ريفيو ماسك مشاهير هوليود قلام قلو ♥ Glam glow mask first impression

السلام عليكم وَ رحمه الله وَ بركاته ♥ كيفكم وكيف عيدكم ان شاء الله انبسطتو فيه مثلي ♥♥♥♥ من تجهيزاتي للعيد من ناحيه البشره هذا المنتج الي خاطرت اجربه لاول مره قبل مناسبه مهمه لان بشرتي اصلا تعبانه فهي خاربه خاربه لول ، البوست اليوم بيكون ريفيو عن ماسك قلام قلو الشهير وانطباعي الاولي عنه ، ماسك قلام قلو انشهر كثيير هذي الفتره واكيد سمعتو انه اختيار نجمات هوليود الاول عشان كذا سموه ماسك هوليود.




من موقعهم المنتج يوعد :

- يترك البشرة متألقة ومتوهجة بشكل ملحوظ.
- ينشط الكولاجين.
- يوفر تقشير لطيف الظهور.
- يساعد على ترك الجلد أكثر سلاسة وأكثر إشراقا وأكثر ليونة.
- يشد الجلد ومسام أكثر إحكاما.
- يساعد على توفير مظهر أكثر شبابا.
- يمتص الشوائب دون إزالة الزيوت الطبيعية.

- يساعد على حماية ضد ضرر تقدم السن.



تجربتي :

طبعا هذا انطباعي الاولي عن المنتج يعني جربته مره وحده بس واكيد النتائج بتكون اكثر وضوح بعد عده تجارب ، بشرتي مختلطه\دهنيه معرضه لحب الشباب ، علبه المنتج متينه وتحافظ عليه بشكل رائع لانه شبه سائل تقريبا وممكن يجف بأي لحظه فلاتنسون تسكرون غطا العلبه بشكل جيد ، مثل ماقلت المزيج شبه سائل لونه رمادي ريحته فيها شاي اخضر لانه من مكوناته اصلا ، اول ماتحطينه ع البشره ينشف بسرعه ويتغير لونه للون فاتح وملامحك تتحنط p: 



حطيته بعد مانظفت بشرتي بالغسول وبعدين قشرتها بمقشر خفيف عشان اضمن احطه ع بشره نظيفه ، وزعته بفرشاه سيقما حقت الميك اب ، تقدرون توزعون باصابعكم اكيد بس حسيت بالفرشاه انظف يوزع صح وتاخذين كميه اقل من المنتج ولاتنسون تغسلون الفرشاه ع طول قبل لاتنشف وتخرب الفرشاه.

لما توزعون الماسك ركزو ع الخشم والتي زون وباقي الوجه طبقه خفيفه واذا بقى شي وزعيه ع الرقبه ، وابتعدي عن المنطقه ماحول العين لان جدا حساسه ، انتظرت ٢٠ دقيقه لحد ما ينشف وغسلته بماي دافي حطيت تونر ومرطبي وبس!

النتيجه:

هذي اول مره وبدون مبالغه شفت فرق! كنت اقرا عنه قبل لاستخدمه وقلت يمزحون مستحيل يبان شي من اول تجربه بس تأكدت بنفسي ، بشرتي صارت ناعمه جدا ، كان في قشور خفيفه ع الخد اختفت ، خفت الرؤوس السودا وصغرت المسام بشكل خفيف ، طبعا مافي شي واو من اول مره صح لازم تكرار اكثر من مره بس بالنسبه لاول تجربه عجبتني جدا جدا وبخليه ضمن روتين الاسبوعي ، لان المفروض يكون مرتين بالاسبوع بس احس مره كافي عشان مانرهق البشره.

اول ماتحطينه يلسعك وانا بشرتي ع طوول تصير حمرا فخفت من الناحيه هذي انو تتحسس بس لما غسلت البشره بالعكس كان فيه توهج جميل :)

وين تحصلونه ؟

اون لاين بمتجر فانيلا :

www.vanillaeshop.com 

وباقي الافرع والمحلات شوفو حساب وكيلهم بالسعوديه بالانستقرام ذاكر كل شي :

@daralmaysanco

سعره ٣٣٩ ريال وهو سعر ثابت بالخليج ، القناع كميته مو كثيره صراحه بس مذكور انو يكفي ١٢-١٤ استخدام بس اشوفه يستاهل وبكمل تجربته وان شاء الله مايخذلني :)

لفته منهم انهم مشاركين بشهر اكتوبر الخاص بسرطان الثدي الله يكفينا شره ، ١٠٪ من ارباحهم بيتبرعون فيها لجمعيه سرطان الثدي ، العلبه الي يكون ع طرفها لون بينك هي الي تشمل العرض بس ، منها تشترون ومنها تتبرعون لقضيه مهمه وتساعدون غيركم.

العلبتين الي فوق راح يكونون قيف اواي قريب ان شاء الله ، تابعوني بالانستقرام والتويتر عشان تعرفون موعدها بس اعلن عنها باذن الله♥♥♥♥.

للتواصل معي ع التويتر والانستقرام 
الايكونز ع يمين الشاشه

|

لاتنسين الاشتراك بالمدونه ليصلك كل جديد ..
كونو دائما جميلين ♥ ..