الماسكرا اكثر من الفازلين وغير هذا مايخلي احساس اللزوجه بالعين بالعكس يخليها رطبه لان فيه مواد مرطبه وماحسس عيني ، عكس الفازلين اذا دخل العين مشكله! باختصار بالمز اواي افضل بالنسبه لي من نواحي كثيره بس الي مايبي يصرف فلوس يستخدم الفازلين وينتبه لعيونه،

طريقه الاستخدام:

ناخذ كميه بسيطه ونمسج منطقه العين لمده ٣٠ ثانيه لحد مانحس كل الميك اب بدا يذوب ، وبقطنه نظيفه نمسح الميك اب او ممكن بفوطه رطبه.

انصح بالمزيل اذا انتي من النوع الي تحبين تحطين ميك اب عيون وخاصه بالمناسبات ، تحصلونه هنا.♥♥

Hot mama blusher | بلشر هوت ماما

بلشر هوت ماما بس مستتره ههههههه ، ماخذته من الكويت عشان كذا ملبسينها p:
البلشر هذا قارنوه كثييير ببلشر نارس المشهور اورقازم بس انا ماجربته صراحه ، الجميل بالبلشر انه مايل للمشمشي فيناسب بشراتنا اكثر ، فيه قليتر خفيف يعطي توهج للبشره ، صبغته خفيفه تقريبا بس حلو عشان تقدرين تزيدين عليه، ثباته ممتاز صراحه اقارنه بماك!



سواتش من النت:

من الالوان الي احبها وتناسب التان وتناسب اغلب اللوكات وخاصه الليل ، تحصلونه هنا. ♥♥

 بلشر فرات بوي | frat boy blusher 

من البلشرات الي اعشقها ، ماحب الوردي ع الخدود كانها لعبه بس هذا جمميل يعطي التوهج الوردي الناعم مو الاوفر كانه حق باربي! هو لونه مشمشي بس لما احطه ع الخدود يصير وردي ع كورال شوي ، 

سواتش من النت:

نفس الشي بالنسبه لثبات وغيره ، بس الفينيشينق حقته مات او مطفيه مو نفس الهوت ماما فيه لمعه شوي ، كل البلشرات ماتطلع جميله الا اذا دمجتيها صح فلازم تنتبهين ع النقطه هذي ، واغلب البلشرات تنفع كشدوز يعني اثنين في واحد ، كميته كبيره فمناسب للسعر حيل ، وتحصلون هالمنتج هنا.♥♥

betty lou bronzer | برونزر بيتي لو

اضاءه برونز بيتي لو ، هو برنوزر وهايلاتر -اضاءه- شدو وينفع للجسم يعطي لمعه لان العلبه شوي كبيره ، لونها كراميل مايل للعسلي فيها اضاءه ذهبي ماقدر اسميه قليتر ، اول شي كنت استخدمها كبرونزر وجممميله جدا مع انو مرات فيها لمعه ماتنفع للكونتور ، مافكرت استخدمها كاضاءه صراحه بس كنت حاطه برونزر من نارس وكان مطفي وضفت هذا كاضاءه ع الخدود وعطاني لوك جمميل لان فيه لون ذهبيه!



ملمس البرونز مثل اي منتج من ذا بالم ناعم ، ودمجه سهل وصبغته قويه.

سواتش من النت:

انصح فيه مرره ، من منتجاتي المفضله ، تحصلونه هنا. ♥♥

mary lou highlighter | اضاءه ماري لو

 من زمااان ابي اجرب هالاضاءه بس كنت تو مشتريه سوفت اند جنتل وقلت انها كافيه بس ماحسيتها قد المدح ، صح حلوه بس الاضاءه تبان بالتصوير اكثر ، وناعمه مرره ماحبيتها مثل ماحبيت ماري لو!

ماري لو تبان من اول ماتحطينها ولمعتها اجمل لان تميل للون الشامبين اكثر ، جتني هديه عينه صغنونه وحبيتها واذا خلصت بجيب الاكبر اكييد!

صبغه ماري لو اقوى من ماك ، فلازم مانكثر ، ماك احس مهما حطيت مايبان الا اذا باضاءه قويه ، ماري لو من اول نقطه يبان ، تقدرون تستخدمونه كشدو او اضاءه تحت الحاجب او عند مدمع العين ، تحصلونه هنا.

سواتش من النت:

اخر شي ايلاينر ذا بالم!

schwing the balm | ايلاينر ذا بالم

سوري مختفيه ملامحه p: مع انه مو قديم مره بس يالله ، من افضل الاكحال مدري الكحول :| المهم ، من زمان مشتريته وضاع وماقدرت ماشتريه مره ثانيه! لون اسود فااحم ، فرشته نحيفه وسهله بالرسم ، مشكلته الوحيده ماينشف بسرعه فاذا غلطتي لازم تنتظرين ينشف وترجعين تمسحينه ، احبه وبالنسبه لي اسهل ارسم فيه من الجل ايلاينر ، راس الايلاينر حاد عشان يسهل الرسم ومره بالغلط سحبته خفيف من قدام ع اساس في خيط طلع وبضبطه وجبت العيد ، لاتسون نفسي لو سمحتو :$

تحصلونه هنا. ♥♥


لاتنسون تجربون الموقع وتستخدمون قسيمه الخصم لان جد انصح فيه ، القسيمه تخلص نهايه شعبان مثل ماذكرت،
الموقع :
https://ksa-shopper.com/store/
وممكن اذا سجلتو فيه تكتبون رايكم الشخصي تحت كل منتج تساعدون غيركم
تويتر وانستقرام @ KSAShopper

وبس خلصت بوست اليوم الطويل جدا جدا :|
اذا مجربين شي من الي ذكرته وحبيتوه او ماحبيتوه شاركوني بالكومنتس احب اسمع ارائكم.

للتواصل معي ع التويتر والانستقرام 
الايكونز ع يمين الشاشه

لاتنسين الاشتراك بالمدونه ليصلك كل جديد ..
كونو دائما جميلين ♥ ..

xo Gorgeous