قيف اواي من قورجس ومتجر ذا بيست .. لأني أحبكم ♥♥♥ -انتهت المسابقه-

السلام عليكم وَ رحمه الله وَ بركاته

بوست اليوم مختلف شوي ، هو شي بسيط مني لكم ♥

مدونتي مثل مو عارفين كملت ٣ سنين ، جدا سعيده بوجودي معاكم ومشاركتكم لحظات حياتي كل هالمده

وجدا اسعد ان كل سنه تشوفون تغيرات بحياتي ، اتوقع اكبر تغيير هالسنه هو افتتاح متجري "فلوريست"

مره حبكم ودعمكم يعنيلي الكثيير خاصه بنات السناب شات والله احسكم مثل خواتي وصديقاتي  ♥♥

،

فهذا شي بسيط تعبير عن حبي ووقفتكم معاي بكل وقت  ♥♥

هديه اليوم مقدمه مني ومن متجر ذا بيست @thebest_16

والتغليف من متجر فلوريست ، السله الخشب ومق "خلك للحياه .. حياه" 

كثيير يبي يقتني شي من المتجر بس مايكون متواجد بالرياض

فهذا شي بسيط مني ويارب يعجبكم .. ♥

نشوف شنو محتويات الهديه ؟

كتاب بينفت المخصص بالحواجب ، مره كيووت وحبيت اضيفه لان كثير حبوه

محتويات الكتاب .. بودره وواكس باليت ، قلم هايلايت لتحت الحاجب ، ماسكرا حواجب بلونين

ماسكين للوجه وماسكين للعين من سيفورا 

سيت كامل للاظافر من او بي اي

باليت شدو ناتشورال مات من توفيسد ، من اجدد مانزلته هالماركه

كليراسونيك والي كثييير تحمسو لها ، هي اداه تنظيف بشره ومعاها غسول ♥

بالنسبه للهدايا المقدمه من متجر ذا بيست

من اليمين التفاحه الخضراء ماسك ومقشر ، الحمراء كريم يدين

الي وراء كريم عيون ، البيض غسول للبشره للمسامات مشهور مره 

الي تحت اعواد فيها مزيل للميك اب

من اليمين سبراي وجه يعطي لمعه من توني مولي

الي جنبه جل الصبار الكوري

الي تحت تينت لشفايف

اخر شي يسار سكرب قهوه

من اليمين مرطب شفايف والي جنبه فاونديشن واخر شي زيوت الارقان للشعر

من اليمين ماسكرا حواجب من ايتود هاوس ، جنبه تينت شفايف والي جنبه ايضا تينت شفايف

واخر شي قلم حواجب نفس انستازيا

اخر شي مقشر للارجل من توني مولي

،

وهذي هدايانا ان شاء الله تعجبكم :)

كثير قالولي قسمي الهدايا وتكون فائزتين ، بس ودي الي تفوز تاخذ كل شي مع بعض ♥

،

كيف تفوزين بالهديه ؟ الشروط بسيطه جدا:

١. حطي هذي الصوره في انستقرامك.

:

٢. سوي منشن لحساب فلوريست @florist_sa وحساب ذا بيست  @thebest_16

٢. سوي فولو لحساب فلوريست @florist_sa وحساب ذا بيست  @thebest_16

٣. اكتبي بهاشتاق #هديه_قورجس

وبس ♥♥

المسابقه تبدأ من اليوم الي اسبوعين .. يعني بتاريخ ٢٩ سيبتمبر الموافق ١٦ ذو الحجه بنوقف

الحساب الي تشاركين فيه مايكون جديد او مخصص للمسابقات نبي حساب فعال وحقيقي p:

تقدرين تشتركين بثلاث صور مو اكثر ، المشاركات داخل السعوديه بس للاسف :(

لان في اشياء ماتنشحن مثل المناكير فمره مره اسفه

مره ثانيه شكرا كثيييير لدعمكم وحبكم ، الله يخليكم لي ♥♥♥