Saudi Creatives ♥ ابداعات سعوديه ~ #الهام

السلام عليكم وَ رحمه الله وَ بركاته ♥، الاسبوع الي فات جتني دعوه لمعرض Saudi Creative ، كان مقام بقاعه سيدانه بالمملكه المعرض خلص للاسف تمنيت انزل التغطيه قبل لايخلص عشان الي يعجبها شي تروح تاخذه بس ماشاء الله الاسبوع الي فات كان اسبوع الايفنتات ههههههه ، رحت متأخر كعادتي وَ ماشاء الله في اوج الزحمه ههههه ، اول شي قابلت العبيطه اميره وهي الي اخذتني فرفرت فيني بالمعرض ههههه ، قابلت منظمه المعرض العسسل ساره وَ بعدين هتاف صاحبه محل يونيك قيفتس♥، اثنينتهم عسل عسل وَ انبسطت بشوفه بنات طموحات مثلهم ، اول كورنر صورته والي بالنسبه لي اجمل كورنر بدون مجامله ! its sooooo meeee :( ♥♥♥♥ كورنر يونيك قيفتس :

هم الراعي الرسمي للمعرض ولهم محل خاص فيهم يجيبون بضاعه غريبه واحلى شي انها يونيك يعني من كل شي قطعتين بالكثير بس ! وَ يدعمون الاعمال اليدويه فمحلهم يعرض كثيير اشياء مسوينها بنات طموحات فخطوه حلوه منهم ()

بعد كذا رحنا لركن صندوق السيسم عجبني الاسم هههههه ، تمنيت اخذ صور اكثر لان شغلهم مميز بس ماشاء الله زحمه عندهم ..

شغلهم عباره عن دفاتر وَ قرطاسيه مستوحاه من التراث ماشاء الله شغل متقن وافكار رهيبه ! وبعد هذا رحنا ع الركن الكيوت الكيووت دوري لمستلزمات الحفل ♥ :

فكره دوري ، هم مجموعه بنات ينسقون الحفلات ويسون ثيم للحفلات ، حبيت شغلهم كثير ، وَ اخر صوره هذا دفتر لتقسيم المهر وَ تجهيزات العروس ، ابي اتزوج مره ثانيه هههههههههههه ، تصاميهم بسيطه وَ يجهزون لك كل شي من علب المويه للتوزيعات وَ غيره ، وبعدهم مرينا ركن الهنوف العمير ، رسامه جدا جدا جمييله انا سطلت عَ شغلها مااشاء الله متقن وَ روعه وَ اظن ترسم لكم حسب الطلب تمنيت اخذ صور اكثر لان ماعطيتها جمال رسمها حقه بالتصوير ♥♥♥:

وبعد كذا مرينا كونر كييوت ، مخصص للبس التنكري او الحفلات للاطفال ، حتى ينفع للمصورات الي يبون لبس مميز يصورون فيه الاطفال ! نسيت اسمه ياليت الي يعرف يقولي عشان اكتبه هنا :(

بعده شفنا ركن لمدرسه توحيد مااشاء الله عليها سوت كتاب مخصص لاعمال اليدويه كله من شغل طالبتها وَ بالركن هذا تعرض شغلها وَ شغل طالبتها ، مدرسه ملهمه ياليت كل المدرسات كذا يدعمون الطلاب لان المعلم اكثر شخص له تأثير عَ الطفل للاحسن او الاسوء♥♥♥♥ :

الي بعده كونر يبيع اشياء غريبه من شنط وَ ستاندات وَ ديكوباج وَ غيرها :





وَ ختامها مسك مع كورنر كله اشياء غريبه تسسسطل ! ايدايز ستور ، انا تكيت ع كورنرهم من كثر ماعجبني واشكشك بس اميره تقول خلاص امشي ههههههه ، شوفو معااي :

صورت كثيير بس ماشاء الله تعديل الصور ياخذ وقت طويل لو بيدي نزلت كل كل شي لان في اشياء كثيره مميزه وَ تستاهل العرض ، حبيت كذا كورنر مميز وَ في اشياء عاديه ، حسيت المعرض يرضي جميع الاذواق ، حتى خطوه جميله كانت انهم حاطين كورنر للتصوير الفوري مع سحر حماد وَ نوف ، تصورين وَ تاخذين صورتك عَ طول ، المكان جميل بس الزحمه ماخلتني اشوف شي صح هههههه حتى اشياء كثيره تو انتبهت لها بالتصوير :$ استمتعت بالمعرض هذا وَ ان شاء الله الجاي بيكون احسن ، شكرا لسارونه وتوفا♥♥♥♥ *ع كيفي ادلع* ، امور كانت معي وتقول يلا يلا بروح لان الاخت جايه من بدري وماخذه راحتها بالتصوير فتوبه اجي متأخر مره ثانيه ههههههههه ، اذا تبون صور وَ تفاصيل اكثر شوفو تغطيه ميمي هنا*

اشوفكم بتغطيات ثانيه ، للتواصل معي ع التويتر والاسك -غيرت اللنك- والانستقرام الايكونز ع يمين الشاشه

         

  

لاتنسين الاشتراك بالمدونه ليصلك كل جديد ..

كونو دائما جميلين ♥ ..