روتيني الصباحي ، كيف آبدأ يوم منجز؟ ♥

السلام عليكم وَ رحمه الله وَ بركاته ♥♥

كثير تمر علينا ايام خمول أو كسل أو مزاج سيئ ، في هذي وحده من الطرق الي أتبعها

حتى اتنشط وماأخلي الكسل يستحوذ على يومي وأفتح نفسي لإنجاز المهمات

الحمدلله بعد سنين من المعاناه لتعديل النوم قدرت أضبط نومي واستمتع بالصباح لأن مهما كان

أفضل وقت للإنجاز الصبح وتحسين يومك كل بركه :)♥

أول خطوه: إصحي بدري

أول شي أسويه بس أصحى بدري أشرب كاس مويه ♥♥ مو طبيعي كيف يعطيك نشاط خاصه لو معاه قطع ليمون أو نعناع

لاتستهينون بقدره الماي وخاصه على الريق وينظف الجسم ويخليك مستعده للخطوه الي بعدها!

ثاني خطوه : فطور صحي

للي يتابعوني سناب يعرفون اهميه الفطور بالنسبه لي  ، مستحيل أبدأ يومي بدون وجبه فطور♥♥ ،  كل ماكان الفطور صحي وبعيد عن الدهون يكون أفضل وأخف ويعطيك طاقه بدون خمول ، حاولو تبتعدون عن الأكل الثقيل الصباح واكتفو بشي خفيف ولكن وجبه متكامله بنفس الوقت

ثالث خطوه : شور سريع

الشور يصحصح الناس بس أنا يخليني انام اكثر ههههه ، عشان كذا الشور عندي مايتعدا ال١٠ دقايق

عشان كذا اخترت منتجات بسيطه بس نتايجها كويسه جدا ، فأبدأ بغسول الوجه الكريمي من فرانك بودي ♥

رابطه من موقعهم (هنا)

صارلي فتره استخدمه ومرتاحه عليه وان شاء الله بس اخلص منه اعطيكم الريفيو كامل

هو غسول كريمي واهم مكوناته القهوه الي تساعد على تدفق الدم بالبشره ، ريحته حلوه بسبب مكوناته مثل جذور المارشميلو الي ينبت في الوطن العربي ، الغسول ممتاز للبشرات الحساسه عشان كذا مرتاحه عليه وايضا يساعد على شفاء حب الشباب بشكل اسرع وتهدئه حروق البشره

ثاني شي فيه الفحم المعروف انه مضاد للاكسده ويرطب البشره الجافه ، استخدمه بحركه دائريه على البشره لمده دقيقه تقريبا

ثاني خطوه بالشور البطل هذا الي صاير من مفضلاتي! سكرب البشره الكريمي من فرانك بودي بعد (رابطه هنا)

هو غير عن باقي المقشرات الي جربتها لان حبيباته ناعمه على البشره ومايخدشها

من استخدامي البسيط له يعطي ليونه للبشره والقهوه عنصر اساسي فيه مثل باقي منتجات فرانك الي لها نفس مستوى الph للبشره عشان كذا مايجففها مثل باقي المنتجات وايضا الطين من مكوناته الي معروف عنه يطرد السموم من البشره ويهدئها والطين فيه ماده السيليكا الي تزيل الجلد الميت

طريقه استخدامه سهله بعد الغسول احطه على بشرتي وافركها بشكل بسيط لمده دقيقه واخليه لمده ٣ دقايق بدون غسل ♥

بالوقت هذا سكرب الجسم بالنعناع اللذيذ (هنا الرابط)

اقدر اقول انه بطل البوست ليش؟ لان النعناع ريحته بس تعطيك انتعاش ونشااااط

وحده من متابعاتي نصحتني استخدمه الصباح وفعلا ماقدر استخدمه الا بالوقت هذا :)

من مكوناته :

القهوه - النعناع - زيت الزيتون - الصبار

يساعد على تنظيف الاوساخ والقشور عشان كذا ينصحون فيه للناس الرياضيه بعد و يهدئ العضلا والتعب وعلامات الاكزيما والصدفيه ♥ ♥

يحتوي بعد على زيت الزيتون الي غني بالمعادن والفيتامينات ويساعد على تطريه الجلد ♥

الي شفته بعد استخدام السكرب ، هو نعومه الجلد والنشاط ويعطي توريد خفيف للبشره ، للان ماقدر احكم عليه تمام الا بعد ماخلصه بس حابته جدا ، ريحته يمكن ماتعجب الكل بس عجبتني ، الجفاف ببعض المناطق الي ببشرتي شبه اختفى ترطيبه مو كبير فماحتاج احط شورجل بعده مثل ماكنت اسوي بسكرب جوز الهند لان بشرتي دهنيه ، الي بشرته جافه يحتاج ترطيب بعد الشور اكثر ♥

طريقه الاستخدام سهله جدا ومثل باقي المنتجات:

تاخذين كميه مثل الي بالصوره وتطبطبين بشكل خفيف على البشره عشان مايطيح المنتج بالشور وتستفيدين منه

بعدها ابدي استخدمي يدك بدون الحاجه لليفه او شي ثاني ، بحركات دائريه من تحت لفوق وركزي على المناطق الي تحسين فيها مشاكل لاتتحمسين بالتفريك عشان ماتجرحين جلدك ، اتركيه دقايق على البشره لحد ماينشف وبالوقت هذا اغسل بشرتي وافرش اسناني ♥

وبكذا خلصنا الشور ب١٠ دقايق بس او ممكن اقل ، بعدها تقدرين ترطبين بشرتك وتتجهزين لباقي يومك لو عندك دوام او مشوار مهم ، بس بما ان شغلي كله بالبيت انتقل للخطوه الثانيه :)

رابع شي : اشربي مشروبك المفضل

مثل مادلعنا بشرتنا وخليناها تصحصح الحين وقت نصحصح المخ ، اشربي مشروبك المفضل مهما كان عن نفسي القهوه مايروقني غيرها ويسوي مساج للمخ!

اجلسي بمكان تهويته ممتازه وفيه اضاءه وابتعدو عن الظلام بيجيب لكم النوم غصب عنكم

اخر خطوه : خططي!

اكثر شي يخليني انجز التخطيط واتوقع شبعتو من الجمله هذي من كثر ماكررها ، بدون تخطيط يومكم بيروح على الفاضي

اغلب المعلومات تركز اذا حطيتيها بورقه قدامك يخليك تترتبين وتعرفين اولوياتك بدون لخبطه او تحصلين نفسك يومك انتهى وانتي للحين بمهمه وحده ، التخطيط اقدر الخصه بخطوات بسيطه ، اكتبي مهام اليوم بورقه وابدي باهم شي ثم الاهم ثم الاقل اهميه لان اذا خلص يومك بدون ماتنجزين الاقل اهميه ماراح تزعلين مثل مايخلص يومك وانتي مانجزتي الاهم :)

الاهم من هذا كله ، ابدي يومك بحب وايجابيه خلي نفسيتك متقبله لكل شي ، مرات مايكون يومك مثل ماتبين بس حطي ببالك بكره بيكون افضل ويكفيك شرف المحاوله ، خلي يومك ممتع ومنجز والاهم عيشيه بحُب

ملاحظات:

منتجات فرانك بودي المذكوره كلها تحصلونها بموقعهم هنا :

https://int.frankbody.com

اسعارهم ارخص من التاجرات ع فكره

ويوصلون دايركت للدول العربيه بس عن نفسي جربت اشحن لبريدي الامريكي ، الطلب سهل بس تحتاجين فيزا وعنوان ، وكثير مواضيع شرحت طرق الطلب مع التعود بتدمنون الاون لاين شوبينق :)

اذا حبيتم معلومات اكثر عن السكرب كتبت عنه بوست قديم هنا:

http://igorgeousta.blogspot.com/2015/03/blog-post_26.html

اتمنى يكون هالتدوينه افادتكم واشوفكم بتدوينات افضل باذن الله :)