DIY Lip scrub & Lush review مقشر بينكي وَ سويها بنفسك ! #الهام

السلام عليكم وَ رحمه الله وَ بركاته ♥  مين مايشتكي من روج مخطط ومو ثابت او شفايف متشققه بشع شكل الروج عليها او شفايف بدون روج بس جدا باهته وَ متشققه وَ ناشفه .. انا من النوع الي شفايفي تعاني كثييير من الجفاف ومن وانا صغيره اعاني من المشكله هذي ومدمنه عَ تقطيع الشفايف باسناني ههههههههه ، بس العاده خفت تدريجي بس للان مستمره فيها وخاصه اذا صرت فاضيه امارسها :$♥ عشان كذا احرص دايما تكون شفايفي خاليه من التشقق عشان ماتعبث فيها ، احط مرطبات كثير كثير بس ماينفع ترطيب ع شفايف ناشفه او طبقه جلد ميت .. نفس حاله ترطيب البشره وسطحها جلد ميت ، كانك يابو زيد ماغزيت ! عشان كذا صرت اقشرها من وقت للثاني ، انا طبعي كسول احب الشي الجاهز قدامي ماحب اجلس اسوي خلطات واحوس ، عشان كذا اعتمدت مقشر لوش ♥♥ .. جربته وَ صار من منتجاتي المفضله الي اعشقها وَ اعشق ريحتها ! ريحه علك وَ طعم يمي *يس ينفع تلحسونه p:* مقشر لوش له نكهات ثانيه بس انا حبيت هذا ولونه بينك فخلاص ادماان ♥ .. مايسوي المعجزات طبعا بس يشيل الجلد الميت ، ماراح يفوتك شي لو ماشريتيه بس حلو كشي جاهز وَ شكله كيوت ..

اليوم حبيت اتكلم عن مقشر لوش وَ بديل له :

من محتويات مقشر لوش ♥

(سكر كاسترد + زيت الجوجبا -بحثت عنه البعض يقول نفسه الخروع والبعض يقول لا نبته اسمها الجوجبا فمادري :| + ملون + نكهه )

تذكرت كلام مس بوتيك لما ذكرت انو لوش تعتمد ع مقوله انو كل منتجاتهم طبيعيه وَ عضويه بس لما قريت المحتويات اكتشفت العكس تماما .. تدخل ملونات ونكهات صناعيه وهالشي طبعا بعيد كل البعد عن الطبيعه :@ صح ماله ضرر كبير بس الي ماحبيته انو معتمدين ع هالجمله بالتسويق واحسها كذبه .. نرجع لمقشرنا ، طريقتي بالتقشير ابلل شفايفي قبلها بوقت وبعدين ااوزع المقشر وافرك بس مو بقسوه اكيد ، يقولون عادي تلحسين الزائد بس لا انا اقاوم الريحه الجميله واغسله p: وبعدين احط مرطبي ،

مميزاته :

- شي جاهز ومحضر قدامي -اي كسوله :$-

- ريحته جميله وَ يقشر صح ♥

- تستفيدين من العلبه اذا خلص وَ بسوي مقشري الخاص ههههههه ،

- شكله وَ لونه يحمس للتقشير :$

عيوبه :

سعر المنتح ٦٧ ريال تقريبا وحسيته مبالغ فيه لانه بس سكر وَ زيت !

هل برجع اشتريه ؟ احتمال كبير لا بسبب انو سعره تو متش ع مكونات عاديه ، لما تستخدمونه بتحسون بتورد الشفايف بس لانك جالسه تمسجين الشفايف فمايفرق ابد ، احس لو بدفع بدفع ع مرطب لانه اهم من المقشر اكيد ..

عجبك المنتج بس مستخسره سعره او لوش مو قريب منك ، قورجس جابت الحل ♥p: حاولت احاكي مقشر لوش وَ سويت سكرب خاص فيني ، من منتجات متوفره عندي وَ اكيد متوفره بكل بيت.

نحتاج :

- ملعقتين سكر ناعم (لو سكر كاسترد مثل مو مكتوب ع علبتهم افضل بس مو متوفر عندي)

- ملعقه وَ نصف زيت اللوز المر (تقدرون تحطون اي زيت مايفرق وَ لو تبون شي طبق الاصل جيبو زيت الجوجبا او الخروع)

الهدف يكون السكر مو مره ذايب فخلو دايما كميه السكر اكثر بشوي من الزيت ، وَ بس عندكم اجمل مقشر ♥♥.. جربته اليوم وَ حبيت النتيجه ، بسيطه وَ ماتكلف شي ،

هنا مدونه بالنت حاكت نفس المنتج بالضبببط وَ جابت ملون طعام بلون البينك ، في فرق ؟

يمين مقشرها وَ يسار لوش ، تقول انو الفرق الوحيد هو الريحه وَ الطعم بس كشكل او نتيجه نسخه طبق الاصل منها ، عاد انتي تقدرون تتفنون بالالوان وَ تغيرون الزيوت او حتى تستخدمون عسل او سكر بني ، ابتكرو مقشركم الخاص حطوه بعلبه كيوت ♥، سموه باسمكم وَ خلو منتج بصنع يدينكم تفتخرون فيه p: اذا تبين روج حلو او شفايف مورده اهتمي بتقشيرها وَ ترطيبها ترا مع الوقت ممكن تسود او تحسين ببهتان لاتنتظرين للوقت هذا واهتمي من الان ♥♥ هذا كان كل شي لبوست اليوم اتمنى تكونون استفدتو ♥

للتواصل معي ع التويتر والاسك-غيرت اللنك- والانستقرام الايكونز ع يمين الشاشه


 



لاتنسين الاشتراك بالمدونه ليصلك كل جديد ..
كونو دائما جميلين ♥ ..