لوحه انقاذ الحياه ، لحياه مرتبه ♥♥ #الهام

السلام عليكم وَ رحمه الله وَ بركاته ♥، مساء الانجاز والحياه المرتبه البعيده عن الحوسه p: نزلت قبل فتره صوره بانستقرامي عن لوحتي الجميله ، جميله قلبا وليس قالبا p: وكثار طلبو يشوفون تفاصيلها ، وانا ماقدر اقول لأ لمتابعاتي الجميلات :$♥ بس أول شي حابه أوضح انو اللوحه فكره من تأليفي ممكن تطبقون مثلها بس بإسلوبكم الخاص ، انا أحاول قد ماقدر أرتب المهام الي علي سواء كانت للبلوق او شغلي او لحياتي عموما ، وهالطريقه حلوه وبتكون أحلى لو خليتوها أكشخ من لوحتي طبعا هههههه ، ان شاء الله بس اجيب مكتبي الجديد بعيد صياغه اللوحه بشكل أجمل وَ أرتب.

هذي اللوحه بشكل عام مقسمه لكذا قسم ،

اول قسم والمهم طبعا ، قسم المهمات وقسم الانجازات ، قسم المهمات هي المهمات الي حابه تنجزينها ومقسمه 

عاجل للمهمات الي لازم تنجزينها ضروري وماتتأجل ، متوسط للمهمات الي اقل اهميه وممكن تنقلين المهمات بين هالهخطين يعني اهم شي ممكن يتأجل لأقل أهميه فتنزلينها لقسم "المتوسط" والعكس ، اما قسم "في البال" هي مهمات بس مالها وقت انتهاء او تكون ببعد فتره بس اكتبيها عشان ماتنسينها ..

اما قسم الانجازات اي مهمه تخلصينها تحطينها فيها عشان تنبسطين بعدد الانجازات الي خلصتيها ♥p:

قسم الأفكار ، هي أشياء خطرت ع بالي وابي اسويها بعدين او الهام نزل علي فجأه هههههه ، اكتبو افكاركم لو اشياء بسيطه عشان ماتطير :)) الفرق بينها وبين المهام ، انو المهام اشياء او اعمال تسوينها اما قسم الافكار فهي افكار خطرت ع بالك ممكن تفيد المهام او متعلقه بمشروع معين يعني تعزز المشروع الي تسوينه او تضيف له.

 قسم في خاطري ، هي مو افكار او مهام بس امنيات اتمنى اسويها بعدين ومالها تصنيف باللوحه حقتي.

الي نحتاجه مغناطيسات *عجزت اجمعها هههههه* قلم ، اوراق ملونه او ستيكي نوت الي تتلزق ، اقلام سبوره هي الي سويت فيها اللوحه ، تقسيمات اللوحه ورقه بيضا كتبت عليها وقصقصتها ولزقتها بلزاق يعني شغل سريع p:

أشياء جانبيه ممكن تساعدك ع الترتيب هالنوتتين ماخذتهم من فيرجن ميقا ستور بدبي بس ممكن تحصلين شي مشابهه او تسوين نفسهم ، الحلو فيهم انهم اقدر الزقها ع اللوحه فيها مغناطيس.

هذي اسمها ٥ ايام بالاسبوع ، تكتبين مهامك اليوميه لكل يوم ، وبنفس الوقت تنفع باد للماوس حلوه للي يشتغلون ع مكتب تساعدهم بترتيب المهام.

الثانيه تنفع لربات البيوت ههههههه ، لوحه "شنو ناكل" تكتبين الاكلات اليوميه للاسبوع كامل والاشياء الناقصه الفطور والغدا والعشا♥♥ ، حلوه لتجميع الأفكار ، تحمست اول ماشريتها وبعدين سحبت عليها p: بس حلوه بعد للي عنده خدامه تكتب لها كل شي عشان تفتك من سؤال : "ماما ايش يبغى عشا" p; 

اللوحه من ايكيا والمغناطيس بعد ، اشياء بسيطه ممكن ترتب حياتك وتزيد انتاجيتك ، واكيد كل ماكان شكلها أحلى بتحمسك أكثر ، اكتبو كل شي تبونه قدامكم هالطريقه تسهل حياتكم وتبعد عنكم الحوسه صدقوني :) ان شاء الله أكون ساعدتكم لو شوي ، اتمنى لكم حياه مرتبه وإنجازات عظيمه D= 

للتواصل معي ع التويتر والانستقرام 
الايكونز ع يمين الشاشه

|

لاتنسين الاشتراك بالمدونه ليصلك كل جديد ..
كونو دائما جميلين ♥ ..

xo Gorgeous