،
السلام عليكم وَ رحمه الله وَ بركاته 
كيفكم يَ جميلات ؟
التدوينه هذي من زمان ببالي بس ماعرفت كيف أبدا فيها!
بس قلت بخليها كسوالف عاديه ، هالبوست تغيير وبس تدوينه بشكل عام :)
نغيير شوي من الميك اب وَ الفاشون والأشياء الثانيه
لان بالنسبه لي هذا أهم موضوع بس مع زحمه الحياه أحس نسيناه أو صار شي ثانوي !
أكيد كلنا نحب نطلع بشكل حلو وَ نخلي انطباع جميل للناس 
نهتم باللبس والميك اب والبشره ، بس البعض ابدا مافكر بأخلاقه اسلوبه اتيكيته قدام الناس !
بالنسبه لي نقدر نوصل لقلوب الناس بابتسامه من القلب طالعه ،
عادي تبتسمين بوجه الناس مو حرام والله
بس مو تتمشين بالسوق والاماكن العامه وتبتسمين للرجال وتقولين صدقه ههههههههه
حلو نكون عَ خلق ، حلو نوري الناس انو أمي وَ أبوي ربوني صح !
!
حلو اذا طلعنا من مكان يقولون الله يذكر فلانه بالخير ، حلو نخلي انطباع حيد عنا
اكيد ارضاء الناس غايه لاتدرك !
بس دايما وَ أبدا خلي انطباع حلو عنك ومايهم ايش يقولون أهم شي انو تكونين راضيه عن نفسك
أستغرب من الناس الي تخلي مزاجها يتحكم فيها
واذا اجتمعت مع الناس وهي معصبه تنطقر ع الكل وتنشر الطاقه السلبيه
مطنقره خلي طنقورتك لك ههههههههه مو شرط تحضرين !
او حاولي تتناسين ع الاقل قدام الناس لاتنكتين وتستهبلين بس ع الاقل لاتكشرين بوجيه الناس
وخاصه لو ناس ماتمونين عليهم عيب!
ودي أكتب الاشياء الي اشوفها عيب بالعزايم يوووه عندي لسته طوويله ههههههههههههههه
شرايكم أكتب عن الاتيكيت وَ كيف نتعامل مع المواقف "من وجهه نظري طبعا"
هالبوست بخليه بشكل عفوي ، اذا عجبكم الموضوع بكتب بوست كامل ان شاء الله :)
من الاشياء الي تضايقني الناس المشفوحه او الي مو شايفه خير :\
حتى لو انتي ع قد حالك خلي عندك عزه نفس شوي !
انا اذا شفت شي يعجبني عند وحده عادي اسألها بس بأدب
ما آقول وين وين ماخذته بكم سعره وين المكان بلا بلا بلا !
حلو التأدب بالحديث ممكن تقولين جميل ماشاء الله ممكن اعرف من وين ؟
اذا قالت ، قولي عليك بالعافيه \ ملبوس العافيه \ تتهني فيه
اللسان الحلو والابتسامه بتخلي الكل يحبك غصب ههههه
اذا شفتي احد حياته احسن من حياتك او هي الحياه الي تتمنينها
قولي الله يتمم عليها ، الله يرزقها اكثر واكثر ، الله يسعدها ويوفقها ..
محد حياته بيرفكت ولا عايش الحلم الوردي في ناس مقتنعه وراضيه وفي ناس تطور نفسها
لاتفتحين عيونك ع الناس ويبدا شغل الشفاحه فلانه سوت فلانه راحت ياحظهاااا
ياليتني مكاانهااا ! احس الي يسوي كذا انسان مريض ،
الحسد ترا مرررررض بالقلب وبتتعبين وانتي تقارنين وعيونك ع غيرك
قولي الله يسعدها والله يرزقني
محد جت حياته حلوه بالصدفه ، والبيوت اسرار مانعرف كل شي ..
اشتغلي ع نفسك وطوريها حتى لو بابسط شي
تتبطحين وتحسدين غيرك
ربي ماراح يوفقك : )
تتمنين وتدعين ربك بس مستحيل بيجي الرزق والراحه ع رجولها لازم تشتغلين عليها
والله بيسهلها عليك اذا نيتك صافيه وقلبك نظيف ..
شي ثاني بتكلم عنه الناس الي متخفيه ورا "النيك نيم" بعالم النت
من زماااان وانا ادخل نت واحوس فيه بس سبحان الله كل مره اقابل ناس امرض من الي قبل
مو شرط ناس وجههو لي كلام معين، لا لما اتابع المشاهير والناس المعروفه اشوف المرض
، لا لما اتابع المشاهير والناس المعروفه اشوف المرض
مو معناته انك متخفيه باسم ومحد بيعرفك خلاص تاخذين راحتك وتسبسبين بالناس
بس تطلعين بقلبك وتخلصين حتى لو محد عرفك ايش رايك بنفسك ؟
خلاص بردتي حرتك ؟ خلاص الدنيا صارت حلوه الحين ؟
خلاص صرتي الواو والكول والي محد بيقفطني هههههههههههههه
اذا الشخص ماسوا شي غلط وماغلط عليك انت بالذات او قل ادبه
فما عندك اي اي اي حق بالتعدي عليه ، لان ممكن مسمى واحد يصف حالتك
"مرض نفسي وَ الغيره"
اذا تعديتي ع شخص بدون حق يعني انتي غيرانه
انتي تتمنين حياته ، قاهرك ومشغل بالك واول ماتدخلين النت تبحثين عن جديده
والله اتخيل الي يسبون :
اف اف يجنن لبسهاااا
بعدين تكتب :
ووع وش هالذوق المخيس
،
ياللييييت اساااافر نفسهااااا :(
بعدين تكتب :
الحمدالله والشكر مو شايفه خير بس تصورين انتي اصلا ماتطلعين من باب بيتك ههههاااي
،
اسلوبها يجنن والنااس تحبها !! ليش محد يحبني !!!
بعدين تكتب :
من زينك ومن زين الي تسوينه ماخذه مقلب بنفسك ههههههههههه
*طبعا هالسيناريو كله من مخي ههههه*
يامااماا ياحبيبتي اذا انتي تكتبين هالكلام وتقولين لا ماغار بس الناس مستفزه !
كل واحد يمثل نفسه وتربيته ، وترا جد جد جد حطيها حلقه باذنك
، وترا جد جد جد حطيها حلقه باذنك
مو كل الناس جايه من نفس المجتمع مو كل الناس نفس التربيه مو كل الناس نفس الاسلوب
الحين اذا دخلتي الجامعه تنصدمين من المجتمع فماابااالك بعالم كااامل
فيه الصاحي والمجنون هههههههه
لاتحكمين ع شخص ماتعرفينه لاتنتقدين بوقاحه
انتي تمثلين نفسك حتى لو كنتي ورا اسم مستعار ، اثبتي لنفسك ان عندك اخلاق ومتربيه حتى لو محد درا عنك
اذا ع كذا خلاص محد بيصوم اذا ماكان احد بيشوفه وكل ماجلس بروحه بياكل
راقبي نفسك ، مو حلو احد يدعي عليك عشان شي تافهه ومايسوا ،،
ارتقو بأنفسكم بيكون المجتمع راقي
ماعجبك شي انتقدي بس بأدب واحترام واذا الشخص الي قدامك محترم بيتقبل كلامك
شي ثاني *ماراح اخلص شكلي ههههه*
الاسلوب ، شرحه يطول بس حلو يكون كلاسي وعندنا اسلوب محبب
اذا بنطلب شي نطلب بأدب ،
لما تجيني اسئله يهمني الاسلوب صح بجاوب ع الكل بس الي تسأل بادب
فرق عن غيرها وبجاوب عليها بذمه وضمير !
مثال :
١. من وووووين ؟
٢. جميل ماشاء الله ممكن اعرف من وين؟
شرايكم مين أسلوبها أجمل ؟
ترا عندي عاده احلل الناس من كلامها واسلوبها
صح شي غلط بس هو كل انطباعات اوليه يعني مو بشكل جدي
الاولى اشوفها مشفوحه مو شايفه خير مستعجله وحوسه وبيتها مو مرتب وستايلها قديم
*جد والله اشوف كذا ههههههههههههههههه*
الثانيه اشوفها كيوته انسانه راقيه ورايقه بنفس الوقت اشوفها انو تشرب كوفي وهي تكتب وتتكلم بهدوء
ونعومه وجميله هههههههههههههههه
انتو تحبون الناس تشوفكم كيف !
شي راجعلكم اكيد ..
بوست سوالف اكثر من انو شي مفيد
بس كنت اوضح الاشيا الي اشوفها وانتقاداتي للناس ..
صح ماأزكي نفسي واني انسانه بيرفكت بس كل شي اكتبه احاول ارضي ضميري اولا
واذا في تقصير مني فانا مجرد بنت تخطي وتصيب وهكذا p:
اتمنى لكم عام جميل ، نطور فيه انفسنا ونصير ناس احلى وَ أرقى
مانخلي الناس تحكم علينا آو تحبطنا ، نفرض تواجدنا وحضورنا وَ نمثل أخلاقنا وَ تربيتنا
لتواصل معي أو استفسارات أو ملاحظات :
| 
| 
الايميل :
gorgeousta@gmail.com
وَ الي حاب يوصله كل جديد يقدر يشترك بالمدونه بالضغط ع الزر الاشتراك الموجود ع يمين الصفحه
كونو دائما جميلين \ قورجس 
تنحححبين والله :(
ردحذفالله يسععدك و يوفققك لما يحبه ويرضاه
:"""")♥♥♥♥♥
حذفشكرا ياقللبي ، أجمعييين ان شاء الله :*
حبيت البوست .. اهم شي بالانسان اخلاقه وجماله الداخلي اكثر من الخارجي . يعطيك ااالف عافيه على كل شي وبانتظار جديدك ♥♥♥♥
ردحذفاكيد هي الاخلاق هي لي تبقى ♥♥♥
حذفالله يعافيك يارب ()
يا حلوك وحكيك
ردحذفمره جميل اسلوبك ماشاء الله
طريقة توصيلك للمعلومة جميل ويشد
اكيييد نحب نشوف بوست زي كذا
يسعدك ربي ساره ♥♥
حذفان شاء الله بكثر مثل هالبوستات هههههه
تسلمي ()
اااااااه انتي انسانه جمييييله وذوق والله ♥♥
ردحذفليه مو كل الناس كذا كلاسي وذوق ومؤدبين ='(
ليه انا في السعوديه ليييييه =(
الوحده لما تبتسمي في وجهها كشرت وقالت ايش تبغى هذا o_O
ياخي شوفي الناس الراقيه اللي برا كيف يتعاملو مع بعض!
واللي يقهرك زياده انو احنا يقال اننا مسلمين وهذي طبايعنا استغفر الله بس!
جالسين نسوي باد امبريشن حق العالم اللي برا ='(
ههههههه طيب انا بالسعوديه مايكفي ؟ < كف :$
حذفابتسمي ولحد يهمك مو الابتسامه الي تخوف ابتسامه بسييطه :$
والتغيير خليه يبدا منك وبيوصل لغيرك صدقيني ♥♥
اااااااه انتي انسانه جمييييله وذوق والله ♥♥
ردحذفليه مو كل الناس كذا كلاسي وذوق ومؤدبين ='(
ليه انا في السعوديه ليييييه =(
الوحده لما تبتسمي في وجهها كشرت وقالت ايش تبغى هذا o_O
ياخي شوفي الناس الراقيه اللي برا كيف يتعاملو مع بعض!
واللي يقهرك زياده انو احنا يقال اننا مسلمين وهذي طبايعنا استغفر الله بس!
جالسين نسوي باد امبريشن حق العالم اللي برا ='(
ونسيت اقول لك : جدا شكرا ع البوست الجميل هذا ياراقيه =$ ♥
ردحذفالله يسعد قلبببك يارب ♥♥♥
حذفمرا شكرًا ياعسل ومنجد في ناس لازملهم دورات ادب واتيكيت بس في شي ياريت اتكلمتي عنو وهوا العصبيه انا من دول الناس اعصب بسرعه وانفجر على طول على الي اعرفوو ولا ماعرفو وبعدين اتفشل من نفسي واجلس اقول ليش سويت كدا بس وماباليد حيله
ردحذفمشكله هذي :(
حذفوخاصه مو كل الناس راح تعذرك ..
بحاول اتكلم عن هالشي ان شاء الله ♥♥
صح لسااانك :) لاعدمنا الناس الواعيه والمثقفه وكلآم جداا رائع وواقع ملموس فعلا اتمنى الكل يستفيد جزاك ربي الجنه ياجميله 🌹
ردحذفصح بدنك :$♥
حذفالله يسعد قلبك حبيبتي :")♥
ماشاء الله قمه في الاسلوب والرقي 😍
ردحذفبوست ممتع ومن واقع مجتمع الاحترام والابتسامه والاخلاق العاليه
المفروض شي اساسي بفطره البنت - واهم شي بالنسبه لي تتكلم بصوت هااااااادي 😭 - والله في بنات تجي نعومه ومرتبه وكاشخه تصارخ بكل صوتها وهي تتكلم ولكل مقام مقال
وفي شي ثاني بعد الجوااااااال طيب ي حلوه طالعه وفي مكان رسمي - مثلاً عزيمه كبيره وحضرتك من دخلتي وانتي ع البي بي ولا الايفون ليه جااااايه طيب اذا شي ضروري ماهي مشكله مادري عن نفسي احسه شي من الاحترام للناس الجالسه اذا كل وحده ع جوالها نجلس بيتنا احسن
معليش ي قورجس طولت بالحكي أستمري بالبوست وان شاءالله نشوف التغير حولينا
بالتوفيق ي حلووووه 💋
ااخ الجوال هذا يبيله بوست بوح ههههههههه
حذفواخذي راحتك ياقلبي ♥♥♥
تسلميلي والله
صباح الخير أختي قورجس
ردحذفكلامك نابع من القلب وفضفضتك أكثر من رائعة
استمري والله يكتب لك التوفيق بكل شيء
امين يانور :")♥♥♥شكرا حبيبتي :*
حذفياحياتي عالفضفضة :)
ردحذفيب يب من جد اسلوب الشخص دلالة على الذوق ۈ التربيہ قبل آن يكون مجرد كلام
وزي ما يقولوا ( من كان اسلوبہہ راقيًا ادركت اخلاقہہ قبل آن ٺعرفہ )
وبالنسبالي الاسلوبّ يُحدد اذا حأكمل حديثي مع الشخص أو أتجنب مُحادثته..
والابتسامة صدقة دا ابسط تعبير ��
ابتسموا يا ناس ترا الابتسامة نظام اضاءة للوجه لوول ( احسن من make up ) ونظام تبريد للعقل ونظام تدفئة للقلب، سـامح، صافـح، ابتسم تكسب نفسك والآخرين ورضا رب العالمين
ودا اول مرور ليا يا جميلة ��
كلامك جميل ياجميله ♥♥♥♥
حذفوان شاء الله مو اخر مرور صح !
الله يسعدك يارب
اهنيكي على اسلوبك وكل واحد يعكس البيئة الي طالع منها بس الواحد يقول الحمد لله
ردحذفاتمنى لكي التوفيق 🌹
اجمعين يامحمد ()
حذفقورجستي الجميله بوستك جميل جدا حبيته جدااااااااااااااا
ردحذفوالله كل كلمه قلتيها صح
لكن انا ما احاول اقول كلمه حلوه الا لشخص امون عليه
لان في ناس بمجرد ما تعطينها ريق حلو تمسح فيك الارض :)
الابتسامه شي ضروري لكن اذا ماراح اتحمل سلاطه لسان بنت ابتعد عنها واريح راسي خخخخ
ماحب اغير باسلوب الناس ولا احب احد يغير باسلوبي اذا الشخص ماعجبني اسلوب تعامله معي
اتركه وما اتعب نفسيتي معه
اشكرك جدا ع البوست الجميل حبينا اسلوبك مرره
وليه تمسح فيني الاراض عشان كنت لطيفه وخلوقه معها ؟
حذفبالعكس اذا سوت كذا فهي قليله ادب ومافي شي يزعلك منها بالطقاق يعني :$
ابتسمي وعاملي الناس باخلاقك ♥♥
ما شاء الله عليك ربي يحفظك ويحميك من عيون خلقه !
ردحذفوالله صادقه مجتمعنا بحاجة لمثل هالبوست !
حتى ملاحظه البعض تفتح حساب خصوصي عشان تسب فلانه أو فلان !
صايرين يفرغوا الطاقه السلبيه وضفوطات الحياة بالنت للأسف وهالنوع هم ضعاف ااشخصيه فعلا ،
والله احمد ربي على هالنعمة يوم اشوف ناس تسب بألفاظ بذيئة وبكل بجاحه وقلة أدب !
الحمدلله ياربي الذي أحسنت خَلقي و خُلقي ♥
على فكره جميلة جدا ما شاء الله طاولة الأكل الي نزلتيها بالانستقرام ♥
اي والله الحممممد الله والف حممد ♥♥
حذفوالله يحفظك يابيان ويسعدك يارب ()
وعيونك الجميله الي تشوف كل شي جمميل :*
أكيدّ الاسلوب أهم شيء بالحياة والله ، أحب وأعشق الناسَ المؤدبة الخجولة اللي تحسين كذا ودك تاكلينهم من الأدب والحياء .. ولو جربتي تكلمينهم بتشوفين منهم ألذ أسلوب / عكس المطفوقيّن هم أساس الشفاحة والكلام البذيء : / !!
ردحذفمشكوّرة طبعًا .
ههههههههههههههه من جد ولو انو الحياء بدا يختفي بس حلو الاسلوب الجميل ♥♥
حذفالبوست روعه واسسلوبكك اروع ماششاءالله
ردحذفكلامكك بالصمميم جد فيه كثير بمجتمعنا كذا ومهما حاولتي تتجنبيهم ماتقدرين
♥♥♥♥♥
حذفربي يوووفقك حبيبتي مررررره جميل ياليت مثل هذي المواضيع نشوف له بوست ثاني
ردحذفناويه اسدح لك سؤال بالاسك عن اهل الزوج والتعامل معهم خصوصا بسكن فوقهم بس مالقيت الرابط :-(
موجود فوق حبيبتي في الايقونات ♥.♥ !!
حذفومن عيوني اسألي الي تبين او من الايميل عادي :*
انا ادخل البلوق بسس عشان اشوف فلسفتكك . الميك اب والفاشون اشوفه كثيير ف خخلاص م اهتمم .. بس انتي فلسفتك احب اقراها وسوالفك واشياءك استمتع فيهااا ^^
ردحذفدايييم عطينا دروس بالاتيكيت ! :$
ربي يوفقكك ان شاءالله ♡
وووخ بسس :$
حذفادري ياحبي للفلسفه ههههههههه
شكرا ياجميلتي ♥
جزاك الله خير
ردحذفصحيح من أهم اساسيات الاناقة الاسلوب الراقي يعطي انطباع حلو ....تسلم يدك على الموضوع الجميل.
الله يسعدك حبيبتي ، واكيد الاسلوب هو الي يجذب ♥♥
حذفمآشاءْ الله عليكّ ، تدخلين القلبَ . . حبيتك جداً ، الله يوفقك ويسعدك ’ هذا ابسط شيممكن اقوله لكّ ‹(ˆ̮ˆ)› ♥♥♥♥♥
ردحذفامييين ♥♥♥
حذفوحبببتك العافيه ياقلبي مره فرحني كلامك ♥.♥ !
ماشاء الله عليك منجد احس اني حبيتك من اسلوبك والله يوفقك يارب
ردحذفحبتك العافيه ياقلبي :")♥♥
حذفي زينك ق١ كثري من هالبوستات
ردحذفمن عيوني :$♥
حذف
ردحذفووووه فديت الحرمة الي لسانها مثل العسل
لساني انا يبالي اضبط العسل فية هههههههههههه
حلوووومة المتميزة ^^
ي حلو اسلوبك وكلامك قورجس ..انا متابعه جديده لك .. ي روووووعتك بس =) نادر الناس اللي فكرهم رآقي مثلك ..=)
ردحذف♥♥♥♥
ردحذف