تعالو نتنتن مع بعض :$~ طريقتي بالتان بالتفصيل ♥

-




يسسسعدلي مسساكم \ صباحكم (كلن بوقته)   
كنت بتكلم عن شي فاشووني بس الي بصوره ضاع مدري وينه هههههههههههه
فقلت بتكلم عن شي طايحه فيه من فتره وَ بيهم كثير بنات :$
التااان التااااان أو التسمير أو بالبرونزاج الي بعجبكم ،
أنا موب صحبه مع التان ، بس حبيت كنوع من التغيير ..
بحثت كثييير وإستقريت عَ كذا منتج بس طبعا طبعا ماحصلتهم ولله الحمد ،
فكنت داخله سيفورا أبي كريم مرطب وَ كم شي ، فشفت التان وَ قلت ليش لأ!
أخذت لي علبه ، وَ جربتها ووقعت بغراامهااا ()

معلومات عن المنتج:
- هو منتج للتسمير عباره عن سبراي يكون مؤقت بدون تشمس أو أي شي بس رشيه عَ جسمك وَ ترارارااا أحلى تان :$
- سريع الجفاف وَ سهل الاستخدام.
- يعطيك لون رائع كانك متشمسه بشواطئ ميامي :$
- مافيه باربان أو سولفات أو بثاليتس <- مدري لو أساميهم صح بس بشكل عام مافيه منتجات كيماويه مضره للبشره.
- هذا السبراي للجسم بس في نوع ثاني للبشره بس ماأخذته لأني اكتفيت بالميك أب.
- من سيفورا ، ماأذكر أماكن الأفرع كلها :$ بس بحياه مول + الرياض قاليري أكيد
- سعره ناااااااااااسيه بس أقل من 80 ريال اذا مو غلطانه ، مقارنه بالمنتجات الثانيه يعتبر رخيص.

كيف تستخدمينه؟
أول شي لازم تكونين شايله كل شعر جسمك أو الاماكن الي تبين ترشين عليها ، وتاخذين شور وَ تسوين سكرب للجسم ضرووري هذي الخطوه حتى مايكون الجسم مبقع ، وبس تخلصين نشفي جسمك (انتبهي تحطين أي مرطب لأنو بيكون كطبقه عازله بين البشره وَ التان) بعد كذا رشي التان وبعديه شوي ممكن 4 سانتي ورشيه وخلي أحد يساعدك أفضل لأن أهم شي التوزيع يكون متساوي ، والي يوزعه يلبس قلوفز مطاط اذا موجود لأن بيمسك باليد وبيبهذل ، انتبهي تحطينه على الركب وَ الأكواع لأن ممكن تغمق أكثر حطي حولها يكفي ، بس تخلصين إجلسي بمكان بارد وانتظريه يجف ، مرتين سويته مره جلست ربع ساعه وجف ومره طولت شوي بس وسخ ملابسي كنت لابسه ابيض :/ فانتبهو للنقطه هذي لاتلبسون الا لما تحسون نشف ، لما ترشون لاتنسون بين الأصابع وَ كعب الرجل والثنايا :$ وبس تخلصون ممكن تحطون مرطب ، ماأشجع تاخذين شور ثاني لأنو يخف مع التفريك ، بس لوعندك مناسبه حطيه قبل ووزعيه مضبوط وبس.

اللون وَ كم تحتاجين ؟
أول مره كنت أبي لون غاامق مثل البرونز الذهبي فاستخدمته 3 مرات بس مو ورا بعض تقريبا بعد 5 ساعات حطيته طبقه ثانيه وبعدها ب3 ساعات طبقه ثالثه وَ اللون كان يجنن!
المره الثانيه بس طبقه وحده وكان لون بني خفيف بس جمميل ()

كم يجلس ؟ 
صراحه مايطول ممكن اسبوع لو كثرتي الطبقات ، والطبقه الوحده راحت ب3 ايام.

الكميه؟
مو كبيره ممكن توصل ل4 استخدامات على الجسم كامل ، وعلى حسب كم طبقه تحطين.

لو بتخلص منه كيف؟
ببساطه سوي سكرب للجسم وَ يروح ، واذا كثرتي مره بحمام مغربي واحد يختفي.

يستخدم على الوجه ؟
انا ماأستخدمه صراحه أخاف على بشرتي :/ بس لما قريت ريفيوز فيه ناس يستخدمونه.

تقريبا هذا كل الي عندي ، إن شاء الله ماأكون أهملت أي نقطه

 لأي إقتراحات أو طلبات 

عَ التويتر:

https://twitter.com/Gorgeous_blog

أو الأسك:

http://www.formspring.me/GorgeoustaBlog

كونو جميلين دائما  / قورجيس ××

أحبكم :$ ()