الاثنين، ديسمبر 08، 2014

جوله استكشافيه في محل فورايفر ٢١ في الرياض ♥ Forever21 in Riyadh


السلام عليكم وَ رحمه الله وِ بركاته! 

ذكرت قبل بالانستقرام افتتاح محل فورايفر ٢١ بالرياض ..
هالمحل من محلاتي المفضله للبس الكاجوال ، غير ان اسعاره معقوله تحصلين دايم الاشياء الدارجه عندهم 

اذكر اول مره دخلته بحياتي لما كان عمري ١٤ بدبي اتوقع وانبهرت كيف مرتبين الاكسسوارات بطاوله كبيييره
كان شي جديد بالنسبه لي p: المحل هذا له ذكريات حلوه معاي 

 كنت متفائله خير ان فرع الرياض بيكون حلو! والحمدالله صار مثل توقعاتي
مريت عندهم واخذت كم صوره ومتحمسه اشاركم جولتي الاستكشافيه D:


،


المحل موجود بالحياه مول الدور الارضي قريب من مكتبه جرير بوابه ٧ 
لما رحت لهم كانو للان يرتبون فماخذت راحتي بالتصوير كثير للاسف ..

بس من خلال اطلاعي على موقعهم ، كثير اشياء حصلتها عندهم 
وكان يقولون باقي بضايع ماطلوعها للان ..

يلا نتمشى!


احب البوتات عندهم الجلد معقول واسعارهم حلوه 




الجاكيت الجلد جددا حلو وينفع مع تنسيقات كثييييره 


الاوفر سايز جاكيت يعني الجاكيتات الي صايره مقاس كبير موضه بعد للشتاء وفورايفر منزلين تشكيلات كثيره والجاكيتات بحدود ال٢٠٠ ل٣٠٠ واحس سعرها مناسب مقابل الخامات الي تبين افخم!



الشنطه السودا الي ورا تنفع لبنات الجامعه والبيضاء تنفع للبنات الكيوت p:


هذا لون ثاني للشنطه الظهر 



تخيلت هالفستان مع ليقنز غامق وسنيكرز او شوز رياضي وشال كبييير حلو D:



جاكيتات اكثر ومتنوعه


حبيت الستايل الي ع اليسار بس التنوره قصيره اوفر :|


الجاكيت الفرو من الاشياء الي ماتتعبين بالتنسيق لها! عندي شي يشبه له وبنزل بوست تنسيقات له لو حابين!
هم حاطين تحته جاكيت جلد وجمب سوت ، ماحبيت تنسيقاتهم الي ع المنيكان للاسف : (


البناطيل من اجمل الاشياء الي عندهم وحقت كررف ومتنوعه مره مرره 


من الاشياء المميزه عندهم بعد ، ان في ستايلات كثيييره يعني مهما كان ستايلك بتحصلين شي
ستايل انثوي او بوهيمي او اليقنت او كاجوال حتى عندهم قسم للاشياء الاساسيه 





الجاكيت الابيض جممميل ، نسيت اخذه للاسف :| تذكرته يوم شفت الصور :(


هذا قسم البيسك الي فيه اشكال والوان اساسيه بدون قصات او بدون خامات معقده





حبيت هالبوت بعد! مدري شعندي مع الابوات مع ان شكلها مو انثوي ابدااا بس مع تنسيقات معينه يطلع جميل



حبيت السكارف!


قسم الشوزات عندهم متنوع من فلات وبوتات وهيلز طلو عليها!


هذا قسم الاكسسوارات صورته بالجوال ع السريع هو مفصول عن المحل بغرفه داخليه
بيكون فيه اكسسوارات وملابس داخليه وبجايم

الشال الرمادي جمميل!!




وهذا قسم البجايم 



وبس هذي جولتي البسيطه ، لاتنسون الافتتاح الرسمي بيكون بتاريخ ١١ ديسمبر يوم الخميس بيكون في هدايا مجانيه للحضور وساعات لاول ٢٠٠ شخص ، مانصحكم تروحون الان لأن ماخلص ترتيب البضاعه مع ان كثيير يشتري ماشاء الله لما كنت موجوده!! بس قالولي للان ماطلعو كل البضاعه وبيوم الخميس بيكون كل شي مكتمل باذن الله .. ان شاء الله تكونون حبيتو البوست! ع فكره شريت اشياء كثيره من المحل متحمسه اصورها لكم :)) 










هناك 9 تعليقات :

  1. تغطية جميلة متحمسة له واخيرا فتح

    ردحذف
  2. جوله جميله استمتعت معاك شكراً قورجس ♥ ♥< ترا ماسرقت القلبين من فوق P: احبتس ياجميله♥

    ردحذف
  3. توني طالبه من موقعهم شغلات
    كويس فتح عندنا
    شكرا ع التغطية

    ردحذف
  4. حبيت البوست و حمستيني اروح للمحل
    انا حابه انك تنزلي تنسيقات للجاكيت الفرو

    ردحذف
  5. في اي مجمع موجود ؟؟؟

    ردحذف
  6. من المحلات الجمييله ، شكرا لكك

    ردحذف
  7. جججميلل والله اشكرك كثيير احب هالماركه بس ماكتب الله لي وانشااءالله اروح لها هالمرره

    ردحذف
  8. ااشكرك والله كثييير كثير من الماركات المحببه لي مابعد زرته ابداً وانشاءالله هالمره ازوره

    ردحذف

التعليقات الجميله ♥♥

Blogging tips